وتيرة الاعرج

الوتيرة الثامن عشر

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

مركز بكل تفاصيل وجهي صار يغمض بعيونه ويفتحهن بس ماطولت هل الحاله جنت مخليه ايدي على الجسر حط ايده فوكها ردت اسحبها ضغط عليها بقوة حسيت اصابعي تكسرن يمكن من قوة الضغطة شديت بايدي الثانية على الفستان الي لابسته ما اريد ابينله متأيه ..

-غياهب: شيل ايدك للمره الالف اكلك اقرف من كل لمسه تلامسني منك

باوع لساعته الي لابسها حك طرف خده ويسوي حركة بشفايفه كأنما يدور بيهم ودخلهم لداخل فمه  ..

-ارسلان: دائما تكعدين وحدج بحديقة بيتكم تبقين ساعات مغمضه عيونج بعدين من تفتحينهن تبقين تتلمسين بالاثار بس ماتطولين بالنظر الهن

طبكت حواجبي من كلامه كل الي اجه ابالي وماكو غير هذه التفكير الي فكرته ..

- تراقبني ؟

- ذكية تلكفينها وهيه طايره

- حلو حلو بيبي

- اهوايه راقبتج ولليوم اراقبج

- شلمعنى

- نرضي فضولنا

ماجاوبته رجعنه للبيت الطريق كله ساكتين صفنت بالشارع من جامة السيارة اسبوعين بس باقي لزواجنا وانه ما ادري هل الشخص الي يريدة بالضبط شنو صحيح عرفت سبب الزواج وسبب تقرب عمر لنيروز بس يبقى السؤال انتقام شنو ابويه عمره مااذه بشر ولا خوالي تطلع منهم انتقامه منو سببه بالضبط فزيت من دوامة افكاري على صوته ..

- وصلنا حضرة المحامية

نزلت ساكته احتلني هدوء جاي اسد بالباب مال السيارة گال ..

- اسبوعين بس وانتِ يمي

ماعندي طاقة اجاوبه درت بوجهي دخلت للبيت اريد اسد الباب واندفع شهكت جان ارسلان سحبني من ايدي الي حسيتها راح تنخلع اباوع بعيوني لباب البيت الداخلي لا أحد يشوفنه صرنه بالحديقة بمكان محد يلمحنه بيه اله يركز وجانت دنيا ليل ..

رفع ايده لركبتي بخفه بلعت ريك بهدوء ملامحه تخوف بشكل حجه وهُوَ كاز على اسنانه ..

- من احجييي وياجج جاوبييي لا تلبسينيي

- ليش انتَ نعال علمود البسك

- السانجج

- راح ادور وراك الى ان اكشف كلشي يخصك

خنكني بقوة صرت كوه اجر النفس ملامحه مابيها ذرة رحمه  ..

- عدوي العناد غياهب من تتجاهلين وتعاندين كلهن تتعاقبين عليهن وجاي اجمعهن الج