احببت ذلك الأخرس
بقلمي: يقين أحمد
البارت: 18
جميلاتي لا تنسون التصويت+المتابعه للحساب
والتعليق بين الفقرات عويناتي انتو فضلاً وليس أمراً ♡
♡ ــــــــــــــــــــــــــــــــــــــــــــــــــــــــــــــــــــــــــــــ♡
رؤى.....
لقد تمكنت مني فقد أصبحت أتجاهل الجميع
حينما تكون معي، فالناس للناس أم أنت لي
وحدي فقط......
كلامه علي چان مثل النسمه على گلبي خصوصا
واحنه واگفين بهيچ مكان طاهر احس معدتي
وجعتني بس وجعهه حلوو
احساسي بوقتهه مثل الطايره بالسماء
وما بودي هالشعور ينتهي ما اريد ارجع
لواقعي البشع ولا لخوفي المسيطر عليه
من بعد ما كمل كلامه اخذني من ايدي
وطلعنه وصار يفتر بيه بكل مكان ويحاول
يغيرلي جو وگدر يغير مزاجي وعشت
ويا اجمل لحظات حتى وان كانت بسيطه
بس ظحكته وعيونه ولهفته چانت كافيه
تخليني ابتسم واني اشوفه ديسوي كلشي
بس في سبيل ابتسم وارتاح
يفتح مواضيع عادي تا اتجاوب ويا واشاركه
بالحديث وكل ما اصفن يقطع صفنتي ويحچي
وياي تا ما افكر بشي
ما خله مكان يعتب عليه ما اخذني اله
اشترالي كومه شغلات رغم چنت ارفض
بس هو يعند ويگلي...
علي: خليني احس دا اسوي شي يفرحچ
حتى وان كان هالشي بسيط اني اللي مسؤل
عنچ وعن احتياجاتچ اني وبسس
چنت ابستم واني اسمع كلامه واحسه من
صدگ ديحاول يسوي كل اللي يطلع بإيده
في سبيل ميقصر وياي ويلبي كل طلباتي
رغم ما اطلب منه بس هو يشيل ويجيب
اي شي يطلع گدامه حتى وان كان ما يعرفه
شنو....
من بعد تعب ووقت طويل واخيرا استسلم
وگال نرجع بس قبل ما نتعشى ورحنه لمطعم
قريب من الحرم ونزلنه اكل
اكلت شويه لان احس شهيتي مسدوده
ومالي نفس للاكل بس لخاطره ما حبيت
يضوج ويظل باله وياي اكثر من هيچ تعبته
كافي سعيه بس تا ارتاح واضحك هذا كلش
كافي بالنسبه الي....
من بعد كلشي طلعنه وبطريقنه للبيت وهو
اخذ الطريق كله يسولف وياي ويضحكني
ويخليني غصب عني اندمج ويا واضحك..
وصلنه للبيت من بعد تعب وارهاق من طول
الطريق احس رجليه وظهري ما احس بيهم بس
بسبب علي تغيرت نفسيتي شويه لو ما هو ما
شنو حالي هسه
چنت فرحانه من كل گلبي بس الظاهر ما مكتوب
الي الفرحه تكمل لازم يجي شي ويخرب وينغص
عليه هالفرحه ويخليني ارجع لنقطة الصفر
دخلنه للبيت ورحت بوجهي گبل لغرفة
ماما اطمئن عنهه وهي اكيد بالهه يمي هسه
اعرفهه ما راح تطمئن اله تشوفني
دخلت لگيت احمد ورنا يمهه هي من شافتني
ابتسمت بفرحه وراحه بانت ع معالم وجهه وهي
تشوفني ما بيه شي زين يا ترى صدگ اني ما بيه
شي لو جاي اتظاهر بهالشي ليش احس بنفسي متناقضه
وما اعرف شنو اريد
YOU ARE READING
أحببت ذلك الأخرس
Fantasyفتاة ذات عمر ال15 طفله تعيش بين عائلة متفاككه ومهمله تعيش وحيده ليأتي يوم وتذهب عروس لبيت غريب وتكون هنالك الكثير من الصدمات اللي تحطم حياتها وتكسرهه ولكن يأتي بعدها عوض جميل ليجبر بكسرها ولكن هذا العوض مختلف ماذا ستكون حياة هذه الفتاة وكيف ستواجه م...
