" စစ်နိုင်ကျောက်တိုင်ဖြိုချမယ့်အမိန့်ကို ပြန်ရုပ်သိမ်းပေးတော်မူပါအရှင်မင်းကြီး "
စာသင်သားများ၏ဆန္ဒပြမှုမှာ စစ်သည်အင်အားများစွာသုံး၍ဖြိုခွင်းသော်လည်း အရှိန်လျော့မသွားဘဲ ပို၍ပင် တိုးလာချေသည်။
ပြည်သူပြည်သားအများစုမှာလည်း စာသင်သားများကိုထောက်ခံအားပေးကြပြီး ဘုရင်ကိုကဲ့ရဲ့အပြစ်တင်ကြသည်။
" ဘုရင်က သူ့နေရာတည်မြဲဖို့ စစ်မတိုက်ရဖို့အတွက် နိုင်ငံကို ထန်ဧကရာဇ်ဆီ ထိုးအပ်နေတာပဲ။"
" တကယ်တော့ဘုရင်က ဉာဏ်နည်းတယ်ရောင်းရင်းရဲ့။
သူ့နောက်မှာ မြေခွေးအိုကြီးတွေက ချုပ်ကိုင်နေကြတာ။
သေနာပတိချုပ်ရယ် အမတ်ချုပ်ကြီးရယ် တိုင်ပင်ခံအမတ်ကြီးရယ် နောက်ပြီး မျိုးနွယ်စု အကြီးအကဲခေါင်းဆောင်တွေရောပေါ့ ။
ဒီအဘိုးကြီးတွေက ဘုရင်ကိုအိတ်ကပ်ထဲထည့်ပြီး နိုင်ငံရေးကို သူတို့လိုသလိုကစားနေကြတာ။
သူတို့အကျိုးအမြတ်ရဖို့ပဲ ဦးတည်နေကြတာပဲ။
တစ်နိုင်ငံလုံး အဆင်ပြေရေးထက် သူတို့လူတစ်စုကောင်းစားရေးကိုပဲဦးစားပေးတာမို့ ဘယ်လိုမှ လက်ခံချင်စရာမရှိပေဘူး။
ပြည်သူတွေဘက်မှာ ရပ်တည်တာ စစ်သူကြီးချုပ်နဲ့သူ့ရဲ့ဂျိုဝီတွေပဲရှိတယ်။
အဲဒီတော့ ကျုပ်တို့က စစ်သူကြီးချုပ်ကို ထောက်ခံပြီးအားကိုးရမှာပဲဗျ"
အခုတလော ဂိုဂူလျောမြို့တော် ဖြောင်းယန်းမှာ သာမက နိုင်ငံအနှံ့အပြားမှာ ဆန္ဒပြပွဲအကြောင်းနှင့်ဉာဏ်နည်းသောဘုရင်အကြောင်းက ရေပန်းစားလျက်ရှိသည်။
" ရောင်းရင်းပဲစဥ်းစားကြည့် ထန်နိုင်ငံကအခုမှအခြေတည်ဖို့ကြိုးစားနေတုန်း ၊ ဒိုးဂေါလ်အရေးနဲ့ မအားလပ်နိုင်အောင်ရှိနေတုန်းကို ကျုပ်တို့ဘုရင်က ဘာကြောင့် မျက်နှာလိုအားရနဲ့ လက်အောက်ခံကြောင်းသွားပြောသလဲ။
ဒါက တော်တော်ကြီးကိုရှက်ဖို့ကောင်းနေပြီကို
ဒီမှာရပ်တန့်မသွားဘဲ ပညာရေး ဘာသာရေး အားလုံးကိုထန်နိုင်ငံရဲ့လမ်းစဥ်အတိုင်းလိုက်ပါမယ်လို့ လက်ခံလိုက်တာ ဘယ်လောက်တောင်အဆင်ခြင်မဲ့တဲ့လုပ်ရပ်လဲ။ "
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
