Uljhe Dor

23. Shaadi ke Din ka Chaos

  "Whatever. Radhika..." Anshuman upar dekhta hai. "Wahan wo ladki dekh rahe ho, royal blue suit pehna hai usne, khule baal, jiski peeth hamari taraf hai?"

  "Jo Dadi se baat kar rahi hai?"

  "Yes, that's her."

  "Thank you, sir."

  Jab Anshuman chala jaata hai to wo aadmi call lagata hai. "Adhij, yaar ladki mil gayi."

  "Very good, ab use mauka milte hi utha lena. Par kisi ko shak na ho."

  "Yaar, kaise kaam karwa raha hai tu hamse. Aur kyun karwa raha hai?"

  "Tujhe usse matlab?"

  "Jo bhi ho, main nahi phas sakta hoon. Main yeh sab tere liye kar raha hoon, lekin is Anshuman ne mujhe dekh liya. I swear if he traces back to me, main pehle apne aap ko bacha raha hoon."

  "Kuchh nahi hoga. Tu bas use wo drugs de dena aur use Aarohi ke room mein band kar dena. Maine jo key diya hai tujhe, wo mujhe shaam chaar baje mere ghar par de dena. Atharva Aarohi ko us room mein le aayega. Be sure tum dono pakde nahi jaoge. Main yahan sabko distract karne ki koshish karunga."

  "Koi aa raha hai, main ja raha hoon."

  Rohan, Adhij ka dost wapas Radhika ko dekhta hai jo ab wahan se thodi door khadi hai jahan wo pehle khadi thi, akele. Iski shakal nahi dikhi, bas yeh ek baar pichhe mud jaye to main iski photo le lunga. Then I wouldn't have to follow her like a creep so that I don't lose her.

  Aalok thodi door se sab dekh raha hota hai. Yeh aadmi kya dekh raha hai? Tabhi wo ladki pichhe mudti hai aur wo aadmi photo kheech leta hai. Isne Bela ji ka photo kyun kheecha? Aur Bela ji yahan kya kar rahi hai?

  Aalok us aadmi ke paas jaata hai. "Aapna abhi unka photo kyun kheecha?"

  "Kinka? Main to bas jhoomar ka photo le raha tha." Rohan Aalok ko apne phone pe jhoomar ka photo dikhata hai. "Mujhe Radhika Ma'am ko kapde dena hai." Achha hua maine  jhoomar ka picture bhi le liya tha. Wo wahan se chala jaata hai.

  Kuchh to gadbad hai iske baare mein. Main jaanta hoon isne Bela ji ka photo liya. Iski boli se yeh koi darji bhi nahi lagta. Kunal sir ko bata bhi nahi sakta is baare mein. Wo Bela ji se naraaz hain. Agar main unhe bata dunga ki wo yahan hain to unhe bohot gussa aayega. Hey bhagwaan, Bela ji ke saath kuchh galat mat karna.

---☆---

  Wo ladki kaun thi jo Dadi ke saath abhi khadi thi? Usne bilkul hamare kapdon ke rang ka kapda pehna hai. Kya wo Adhij aur Maan ke plan ka hissa hai? Khair, use baad mein dekhenge, filhaal hamein jaldi se Shaivi ko dhoondhna hai. Achha hua Sonia aunty ne Dadi aur us ladki ko bula liya, warna hamein dekhkar unhe shak to zaroor hota. Aakhir ham apna muh dhak kar bina nazar mein aaye kitni der ja payenge?"

  Bela ko Shaivi bahar jaate dikhti hai aur wo uske pichhe jaati hai, lekin isse pehle ki wo Shaivi ke paas jaa sake, koi Bela ko chloroform sungha kar use behosh kar deta hai aur use peeche wale darwaze se Aarohi ke kamre tak le jaata hai. Use Aarohi ke saath room mein band karke chala jaata hai.

  "Adhij, tera kaam ho gaya. Ham dono ghar se ab nikal rahe hain."

  "Thank you, yaar. Tum dono ne bohot help kiya mera. Chalo, I'll see you later."

