ناِدرة الأوصاف وفي حلاها مُحال ومِن حُسنها يغار البدر

النهاية

النهاية....

بعد سته شهور من بعد تعب من بعد ارهاق قلة نوم خوف صباح يوم الاثنين تاريخ 7/24/144‪5 جابت نجد تؤم ماكان عقاب يدري او اي احد يدري.........

كان عقاب متوتر وكان فارس جالس ع الكرسي يهز رجله وام أوس تدعي ان الله يخفف عنها الالم الولاده الي كم ماتت منها النساء....
نوره تمشي تورح وترجع بتوتر وترت الي حولها
قال ابو عبدالله؛ صلو على النبي لا إله إلا الله البنت مابها شي شوي وتطلع كم حرمه ولدت ولا صار لها شي اهدو

عقاب قام وطلع خوفا من ان نجد يصيبها شي ويكون المسؤال عنها وراح يقعد يلوم نفسه الى يوم الدين

طلع برا المستشفى وجلس على الكراسي الي برا وهو حاط راسه بين يديه ويحاول يهد بس مو قادر من تذكر اول ماقام على صراخ نجد بالبيت
فز وهو مايدري حلم والا علم قام وهو يطيح بالارض من البطانية الي علقت برجله وطاح وهو يصرخ يقول؛ وش فيتس

وصل لها وانصدم من شاف دم تحت رجول نجد حس بالخوف الدكتوره محذرتهم انه اذا نزل دم مايبشر بالاخير مره

صحى من حس با أوس جلس جنبه وقال؛ هونها وتهون ياخوي ادع ربك يعينها ويقومها بالسلامة
تنهد وفزو من شافو صقر يركض ويقول؛ ابشرك ابشرك مرتك جابت توم
حس الدنيا تدور فيه  وانكب مويا بارد عليه من الصدمه والتفت لا أوس وضمه ونزلت دموع عقاب دموع فرح دموع توتر وخوف واخيرا انتهت رحلة وهنن على وهن....

دخل المستشفى وهو يركض وقال؛ وينها وش صار.
ضحك ابو سعود وقال؛ اصبر اصبر ورعانك بخير ومرتك بخير بيدخلونها الغرفه شوي...
تنهد وهو يجلس جنب ياسر والتفت له ياسر وقال؛ كنت تدري انهم توم
هز راسه ب لا وهو منصدم للحين وقال؛ لا والله ولا طرت لي ضحك ياسر وقال؛ سبرايز قوي لعام 222‪4

طلعت الممرضه وقالت بهدو؛ تقدرون تدخلون
دخلو على نجد الا عقاب الي طلع يشوف عياله هم عيال والا بنات!؟
راح للحضانه وهو متحمس منعته النيرس من الدخول وقالت؛ المدام نجد قالت ماتدخل او تشوفهم الا ماانت وهي لحالكم

بعد مدة راحو الناس وعرفو انهم........ والكل طاير من الفرحه الا عقاب الي جالس برا يستناهم يروحون

استوعب انه حتى الورد ماجابه قام وهو يركض قبل لا يقفلون المحلات عشان صلاة الظهر...

راح وجاب ورد وجاء
طق الباب وهو مايدري وش يسوي
دخل والقى السلام كانت نجد تحاول تبين له انها تمام ومافيها اي شي لكن تعب الولاده غلّاب.....
تقدم وباس جبينها وللحين الصمت سيد الموقف

جلس عقاب على الكرسي وقال؛ الله يسامحتس مت وقمت ومت ورجعت وش سويتي فيني!؟
ضحكت نجد وسكتت بألم ومسك يدها وباس كفها الي فيه المغذي وقال؛ ارتاحي انتي الحين.
قالت نجد؛ معليك مافيني شي عطني جوالي