ဘဲ့ဒူတောင်သို့ရောက်ဖူးတာ ဒုတိယအကြိမ်ပင် ၊
ပထမအကြိမ်ကတော့ ၁၀ နှစ်သားတုန်းက ဓားဒဏ်ရာ သက်သာစပြုချိန်မှာ ဟွန်းအကြောင်းမေးဖို့ လာခဲ့ဖူးတာသတိရသည်။
ထိုစဥ်ကတော့ ဟွန်းကိုဆုံးရှုံးလိုက်ရပြီဟူသောအသိကြီးဖြင့် ဘဲ့ဒူတောင်မှ ပြန်လာခဲ့ရပေမယ့် ယခုတော့ ဟွန်း နဲ့အတူ ခရီးကြမ်းတစ်ခုကိုစိတ်တူကိုယ်တူလျှောက်လှမ်းဖို့
နောက်တစ်ခါထပ်ရောက်လာရသည်။
ဒီတစ်ခါတော့ နှစ်ယောက်လုံး အသက်ရှင်လျက် အိမ်သို့ပြန်သွားနိုင်ရမည်။
.
.
" စစ်သူကြီးချုပ်က ဆန္ဒပြပွဲမှာ ေတာ်လှန်ပုန်ကန်ဖို့ပြောင်ပြောင်တင်းတင်းစည်းရုံးပြီး စာသင်သားတွေကိုခေါ်သွားတယ်လို့ပြောလိုက်တာလားမောင်မင်း "
ဘုရင်၏ အမျက်တော်ဖြင့် အော်လိုက်သံသည် ညီလာခံခန်းမအပြင်သို့တိုင် လွင့်ပျံလာသည်။
" စစ်သူကြီးချုပ်ရဲ့အပြစ်က ခွင့်လွှတ်နိုင်စရာမရှိပါဘူးအရှင်မင်းကြီး ယခုချက်ချင်း ဘဲ့ဒူတောင်ကိုစစ်တပ်ကြီးစေလွှတ်ပြီးစစ်သူကြီးချုပ်ကို အရှင်ဖမ်းပြီး မြို့လယ်ခေါင်မှာ ကွပ်မျက်သင့်ပါတယ်။
ဒါမှနောက်ထပ် ဒီလိုတော်လှန်ပုန်ကန်ဖို့ မကြံစည်ဝံ့ကြမှာဖြစ်ကြောင်းပါ"
စစ်သူကြီးချုပ်ရဲ့ဦးရီးတော်သေနာပတိချုပ်ကြီးရဲ့စကားကို မျိုူနွယ်စုခေါင်းဆောင်များက ထောက်ခံကြသည်။
" ဘဲ့ဒူတောင်ဆိုတာ ဂျိုဝီတွေရဲ့အင်မအခြေစိုက်စခန်းပါအရှင်မင်းကြီး၊
ဘဲ့ဒူတောင်ရဲ့ ရေမြေပတ်ဝန်းကျင်အခြေအနေနဲ့ နယ်မေကျွမ်းကျင်မှုမှာ ဂျိုဝီတွေကိုယှဥ်နိုင်သူမရှိတာကြောင့် တဇွတ်ထိုးချီတက်စစ်ဆင်တာမျိုုးမလုပ်သေးဘဲ ခဏလောက်အခြေအနေကိုစောင့်ကြည့်ပြီးမှ သွားလည်းမမှားပါဘူးအရှင်မင်းကြီး။
မျိုးနွယ်စုအကြီးအကဲတွေရဲ့တပ်တွေရယ် စစ်သူကြီးချုပ်နောက်လိုက်မသွားဘဲကျန်ခဲ့တဲ့ တပ်တွေနဲ့တင် စစ်သူကြီးချုပ်ကိုကောင်းကောင်းနှိမ်နင်းနိုင်နေပြီမို့ အခြေအနေကြည့်ရင်း နယ်မြေကျွမ်းကျင်အောင်အရင်စုံစမ်းသင့်ကြောင်းပါ"
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
38.အချစ်=လူသားဆန်မှု
Start from the beginning