  "I don't know tu kya kar raha hai, but all the best. Pakde mat jaiyo."

  "Of course not, tera bhai aaj tak kabhi pakda gaya hai kya? Tension mat le. Chal, main rakhta hoon."

  Kuchh der baad Adhij Mehrotra Mansion pahunchta hai. Sabse pehle use Sonia dikhti hai.

  "Aunty ji."

  "Ab to Mummy ji bolne ki aadat daal lo. Aunty ji achha nahi lagta ab."

  "Mummy ji."

  "Yeh hui na gal. Achha, tumhari baat Aarohi se hui kya? Kahin dikh nahi rahi hai. Pata nahi shaadi wale din kahan gayab ho gayi."

  "Haan, Mummy ji, meri usse baat ho gayi hai. Wo apne kamre mein hi hai. I think uska koi beauty appointment hai."

  "Beauty appointment? Shaadi mein abhi 3 ghante baki hain. Beautician abhi se aa gayi? Shaivi ne is baare mein kuchh bataya nahi mujhe."

  "Nahi, yeh pre make up spa jaisa kuchh hai, Aarohi bata rahi thi. Usne bola koi wo nahi chaahti hai ki koi use disturb kare."

  "Theek hai ji, koi disturb nahi karega. Maan kahan hai?"

  "Maan Niharika Didi ke saath bahar gayi hai. I think un dono ka bhi koi appointment hai."

  "Yeh kaun si appointment hai? Mujhe bhi karwana hai. Khair, chhodo. Adhij, kuchh khaoge? Sharbat piyoge?"

  "Nahi, Mummy ji. Itna nervous hoon, bhook hi nahi lag rahi hai."

  "Kuchh kha le. Pet bhara rahega to tu apni shaadi enjoy kar payega. Rajma chawal bana hai, laun?"

  "Aap itna insist kar rahi hain, to theek hai."

---☆---

   Abhi tak Adhij ne Aarohi aur Radhika ko band karwa diya hai. Ab Niharika Didi mujhe kidnap karne ki koshish karegi. Pehle to mujhe natak karna hoga ki main phas gayi, phir bhaag jaungi aur Niharika Didi ko hi baandh dungi.

  "Chalein, Niharika Didi?"

  "Haan, chalo. Pehle yeh juice pi lo. You need to stay hydrated to get that glow, warna jitna products laga lo, it won't make your skin glow." Niharika Maan ko juice deti hai aur ek glass khud bhi leti hai.

  I still don't know her method of getting me unconscious. Juice mein to kuchh nahi milayi, lekin ho sakta hai glass mein pehle se kuchh ho? Lekin bachu kaise? Maan dono glass ke juice ka colour dekhti hai. Mera juice light hai. I need to confirm.

  Maan ek ghoont peene ka natak karti hai. "Yeh kaunsa juice hai? Why does it taste like this? Mera wala kharab ho gaya kya?"

  "What do you mean? Main bhi wahi juice pi rahi hoon."

  "Pi ke dekho na, batao sach mein taste alag hai ya sirf mujhe lag raha hai?"

  "Sirf tumhe lag raha hai, main bhi to wahi juice pi rahi hoon na." She's resisting, zaroor ismein kuchh hai.

  "To ek baar taste kar lo na, kya hoga?"

  Hichkichate hue Niharika glass leti hai aur aur peene ka natak karti hai. Juice Didi ke lips ko touch bhi nahi kiya. Kuchh hai ismein, pakka. "Dekho, kuchh nahi hua. Lagta hai tumhe pre- wedding jitters ho raha hai. You need to calm down."

  "Lao, mujhe do phir." Maan glass rakh deti hai aur aur uth jati hai.

  "Kahan ja rahi ho?"

  "Kunal ne kaha tha wo mujhe call karega. Uska call aata hi hoga, main baat karne ke baad pi lungi."

  "Tum piyo, main phone le aati hoon."

  "Okay," Maan Niharika ko smile deti hai. Niharika ke kamre se jaate hi Maan juice ko sink mein phek deti hai. Ab aadhe ghante baad mujhe sone ka natak karna hai. Phir Didi ko baandh dungi.