ناِدرة الأوصاف وفي حلاها مُحال ومِن حُسنها يغار البدر

البارت الثالث

البارت الثالث
(داخل عند نجد )
كانت تبكي لانها ما قدرت تدافع عن حقها وكان صياحها يشق قلب اخوانها بس ماكانت تدري انهم عند الباب ولما حست بيد تمسح دموعها فتحت عيونها وشافته فارس وانهارت بحضنه وكل هاذا تحت مسامع عقاب الي ماتمنا انه يسمع بكها وكانت تقول : انا استاهل كل هاذا يارب ليتك اخذتني ولا خليتني اعيش هاذي الام اههه يدي توجعني ورجلي اهه وفارس كان يمسح دموعه بشماغ حقه عشان ماتتئثر
وقال لها : نجد يانظر عيني انتي هدي حالك والله ما اخلي حقكتس وعقاب فتح ملف للقضية ومارح يتسكر الا وهو ماخذ حكتس اراتاحي يانظر عيني (بنسبه الى ام ياسر وام عبدالله ارجعو للبيت عشان وقت الزياره انتهى وكان ممنوع المرافق) وفجأه دخل ياسر ومعه بوكيت ورد وقال وهو يضحك عشان يغير نفسيتها : اول مره اشوف قمر جالس بسرير يالفارس تشوف الي انا اشوفه ضحك فارس وفهم مقصده وقال : والله انا لسا ما صدقت ولا بحضني بعد!
ضحكت بضيق واتجه ياسر لها وقال : الحمدالله على سلامتس يانور البيت
وردت وقالت : الله يسلمك
وقال فارس : ماشاء الله هاذا اسقبالتس له وانا ليه ما استقبلتني استقبال حلو ها؟
ضحكت وقالت : ترا مايهون زعلك يالفارس ودخل عقاب وقال : اي بالله مايهون المهم الحمدلله على سلامتس يانجد نجد كأنه انبلع لسانه وضحك ياسر وقال : خرعت بنتنا ياعقاب
ضحك عقاب وقال : ترا ما اكل وردت : الله يسلمك وقال : ترا بنبدا تحقيق بسألك كم سؤال تمام؟ ردت بغصه وقالت : تمام قال : لا تتوترين اخوانتس حولتس وانا ورا الستاره قالت : طيب قال : بسم الله نبدأ اول سؤال وش سبب العداوه؟
قالت : بقول لكم سالفه ما احد يعرفها الا انا وامي وابوي قال فارس : اسلمي يالنور
قالت : مره كنت راجعه من المدرسه وناداني ابوي وقال : ترا في واحد خطبك وانا رفضت وانتي يابنتي وش تقولين انا علطول اعطيته الرفض بحكم دراستي وقال لي ان بنته معا ولما سألته وش اسمه قال لي اسمه السيف و.. قال عقاب : لحظه وش قلتي اسمه؟؟؟ هي خافت انه جاب العيد وقالت : السيف قال : تدرون ان له يد العصابات والذراعه اليمن ولده خالد بس هو منحاش عن الدوله المهم كملي قالت: الله ياخذه هو وعياله ان شاءالله المهم عشان كذا تكرهني هي وامها وقفت وهي تبكي : وترا الكلام الي بالحمام الي قريته هي الي كاتبته وكانت تتبلى علي اني وقفت نجد وهي تتعالى شهقاتها وفز ياسر لها وقال : وش قالت يالنور وقالت وهي تبكي : ك ك كانت ت ت تتبلى علي اني اطلع مع اخوها الثور واني اههه وبكى ياسر لما حس راسها ثقل وقال فارس وهو يبكي : اهه يالنور كل هاذا انتي كاتمته تكلم عقاب وقال : والله وانا ولد حمد اني لاخذ حقها فز فارس وباس خشم عقاب (سلام رجال) وقال : ونعم والله ياولد عمي وقال عقاب :معليك زود
وفجأه دخل ابو ياسر وكان يركض كأنه مجنون وفز فارس له وقال : هد يبه الله يجعلني فداك نجد معليها وعقاب الي مسك القضيه ريح لي حالك
