وتيرة الاعرج

الوتيرة التاسعة والاربعون

-ارسلان: هااي شنوو ولكم

-نيروز: حقك ماشايف شي هاي كل يوم يصيرون من الروس ونكعد نفاكك بيهم

- موخوش سالفه احسن شي اخليها خصوصي

-ناز: لا انه اريد نيروزه افهم عليها بس عمر ماريده يدرسني

-عمر: خفتاً وراحة حتى شغلي هامله علمودج ام. السانين

-ارسلان: عمر لاتنسى من زمان هيه مادارسة شلون تريدها تستلم بسرعة اتعبو عليها شويه انه. لو مادوامي وغياهب اجي ادرسها

-غياهب: شنو رأيك ناخذها ويانه

-مليكة: انجبو عمير يدرسها وغصباً عليه انتَ يمه اهتم. بمرتك شوف حالها يابعد حالي شمسوي بيها الحمل

-ارسلان: خبلتني تاكل منا ذبته منا هسه يطلع ابني ما ادري بنتي بطول الاصبع

- هاي اكو حوامل هيج اول اشهر اتحمل خلي خلكك طويل وياها

- مو عن هاي مليكة بس اضوج من اشوفها هيج وضعها تعبان وهيه حامل لازم تتغذا زين

- مو بيدها يمه هسه جم شهر وبلكي تصير زينه

-غياهب: لا تحجي عليه لا اليوم اخليك يم اهلك

صاح عمر ..

-عمر: كفووو النسوان السنعه

-ارسلان: ماباقي شي واروح الدوامي

ضلت ساكتة بس حسيتها ضاجت ضل يباوعلها عبالك فهمها من ملامحها الي تغيرت بقوا عندنه طول اليوم اجه كُميل من شغله شافهم عندنه بعده واكف يم الباب گال وهَوُ موجه كلامه الهم ..

-كُميل: چلب العضكم كتلناه خالي

-ارسلان: له له شو هذه عمير بعده عايش

-عمر: نعاال شعليه بكلشي حطيتو

سلم عليه وعلى غياهب ضل يباوعلها كُميل متفاجئ ..

- شني هاي خالي شو خلصانه انتِ

-غياهب: ابن اختك مايوكلني

صاح ارسلان وكطم حجايته ..

-ارسلان: شوووف الـ .. اقصد شوف الخوش ادميه شتحجي انه ما اوكلج وانه اتوسل بيج بس كون تاكلين

- نمزح بيبي

-عمر: هرمونات الحمل صايره بارسلان مو بغياهب

كرصته نيروز يسكت ضامه ضحكتها اجت ناز جانت تسبح ومشطه كعدت بصف ارسلان بس الي صار هنا ارسلان ابتعد شويه عنها مبتسم بخفه هيه هم فهمت ابتعدت شويه صارت مسافه بينهم دنكت خجلانه وهم الحزن بوجهه ..

-ناز: اسفه نسيت

-ارسلان: عادي بابا

رفعت راسها تباوعله مبتسمة باوعت لبطن غياهب ..