#أثارة العـيون
بقلمي أنا لّيـال الجاسم
الحلقه _19_
أحمم تصويت
"جذابـي نهركم ماترس جـود "
كاظم أسماعيل الكاطع
_____________________
منار والجهال كلهم طلعو لبيت أيدن بس اني بقيت بوحدي وجوري عندي
صار الظهر وأيـدن مرتين اتصل عليه ومارد عليّ نهضت سبحت جوري ولبستها فستان أسود ومشطت شعرها ولبستها بتوتها وقلادتها وتراجيها وكلهن ذهب وحجل برجلها
كعدتها بلغرفه وقفلت الباب وأنطيتها فوني تشاهد بنات الديزني دخلت سبحت وشسورت شعري وطلعت خليت مكياج بيجي وخفيف سحبت
عيوني سحبه خفيفه طلعن يشقن نفخت ؏ المرايه ودرت وجهي لبست فستان طويل لونه نيليي غامض ولبست بشت وطلعت من البيت قفلته وتوجهت لبيت أيدن
دخلت ولكيت دلمار كدامي بلحديقه هواي ناس زلم ونسوان أشرتلها تجي
دنكت ؏ جوري :- دلمارو تعوفين جوري عندج
دلمار :- لعد وين رايحه أنتِ
ألـين :- عندي شغل أخلصه وأجي
هزت راسهّ تقدمت علينه مراة واكفه يمنه باوعت لجوري وحجت
:- هاي بتمن
ألـين :- مدري ليش ؟؟
:- ها جا انطينياها
دلمار :- بنت ايدن
:- يا صلاوات هي١ هايي شوف شكد ملبسينها ذهب
ألـين :- بأمانتج دلمار ماريد ولا لحضه تيهينها شويه وجايه
خليتها يمها بس بالي بقه يم جوري مالحگ ادور ؏ نوران لو روز ف أدري بس يشوفنها يبقنها يمهن
طلعت أمشي صعدت سيارتي وتوجهت للصالون وصلت صفيت سيارتي بعيد ونزلت شفت ياسر واكف باب الصالون
ضحكت بخبث ورحتله :- منو أنتِ
ألـين :- بلا فخفخه ويلا راح أدخل
ياسر :- بسيارتج ؟؟
ألين :- أكيد
طگيت اصبعي ودخلت للصالون جانت هوايي بي نسوان صرت وراههن وباوعت لميعاد مخلصينها باقيي بس الأشياء لخفيفه حاجيت بنيه شابه
أليـن :- أكلج حُبِ صاحبـة الأستيديـو عدها شغل وتكول لو يستعجلن العروسه شويـه
:- مادري هاي هيّ كدامج ديجهزن بيها متشوفيها احجي ويـاهن انا مالي علاقه بيها
سويت روحي مستعجله واريد اطلع ربتت ع ايديها
أليـن :- زين تمام حبابه لو بس تگوليـن لأهل العروسه مو همّ طلبو صور بس للعروسه على ما أظن وقبل شويه خابرو اهل العريس كالو مخلصين وهسا نجي
YOU ARE READING
أثـارة العيِونّ
Mystery / Thrillerسيأتي اليـوم الذي ستُحطم كل ما لديهم مِن أثرٌ وعيـون ، ستأتي سيدة الحُطام وترمم كُل جُرحاً نبت بقلوبهم مِن قاتل الأحوال ، ينهشون العِضام بدون رحمة ويقتلون زهراةٌ مُتفتحه بعطر النرجس يملكُون عصاةٌ مِن الجحيم صوتها يُذبل ويحطم ما تبقى منهم يرتدو...
