ဘဲ့ဒူတောင်ခြေနှင့်အနီးအပါးရွာများမှ ရိက္ခာများပို့ကြသဖြင့် ဆောင်ဟွန်းတို့တပ်ဖွဲ့ကြီးမှာ လောလောဆယ်အတွက်တော့ရိက္ခာကိုပူစရာမလိုသေးသောအနေအထားဖြစ်သည်။
ရက်အနည်းငယ်အကြာတွင် စစ်ပွဲ၌ထိခိုက်ခဲ့သောလူနာများသက်သာပျောက်ကင်းကာ စစ်ရေးလေ့ကျင့်နေနိုင်ကြပြီဖြစ်သော်လည်း ဓားထိကာ အသက်ကိုမနည်းလုထားရသောလူနာမှာတော့ ကောင်းကောင်းနာလန်မထူသေးပေ။
ဆောနူးလည်း လူနာကိုအစွမ်းကုန်ကုသပေးသော်လည်း လူနာမှာ စိတ်ဓာတ်ကျနေဟန်လက္ခဏာပါရှိနေပြီး ထမင်းကိုလည်းကောင်းကောင်မစားသောကြောင့် လူနာနှင့် သေချာစွာစကားပြောကြည့်ဖို့ဆုံးဖြတ်လိုက်သည်။
" ကျွန်တော့်ကိုဓားနဲ့ခုတ်တဲ့သူက ကျွန်တော့်အချစ်ဆုံးသူငယ်ချင်းလေ"
ဟု အစချီကာ လူနာက သူခံစားနေရသမျှကိုဖြည်းဖြည်းချင်း ပြန်ပြောပြသည်။
" ကျွန်တော်တို့နှစ်ယောက်က စစ်သူကြီးချုပ်လက်အောက်မှာ တိုက်ပွဲတွေအတူတူတိုက်ခဲ့ကြပြီး သေအတူရှင်မကွာ အတူတူရှိကြမယ်လို့ ကတိပေးခဲ့ကြတယ်။
သူနဲ့မျက်နှာချင်းဆိုင်ထိပ်တိုက် ရင်ဆိုင်ရလိမ့်မယ်လို့ တစ်ခါမှ စိတ်ကူးတောင်မယဥ်ဖူးဘူး ။
သူနဲ့ထိပ်တိုက်တွေ့လိုက်ချိန်မှာ ကျွန်တော်ကတော့ သူငယ်ချင်းဆိုတဲ့စိတ်နဲ့ သူ့ကိုတိုက်ခိုက်ဖို့တွန့်ဆုတ်နေပေမယ့် သူကတော့နည်းနည်းလေးမှမတွေဝေဘဲ ကျွန်တော့်ကို ခုတ်ချလိုက်တာပဲ။
ဒဏ်ရာထက် လုပ်ရက်လေခြင်းဆိုတဲ့စိတ်နဲ့အသည်းနာလို့ပါ သမားတော်ကြီး "
လူနာက မျက်ရည်တွေ တွေတွေကျပြီး ပြောလာတော့ဆောနူးနှစ်သိမ့်ပေးဖို့ပြင်နေစဥ်မှာပင် ဟွန်းက လူနာဆောင်အတွင်း ဝင်လာသည်။
" စစ်ပွဲမှာ ဆန့်ကျင်ဘက်အရပ်ကနေမျက်နှာခြင်းဆိုင်ရပ်လိုက်တာနဲ့ ရန်သူတွေပဲ။
အရင်ကသိခဲ့ဖူးတဲ့ မိတ်ဆွေဟောင်း ၊ ထားခဲ့ဖူးတဲ့ကတိတွေ၊ ချည်နှောင်ခဲ့ဖူးတဲ့
သံယောဇဥ်တွေ ဆိုတာက မတူညီတဲ့ရပ်တည်မှုတွေကြာမှာ ပျောက်ပျက်သွားကြပြီ။
ဘုရင့်အမိန့်နာခံပြီး ပြည်သူ့ဘက်ကိုဓားဦး၊မြားဦးလှည့် လိုက်တာနဲ့ ငါတို့ရဲ့ဆန့်ကျင်ဘက်မှာရပ်တည်တဲ့ ငါတို့ရန်သူဖြစ်သွားပြီ။
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
41.လက်ခံရန်ခက်ခဲသော..
Start from the beginning