وقال ابو ياسر وهو حيله مهدودو: مين اللي هد حيل بنتي الله يهده اه يالنور شقيتي قلبي واخذ طرف شماغه قام يمسح دموعه والتفت لعقاب وقال : سئلتك بالله ياعقاب غير تقولي مين سوا بالنور تسذا قال عقاب : ياعمي هد حالك والي سوت بنجد كذا ارها بنت ابو خالد ابو ياسر كان متوقع انه هوقال : اللله يحرق قلبه على بنته زي ما احرق قلبي على النور قام ابو ياسر وقال: ياعقاب ترا قضيت بنتي برقبتك اشر عقاب على خشمه وقال : على خشمي بس يالله نمشي للبيت و.. وقاطع عليه عسكري ودق تحيه وقال له عقاب : استترح وقال العسكري لعقاب :لازم تقعد عند المريضه وعقد عقاب حواجبه وقال : ليه؟ قال العسكري بهمس : البنت مهدده ولازم يكون احد عندها من الرتب العليا وانا جيت اقولك احسن ان البنت ما تقعد مع واحد غريب وانت ولاد عمها صح؟ وقال له عقاب : الله يعطيك العافيه ودق العسكري تحيه وقال زياد: استرح والتفت لعمه وقال : خلاص روحو انا بقعد احرص على غرفت نجد  ريح حالك يا عمي ونم ترا نجد في ايادي امينه قال ابو ياسر والحزن في صوته : تكفى ياعقاب امنتك بنتي تراها امانه عندنك وقال عقاب : ابشر ولا توصي حريص جا فارس وقال : ما يحتاج اوصي ياعقاب قال : ابشر يالفارس ومشو
(بيت ابو ياسر ) الناس كلها نامت ماعادا ترف كانت تستنى ابوها واخوانها  ولما سمعت صوت الباب فزت وركضت لا ابوها وضمته وانهارت من البكي بحضن ابوها وقالت : يبه وين نجد  ليه ماجت ابي اروح لها تكفى قال ابوها : اختتس بالمستشفى وابشري انا بكره اوديتس بس يالله وانا ابوتس روحي نامي عشان نروح لها بكره يالله ابتسمت وقالت له : ابشر يبه وانت رح ارتاح
اتجهو العيال لغرفه ودخلو ولقو عبدالله صاحي
قال فارس :غريبه مانمت!؟
قال عبدالله :انتظركم، المهم اخبار نجد؟
قال ياسر بحزن :انا اول مره بحياتي اشوف نجد كذا
قال عبدالله :فتره وتعدي معليه تصبرو
قال فارس وهو يتلحف بالبطانية :ان شاء الله، قم ياياسر طف اللمبه
قال ياسر :والله مالي خلق اقوم ابد
قال عبدالله بضحك :أصغر القوم خادمهم
وقام ياسر وطفا اللمبات ونامو
(عند نجد بالمستشفى وخصوصاً بالغرفة) وقامت كانت تحس نفسها ارتاحت انها قالت كل شي ومكانت تدري ان عقاب موجود
عند عقاب كان مشغول بالقضية وفز لما سمع صوت وحده تغني ودموع بحناجرها وعند نجد كانت تغني افضل بارت عندها ورفعت صوتها لما وصلت لها البارت الي تحبه
لالا وحرم من عقب البطا تزعلونه
لالا شوفو عيونه كثر نوحه دمرها
لالالا صرت محروم لاتحرمونه
لالالا خلو هبايب نجدِ تنثر شعرها
وقفت فز عقاب وسكت كان منبهر من صوت نجد كان هادي واضح عليه نبرت الحزن والبكي بس كان في قمت الروعه
ورجعت نامت وهو كان صاحي طول اليل تحسباً  لي شي يصير
اليوم الثاني بيت ابو ياسر
عند ابو ياسر اتصل على عقاب ورد على طول وقال : صبحك الله بالخير يا عمي قال ابو ياسر : صبحك الله بالنور والسرور متى الزياره؟ قال عقاب: الساعه ٣ العصر تعالو طيب؟ قال : ان شاء الله وانتبه على نجد قال : ابشر
ودخل على نجد وقال : صبحتس الله بالخير يانجد
قالت نجد : صبحك الله بالخير يا ولد عمي
ابتسم بخفه ودخلت الممرضه فلبينيه الاكل وقالت : يالله ماما فطور
وقالت نجد : الله يرحم اثنين جابوتس لا تقولين لي ماما انا اقولتس ماما بس فكيني وما ابي
اكل ضحك عقاب وكان ورا الستاره وقال : كولي بسرعه واذا بغيتي شي ترا انا جنبتس من امس
