#أحببت_ ذلك الأخرس
بقلمي: يقين أحمد
عويناتي لا تنسون التصويت +التعليق بين الفقرات +احبكمممم 🤎
يچي چم باچر وما يختلف شي
نفس البارحة بس عمرك يزيد
♡•♡•♡•♡•♡•♡•♡•♡•♡•♡•♡•♡•♡•
رؤى....
احيانا الضغوطات اللي تصير النا بالحياة
ممكن ادمر نفسيتنه وممكن تتعب عقلنه
خصوصا اذا مرينا بشي او موقف صعب
ومؤذي
واللي مريت بي صعب اي بنيه تتحمله
ولا اي وحده تتقبله عشت شعور لا يوصف
تعب تفكير قلق خوف كسره كلهن عشتهن
كل ليلة وراسي ع المخده ياخذني تفكيري
لذاك اليوم ولذيچ الساعه واگعد اتخيل
شنو ممكن يصيرلي اذا اهلي عرفو بالموضوع
يا ترى بابا حيوگف وياي لو ضدي احمد
شنو حتكون ردة فعله ماما!!!
كتمت الالم والكسره بگلبي وما شاركتهه
لأي واحد حتى بخطوبتي ما تهنيت رغم
بهاليوم كل بنيه تفرح
نكسرت فرحتي اكثر بعد ما شفت ام
حيدر عندنه وخصوصا بعد ما باركتلي
حسيت ب سكين تنغرس بصدري ع شنو
تباركلي ع عملة ابنهه وسواده
لو ع كسرتي ع شنو بالضبط
تخبلت وسولتلي نفسي انو ارتكب
جريمه بحق نفسي وبحق الامانه اللي
مأمنهه عندي غضبت ربي بتصرف غبي بلحظة ضعف
چانت خالتي تحچي واني ابچي بس
والله مو بيدي والله دخل بابا علينه مثل
الاعصار وينافخ من العصبية خفت حيل
علي ورا ويحاول يهدي تجاهل كلامه وتقدم يمي گلتله
بابا وال.....
قاطع كلامي بكف خله خشمي وشفتي
ينزفن دموعي گامت تهل ع وجناتي بغزاره
شهگت واني احچي
بابا فدوه اسفه..... لزمني من شعري
وگال وهو صاك ع اسنانه
ابو احمد: ليش هيچ سويتي هاا وشنو
هالكلام اللي سمعته هاااا احچي بنت الك*** احچيييييي
علي: ابو أحمد اهدء الله يخليك مو هنا
نحچي لتنسه احنه بالمستشفى خلينا
نرجع للبيت ونحچي رجاءا
أبو أحمد: ولك شهدؤ هاا شهدء واني
بنتي منتحره وتحچي حچي ما ادري
شن مو عقل ما ظل براسي ولكمممم
مو راح اموووت بنتي شبيهه جاوبوو
بابا يصيح واني دموعي تنزل وميته
خوف بابا ما فاهم السالفه وهيچ لعد
لو فمهمهه شنو يسوي اكيد يقتلني اي
اكيد يغسل عاره بس بس اني مالي ذنب
والله مالي علاقه اللي صار غصب عني
فجاءه بابا وكع من طوله متنه خوف علي
گمت اصيح وضرب ع خدودي
بابا فدوه بايا والله آسفه بابا گوم حباب
اقتلني شتريد اسوي سوي بس الله
يخليك گوم
YOU ARE READING
أحببت ذلك الأخرس
Fantasyفتاة ذات عمر ال15 طفله تعيش بين عائلة متفاككه ومهمله تعيش وحيده ليأتي يوم وتذهب عروس لبيت غريب وتكون هنالك الكثير من الصدمات اللي تحطم حياتها وتكسرهه ولكن يأتي بعدها عوض جميل ليجبر بكسرها ولكن هذا العوض مختلف ماذا ستكون حياة هذه الفتاة وكيف ستواجه م...
