وتيرة الاعرج

الوتيرة الواحد والاربعون

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂 hawraalsaidi

-غياهب: جانت كعدتهن بالعكس ظهرهن صاير على الباب مايشوفن منو يدخل رفع اصبعه أشرلي اسكت دخل بهدوء وهنه ماحاسات اتمنيت وحدة منهن تنتبه بس بعد يريد ينفضح كلشي صار كدامهن وهنه وجوهن فلتت وصارت تنطي الوان من هول الصدمة

رجع ايديه لورا ظهره يباوعلهن وهنه حتى صوت انفاسهن كتمنه ..

-عمران: ليش سكتن بابا كملن الي جنتن تحجن بيه

وكفت نيروز وملامح الصدمه والتوتر اعتلت وجها تفرك بايديها بسبب توترها من الموقف ..

-نيروز: بابا

- اي باباتي

هدوئه خوفني شكله مو مال احد ماسامع شي دنكت راسها نيروز اذا نرجع للحقيقه ف نيروز عندها خطأ هَوُ من رجعت دخلت بعلاقة صداقة غلطها بمراهقتها جان بينها وبين واحد علاقة وصارت مشاكل لان طلع نذل وبذاك الوكت نيروز تعب وضعها النفسي وكالها خالي خلي الي صار درس الج مدى الحياة

بس الحياة تلعب دورها صح اكو فرق بين عمر وذاك الشخص بس تقنع منو بهذه الكلام

رفع راسها يباوعلها بنضرات قلقتني المعروف خالي عمران انسان عصبي ومو بسهوله يسامحك من تخطأ ..

-عمران: ليش ضميتي عليه عاجبج ترجعين تكسرين الثقة الي بينه

نزلت دموع نيروز وهيه تهز براسها بـ لا ..

-نيروز: لا بابا

- چا ليش رجعتي غلطتي شحجينه قبل احنه

- اسفه

- اكعدي

دخلو ابوية وخالتي للصاله الي احنه بيها باوعو للوضع بأستغراب ..

-سلطان: خير ان شاء لله

-وجدان: شبيها نيروزه تبجي

-عمران: حضرة بنت اخوج ماتابت من الماضي

-غياهب: خالي ممكن تسمع كلشي قبل
لا تحكم

- ليش خالي عتبي عليجن انتِ واختج تعرفن بكلشي وساكتات وكاعدات هنا تقنعن بيها

- مو كلشي مثل ما امفكر

-سلطان: احد يفهمنه شكو مثل الاطرش بالزفه

غمضت عيوني لازمه اعصابي من حنين حجت خفت يصير شي  ..

-حنين: من رخصتك خالي بس يعني انتَ هسه باسلوبك هذه وعصبيتك راح تفهم شي اكيد لا رجاءً لا تعيدون غلط غياهب وارسلان لليوم حاقده عليكم بسبب موقفهم

فتحت عيوني من صار هدوء بعد كلامها اباوعله عيوني متوسعه على كلامها اتقدم الها وابوية واكف مافاهم اي شي من الي جاي يصير ..