وردت على طول وقالت : مالك شغل وبعدين قم تقلع
هنا تنرفز وقال بحده : كولي لا اقلب المستشفى عليتس بسرعه على طول اكلت وقالت : ياارب لك الحمد الله يزيد النعمه يع... اقول ياولد عمي
قال : سمي
قالت : سم الله عدوك بس بغيتك تنادي لي ممرضه
هو خاف يوجعها شي وقال : يوجعتس شي؟
قالت : لا بس ابغا الحمام ما اقدر امشي جسمي يوجعني اخذ منشفه ولفها على يده وقال : والله ما لي خلق اروح انادي احد قومي وانا بصد وعد
وقالت : ليه هو لعب ورعان اخلص
قال : سريعععع وقامت غضباً عنها واول ماقمت ماقدرت تتمسك يد وحده ولما حست نفسها بتطيح ضمت عقاب لا إرادياً وبكت

وقالت : والله ما اقدر امشي رجعني السرير
وما لقا الا حل واحد وقال لها : شدي علي لين نوصل السرير طيب؟ هزت رلسها ب اي وتمسكت به وكانت تبكي واستغرب هي ليه تبكي وقال : ليه الدموع عادي حصل خير
وقالت : انا الحين شبه مشلوله ما اقدر اسوي ابسط احقوقي... عقاب طلبتك
قال لها : تم بس وش تبين؟
قالت : ابيك تهربني من المستشفى تكفى والله اني ضايقه
وقال لها: ابشري بس بروح اشوف الدكتور وش يقول طيب هدي حالك
قالت :  طيب وفعلاً سمح لها الدكتور بالخروج وهم باطريق كانت سرحانه بالسما وماحست انهم وصلو
الا لما وقفو وقال : ترا ما احد يدري انتس جيتي بروح اجيب العربيه واجي قالت : لا ابغا امشي لحالي انا قدها
عقد حواجبه وقال : لاوالله كيف تمشين ياشيخة واتركي عنتس العناد
قالت : ياخي خلني احاول طيب
قال : ياصبر ايواب اشوف يالله
كانت تحاول وفعلا قدرت توقف مع انها كانت تتئاوه بالام بس وقفت وجت عند عتبت الباب وتمسكت وقالت له : ها ما قلت لك اني قدها
طفا سيارة ونزل وقال : اي والله قدها وقدود
قالت : اسمع ادخل قبلي عليهم وشف وين هم مجتمعين وقلي عشان اسوي مفاجأة سريع
قال : هاذي البلشه صدق ورع انتي ورع ها اقول ادخلي لا تدقتس الشمس
قالت : ايه انا ورع ورضيعه بس اخلص علي
ودخل كأنه حرامي وطل لقاهم مجتمعين بصاله الحريم بجهه والرجال بجهه وراح لها ركض
ولقها مغطيه عيونها من الشمس
وقالت : سنه انت وجهك اخلص وينهم ماصارت مفاجأة صارت مفاجعه
ناظر لها بطرف عين وقال : علتبن واريهم بصاله
قالت : طيب التبن بعدين ارده طيب؟
قال لها : طيب
وبداخل بصاله عند ترف كانو جالسين يسولفون وقالت ترف : يبه متى نروح عند نجد ترا اشتقت لها
رد ابوها وقال : والله حتى انا اشتقت لها شوي وانا ابوتس قالت : اه يانور اليبت وينتس
وب هلحظه دخلت نجد وقالت : موجوده ينظر عين النور وعم الصمت لثواني وفزت ترف لنجد تركض تضمها وتبكي
وقالت : اه يالنور اشتقت لتس نجد رغم الم الا انها مستانسه وبعدين سلمت على الكل لين ما وصلت إلى نوره
وقالت : نوير وانهارت نوره وبحنها وقالت : اه ينجد اشتقت لتس ودخل عقاب وقال : انا طلعوني من السالفه والتفت له ابو عبدالله وقال : بعدين يجي دورك
وفجأة تدخل عليهم حرمه
وفز ابو ياسر وقال : حصه!!!  وش جابتس هااا

(ارحبووووووو ادري انكم اشتقتو لي والله حتى انا اشتقت لكم المهم استمتعو بالبارت هذا ان شاء الله البارت الجاي حيكون فيها دراما وراح نتعرف على شخصيات جديده خلوكم جاهزين❣️❤️)