وتيرة الاعرج

الوتيرة التاسعة والاربعون

- اذا اجاك ولد شتسمي واذا بنيه شتسميها

باوع ارسلان الغياهب ورجع عليها ..

- بعدنه مامقررين لحد الان وهم ماشايفين جنس الطفل

هزت براسها ساكتة وكل شويه تسئل ارسلان بس تريد تسولفوياه كسرت خاطري صلو وصبينه العشاء انه مالي نفس الشي اكل هيج غياهب ماكلت وارسلان يتوسل توسل تاكل كملنه وماتخليني نيروز الزم اي شي وياها بالبيت استحيت منها كله عليها البيت

دخلتلها للمطبخ اغسل المواعين على الاقل وياها كوه خلتني دخلت غياهب يمنه كعدت على جهه ضايجه باوعنالها انه ونيروز

-نيروز: بيج شي غياهب

بس كالتلها هيج نيروز نزلت دموعها حطت ايديها على وجهه تبجي عفنه الي بايدينه ونيروز سدت الباب مال المطبخ كعدنه يمها خايفين عليها

-غرام: غياهب شبيج احد حاجاج شي او ضوجج

-غياهب: لا

- لعد شبيج حبيبتي

نزلت ايديها تمسح بدموعها ويرجعن ينزلن ..

- ما اعرف شبيه مختنكه

- صاير شي وياج انتِ وارسلان

- لا بالعكس مامقصر بشي ويايه

-نيروز: لعد شبيج يمعوده خوفتينه

- المغذيات زرفت ايديه ومن كلشي تلعب نفسي اختنكت من هل الوضعيه ومن ارسلان. يروح الدوامه استفقده بس الي اعرفه اتعلقت بيه اهوايه اريده دائماً يمي

ردت نيروز مكزكزه تضحك ..

- اووييي غياهب عود صدك هاي انتِ ههههههه

- انجبي انتِ ماناقصتج

- لج عيني وين جنتي ضامه كل هل الحب هسه تطلع هرمونات الحمل

عضيت شفه النيروز لان غياهب موبوضع شقه تحجي مقهوره سكتت نيروز لزمت ايدها طبطبت عليها ..

-غرام: العبان النفس وجاي يصير وياج يصير عند اغلب الحوامل يتعبن. كلش بس اول اشهر بعدها يتحسنن

-غياهب: كلش متأذيه من هل الشي اروح الاهلي يشبعون قهر عليه اجي البيتي ارسلان نفس الحاله همه مايحجون بس انه اعرفهم من عيونهم

- اي يخافون عليج لان متاكلين وانتِ حامل

- قابل بيدي انه الوضع كله ماطايقته

- ادري بيج تعبانه بس ميخالف اتحملي

مسحت دموعها وحلقتها بايدها رفعت راسها تباوعلنه انه ونيروز ابتسمت بنص دموعها ..

- يعاملني مثل الطفلة

حطت نيروز ايدها جوه خدها وهيه تكلها ..

-نيروز: الله غياهب سولفيلنه حبابه عن علاقتكم لان انتِ ماتحجين شي عنكم بس يمكن هاي اثار الحمل خلينه نستغلها