الجحيم هي

اقتباس

مساء الخير يا قمرات♥
اقتباس صغنن من الأحداث الجاية، وجيت أقولكم إن الجاي دماااار ومش ساهل بجد ولا متوقع، قراءة ممتعة جميلاتي🥺♥
ــــــــــــــــــــــــــــ

صارت تصرخ بألم و كلامهم يتردد فى أذنيها وتبكي كما لم تبكي من قبل على أشخاص كسروها، تشعر بقلبها يتألم بشدة، تشعر به قد كُسِرَ، أَنَّت بألم قبل أن تردف: عارفين كنت جاية ليه؟
كنت هقولكم إنى قررت استقر هنا، ومش هسافر تاني وكنت هسامحه وأديله فرصة بس أنتوا كسرتوني بكلامكم ده.

صمتت تأخذ نفسها بألم -بسبب تَشَكُل غصة قوية بحلقها- قبل أن تُكمل حديثها: نيجي لأمي اللى كانت دايمًا خايفة عليا، وعلى تعبي……
أكملت حديثها بصراخ قد جرح حنجرتها ولكنها لم تبالي؛ فألم قلبها أقوى بكثير: راح فين خوفك عليا لما كنتِ بتفكري تدمريني؟ ردي، مش بتردي ليه؟ راح فين وأنتِ شيفاني بتعذب؟ راح فين وأنا كنت بعذب نفسي بالشغل والتدريب والدراسة عشان أنسىٰ؟ ساكتة ليه، راح فين وأنا قتلت طفولتي بإيدي بسببكم، ردي راح فين؟
عارفة أنتِ اللي قتلتي الطفلة اللي جوايا، أنتِ السبب سمعتي كلام عمتي وأنتِ عارفة إنها بتكرهني من يوم اللي حصل، بس عارفة انا مسمحاها هي وأنجي، عارفة ليه؟
عشان هما ميعرفوش الحقيقة.

ثم ذهبت "…" وهي تناظره بإنكسار مُردفةٌ بألم يكاد يفتك بها: وأنت يا بابا، كنت بتقولي إيه؟
أه صح أميرتي، فاكر كنت بتقولي إيه؟
"أنتِ مش بس بنتي يا" …" أنتِ روحي ومش هسمح لحد يأذيكي، ولا تنزل دمعة من عيونك."
بس للأسف أنتوا السبب، عيلتي السبب في الوجع اللي أنا حساه دلوقتي، اللي  المفروض يحموني همَ السبب.
ثم قالت برفض و"…" يحاول أن يضمها: اوعىٰ تعملها تاني أنتوا فقدتوا الحق ده، أنا بكرهكم، بكرهك سامع؟

نظرت لهم جميعًا بضياع، من ثم أخذت تصرخ بوجع وآلم شديد: ليه؟ ردوا ليه؟ آه يا ربي، يا رب أموت وترتاحوا.

ــــــــــــــــــــــــــــــــــــــــــــــــــــ

منتظرة توقعاتكم للأحداث الجاية👀♥

دُمتم بكل الخير ♥🙈