Unicode
" အေနဲ့ဘီလို့ဘဲ ခေါ်မယ်ကွာ
အေနဲ့ဘီက ညီအစ်ကိုတွေဆိုပေမယ့်
တစ်ဖက်စီက ပါလာတဲ့ သားတွေ၊
အေက ဘီက သူ့ကို မိသားစုလို သဘောထားတယ်လို့ဘဲ ထင်တာကွာ၊ ဒါပေမယ့် ဘီက အေကို သူ့ညီမှ မဟုတ်တာလို့ ပြောလာတယ် အဲ့တာ ဘာဖြစ်လို့လဲ "" နေဦး နေဦး အေက မင်းသူငယ်ချင်း၊
အေနဲ့ဘီက ညီအကိုအရင်းမဟုတ်ဘူး
အေက ညီ၊ ဘီက အကို
အကိုက ညီကို မင်းက ငါ့ညီမဟုတ်ဘူးလို့ ပြောတယ်
အဲ့လိုလား "" ဟုတ်တယ် အဲ့လို အဲ့လို "
" သူပြောတာ မှန်တယ်လေ
အေက ဘီရဲ့ ညီမှ မဟုတ်တာ "" ဒါပေမယ့် ဘာလို့ အဲ့လို ပြောတာလဲ သိချင်တာ
သူတို့ နှစ်ယောက်က မသင့်မြတ်တာလည်း မရှိဘူးလေ၊ ရုတ်တရက်ကြီး ဘာလို့ သူက အဲ့လိုပြောရတာလဲ "" ဒီမယ် ကိုမှူးသက်ဦးညံ
သူငယ်ချင်းအကြောင်းကို ဘာလို့ အဲ့လောက် စိတ်ဝင်စားနေရတာလဲ "" ရင်းနှီးတဲ့ သူငယ်ချင်းမလို့ပေါ့
ပြောမှာရှိ ပြောစမ်းပါကွာ "" ငါပြောပြမယ် ဖြစ်နိုင်ချေနှစ်ခုရှိတယ်...
ပထမတစ်ခုက မင်းသူငယ်ချင်းနဲ့ သူ့အကိုကြားမှာ
ပဍိပက္ခတစ်ခုခု ရှိရမယ်ကွာ "ချစ်သော တွေးတောရပြန်သည်။
စာတွေ နေ့တိုင်းပို့မိတဲ့ ကိစ္စက
ပဍိပက္ခအနေနဲ့ သတ်မှတ်လို့ ရတာလား။
တကယ် အဲ့တာကြောင့် သူ့ကို ညီ မတော်ချင်တော့တာလား။ စိတ်ရှုပ်အောင် လုပ်မိလိုက်လို့လေ။" ဒုတိယတစ်ခုကကျ ညီလို့ မသတ်မှတ်တော့တာ "
" ဟမ် ဘယ်လိုကြီးလဲ "
" အာ... ဒီလိုလေကွာ ကြားရတာတော့ နည်းနည်း
ထူးဆန်းကောင်း ထူးဆန်းနိုင်ပေမယ့်
မင်းသူငယ်ချင်းအပေါ် သူ့အကိုက ယောင်္ကျားလေးတစ်ယောက်၊ သူစိမ်းတစ်ယောက်အနေနဲ့ ခံစားချက်ရှိနေတာ၊ ညီအစ်ကိုတွေလို မနေချင်တော့ဘူး အဲ့တာကို ပြောတာ... "ဒါပေမယ့် သူတို့နှစ်ယောက်လုံးက ယောင်္ကျားလေးတွေလေ။
" သူများအကြောင်း တော်ရုံ စိတ်ဝင်စားစမ်းပါကွာ
လာ Round လှည့်ဖို့ အချိန်ရောက်ပြီ
နောက်ကျရင် ကောခံနေရမယ် "