လုလျန့်ဝေက စိတ်ရွှင်မြူးစွာနဲ့ ခေါင်းတဆတ်ဆတ်ညိမ့်ပြီး ဆည်းဆာနေရောင်အိမ်ဝန်းဆီကို ပြန်လာခဲ့ပါတော့တယ်။
နောက်တစ်နေ့မှာတော့ လုလျန့်ဝေက သူမကိုယ်တိုင်ပြင်ဆင်ထားတဲ့ မနက်စာကို ကောက်သစ်တာရာ အိမ်ဝန်းမှာ ရှိတဲ့ လုထင်ချန်ဆီကို ယူလို့လာပါတယ်။ မဟာဆန်ပြီး ထည်ဝါလှပတဲ့ ဆည်းဆာရောင်ခြံဝန်းလိုမဟုတ်ဘဲနဲ့ ကောက်သစ်တာရာခြံဝန်းက ပိုမိုကျယ်ဝန်းပြီး ရှင်းရှင်းလင်းလင်းပဲ ပြင်ဆင်ထားတာဖြစ်ပါတယ်။ခြံဝန်းရဲ့ အချို့နေရာမှာရှိနေတဲ့ ဝါးပင်အနည်းငယ်ကလွဲပြီး သစ်ပင်ပန်းမံတွေ ရှိမနေဘူးလေ။
နေရာတော်တော်များများကို ကိုယ်ခံပညာလေ့ကျင်ဖို့အတွက် ဟာလာဟင်းလင်းပြင်လိုမျိုးသာ ထားထားပါတယ်။
သူမအိမ်တော်ထဲဝင်လာချိန်မှာ ဓါးရှည်နဲ့ လေ့ကျင်နေတဲ့ အကိုဖြစ်သူ လုထင်ချန်ကို တွေ့လိုက်ပါတယ်။ ဘေးတစ်ချက်တစ်စီမှာတော့ လက်နက်ချိတ်ထားတဲ့ စင်တွေရှိတယ်။ လု့လျန့်ဝေ ရပ်လိုက်ပြီး သူမအစ်ကိုလေ့ကျင်တာကို ကြည့်လို့နေတယ်။ လုထင်ချန်ကို ကြည့်ရတာတော့ လက်နက်တွေနဲ့ အတော်ကိုရင်းနှီးပြီး ကျွမ်းကျွမ်းကျင်ကျင် အသုံးပြုနေတယ်။
လုကျန့်ဝေကတော့ ကိုယ်ခံပညာနဲ့ မရင်းနှီး။ ဒါပေမဲ့လည်း အစ်ကိုဖြစ်သူကိုတော့ လက်ခုပ်သြဘာတီးပြီး အားမပေးဘဲ မနေနိုင်ခဲ့။ သူမအစ်ကို အခုအသက်အရွယ်နဲ့ တပ်မှူးကြီးဖြစ်လာတာက အံ့သြစရာမရှိပါဘူး။
လုထင်ချန်ဟာ မျိုးဆက်တွေထဲမှာ မရေမတွက်နိုင်အောင် ငယ်ရွယ်တဲ့လူတွေထဲက အရည်အချင်းရှိပြီး ပါရမီပါတဲ့ သူလို့ မှတ်ယူလို့ရပါတယ်။ ဒါပေမဲ့လည်း ကံမကောင်းစွာနဲ့ ဝတ္ထုထဲမှာတော့ လုလျန်ဝေ သေကြောင်းကြံစည်ပြီးနောက်မှာ လုထင်ချန်က လုံချီနဲ့လုယွင်ရှမ်းတို့ကို မကျေပွဲနွှဲဖို့အတွက် သွားပါလိမ့်မယ်။ အကြောင်းက လုံချီကအရင် လုလျန့်ဝေကို ချဉ်းကပ်ဖြားယောင်းသွေးဆောင်ခဲ့တာမလို့ဖြစ်ပြီး သူပျော်ရဖို့အတွက် လုလျန့်ဝေကို ကျီစယ်ဖြားယောင်းရုံသာဖြစ်ခဲ့လေတယ်။
လုလျန့်ဝေဘက်က စတင်စိတ်ဝင်စားလာတဲ့ အချိန်ကျတော့ သူမကို အမှိုက်သရိုက်လိုပစ်ချခဲ့ပြီး လုယွင်ရှမ်းကိုသာ လက်ထပ်ခဲ့တယ်။
YOU ARE READING
ဦးရီးတော်ဧကရာဇ်ရဲ့ အသည်းအသက်လေး အဖြစ် ကူးပြောင်းလာတယ်
Historical Fictionအင်္ဂါနေ့တိုင်း Update ရှိပါသည်။ ကြာပန်းဖြူလေးများအဖွဲ့
Chapter-4 : ပြောင်းလဲနိုင်ဖို့အတွက် ကြိုစားရတော့မယ်။
Start from the beginning
