ဒီကံဆိုးမှုတွေက ဆောနူးနန်းတွင်မှာရှိနေတာကြောင့်ဆိုပြီး စွပ်စွဲခံခဲ့ရတာ မနေ့တနေ့ကလိုပင်။
ယခုတော့မထင်မှတ်ထားချိန်မှာပဲ ထိုသူနှစ်ဦးက အတူရှိနေပြီးဆောနူးကတော့ ဂျောင်ဘူအင်ကိုဆေးကုသပေးဖို့ရောက်ရှိနေခဲ့ပြီ။
သိချင်စိတ်တွေကိုချုပ်တည်းကာ သမားတော်တစ်ယောက်ရဲ့တာဝန်ကိုအရင်ဆုံးလုပ်ဆောင်ရတော့သည်။
သွေးကြောစမ်းကာအခြေအနေကိုသုံးသပ်ကြည့်ပြီး ရောဂါလက္ခဏာများကိုမေးမြန်းပြီးသည့်နောက် လိုအပ်သည့်အပ်စိုက်ကုသမှုလုပ်ပေးကာ ဆေးညွှန်းတစ်ခါတည်းရေးပေးခဲ့လိုက်သည်။
အားလုံးပြီးစီးသည်အထိ နန်းတွင်းသူမှာ စိတ်နဲ့ကိုယ်မကပ်သလို တုန်လှုပ်နေသည်။
" မင်းက အဲဒီတုန်းက ရေတွင်းထဲ ခြေချော်ကျပြီးသေဆုံးသွားတဲ့ နန်းတွင်းသူ မှန်တယ်မလား ဂျောင်ဘူအင်ကရော ဘယ်လိုလုပ်ပြီးမင်းနဲ့အတူရှိနေတာလဲ"
ဆောနူးအမေးကြောင့် ထိုနန်းတွင်းသူမှာ ဒူးထောက်ချပြီး ခွင့်လွှတ်ပေးဖို့အသည်းအသန်တောင်းဆိုတော့သည်။
" ကျွန်တော်မျိုးမတို့နှစ်ယောက်ကိုခွင့်လွှတ်ပါအရှင့်သား
ဖြစ်နိုင်မယ်ဆိုရင် မတွေ့ခဲ့သလို ဟန်ဆောင်ပေးတော်မူပါအရှင့်သား "
လက်နှစ်ဖက်ကို လက်အုပ်ချီကာ ရှိခိုးမတတ်တောင်းပန်နေတဲ့နန်းတွင်းသူကို ဒူးထောက်ရာမှထစေပြီးနောက် ထိုင်ခုံပေါ်ထိုင်စေကာ သိချင်သည်များကိုစတင်မေးမြန်းတော့သည်။
" မယ်မင်းဖြစ်စေချင်သလိုမသိချင်ယောင်ဆောင်ပေးမှာမို့ ဘာလို့ သေဆုံးချင်ယောင်ဆောင်ခဲ့ရတာလဲဆိုတာ ပြောပြပေးပါလား "
ထိုနန်းတွင်းသူက သက်ပြင်းရှည်ကြီးကိုချကာ ခေါင်းငိုက်စိုက်လျက် ဖြစ်ကြောင်ကုန်စင် ပြောပြလာသည်။
" ကျွန်တော်မျိုးမနဲ့ ဂျောင်ဘူအင်က နန်းတွင်းကိုအတူဝင်ခဲ့ကြတဲ့ ငယ်ပေါင်းကြီးဖော်သူငယ်ချင်းတွေပါ။
ကျွနိမတို့အသက်၈နှစ်မှာနန်းတွင်းစဝင်တော့ အရှင့်သားကိုမွေးဖွားတဲ့နှစ်ဖြစ်ပါတယ်။
KAMU SEDANG MEMBACA
Majestic Love Story In Dae Goguyeo
Fiksi Penggemarစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
32. အမှန်တရားအပိုင်းအစ
Mulai dari awal
