أحببت _ ذلك الأخرس
البارت: 20
بقلمي: يقين احمد
Instagram: yaqeen_ahmed21
tiktok: yaqeen_ahmed21
جميلاتي انتو لاتنسون التصويت+المتابعه للحساب
والتعليق بين الفقرات
ألم بروحي احاول ما أضل مكسور
واعرف صعبة لم الجام المكسر
أمشي وألتفت مطلوب دم ودين
انا اتمنى استقر بس كون غير اگدر
'''''''''''''''''''''''''''''''''''''''''''''''''''''''''
رؤى....
كلمه هي كلمه وحده وحسيتهه مثل الصاعقه
ونزلت على راسي وزلزلت روحي واخذت حيلي
كله
عافني وطلع من بعد ما خلص كلامه واخذ روحي
ويا تركني بصدمتي وجسمي كله جامد ومو جاي
اگدر استوعب شنو الصار يعني خلص هذا هو اللي
بينه انتهى يعني تخلى عني تركني وميريدني بعد
صعب عليه اتخيلهه شلون هو گدر ينطقهه شلون
اعرف غلطت واعرف اللي سويته مو صح بس مو
هيچ يعاقبني مو هيچ هو يعرف انو هو الشخص
الوحيد اللي بقى الي وتعلقت روحي بي ومن خوفي
لا اخسره تصرفت كل هالتصرفات بسبب غبائي بس
شنو چان بإيدي والله چان صعب عليه
انك تتهدد بشخص تحبه وتخاف عليه ومستعد تسوي اي شي في سبيل ميتأذه صعب تتقبل
خسارته بسهوله
علي چان الامل والحبل اللي يربط بيني وبين
الحياة من بعد ما ماتت بالنسبه الي من بعد
موت بابا هو اللي رجعني لحياتي قبل وهو
اللي گدر يرجع ضحكتي اللي خسرته من بعد
كلشي صار وياي وهو اللي وگف بوجه شكو
شخص اذاني وهو اللي حاماني من اقرب الناس
الي بس هسه خسرته!!!!!
كلشي توقعت كلشي بس انو يطلگني بعمري ما تخيلتهه ولا تصورت انو ممكن نوصل لهذه المواصيل چان ممكن يعاقبني بأي شي يريد وشنو يسوي چنت مستعده اتقبله من دون كلمه وحده ولا اي اعتراض بس ما چنت متصوره انو غلطي اكبر من انو يعاقبني بعقاب بسيط وبسهوله ما چنت اعرف انو غلطي وغبائي راح يخسرني علي للابد...
صحيت من تفكيري ع ايدين تضرب بوجهي باوعت
عليها رنا تحاول تحچي وياي بس اني فاصله كلشي
ما اسمع صوتهه احسه بعيد عني حيل بعيد وما جاي
اسمع اي شي بس اشوف شفايفهه تتحرك بس مو فاهمه اي كلمه التفتت ع الجهه الثانيه احمد واگف وعيونه حمرر واشوف بيهن نظرة قهر وشفقه الظاهر چان يعرف شنو راح يصير وشنو مقرر باوعت على رنا وگلتله وصوتي يا دوب يطلع مخنوگه بشكل والهوه احسه بلش يشح من ريتي
_ ط طلگني....
اخر شي سمعته هي شهگت رنا ومن بعدها
حسيت بأطرافي بردت ورجفة صابت جسمي
ومو عارفه شنو جاي يصير الي اسمع صراخ رنا
بس مو گادره افتح عيوني بعدها استسلمت للظلام اللي استولى على حياتي كلهه وراح يظل مرافقني
كل عمري ومراح اخلص منه حتى بموتي......
رنا.....
وگعت بين ايديه مثل الجثه ما تحرك لا ايد ولا رجل
جسمهه صار يرجف ويهتز بصوره تقشعر البدن صرت
اصرخ على احمد اللي واگف مصدوم من منظر اخته
اللي يهد الحيل ويكسر الگلب اريده بس ينتبه الي تا
ناخذهه للمستشفى لا تروح من ايدينه
YOU ARE READING
أحببت ذلك الأخرس
Fantasyفتاة ذات عمر ال15 طفله تعيش بين عائلة متفاككه ومهمله تعيش وحيده ليأتي يوم وتذهب عروس لبيت غريب وتكون هنالك الكثير من الصدمات اللي تحطم حياتها وتكسرهه ولكن يأتي بعدها عوض جميل ليجبر بكسرها ولكن هذا العوض مختلف ماذا ستكون حياة هذه الفتاة وكيف ستواجه م...
