وتيرة الاعرج

الوتيرة التاسعة والاربعون

- انحرمت من الاثنين ماحضر فواتحهم

- ارتاحي چم يوم وبعيونه ناخذج الاهلج اغدي فدوه الوجهج

رفعت راسي الها ..

- صدك خاله تاخذوني عليج رسول الله

هزت براسها وطلعت رضعت سراج ونومته حطيته بمكانه طلعت اسبح من طلعت عمر جان كاعد يم خاله سلم عليه دخلت للحمام اختلطت دموعي ويا الماي الينزل ماجاي اكدر اعدي الي صار عادي رغم اذيتهم الي

رجعني شريط ذاكرتي للايام السود الي عشتها هناك شيصير لو بذاك اليوم غسان ماسوا فعلته جان ماخسرت هلكد ولا اتعذبت ولا صار الي صار اتأخرت بالحمام وانه الذكريات محاوطتني فزيت من اندك الباب

-كُميل: علويه كافي اطلعي

سديت الماي بدلت طلعت شفته واكف وحدة منطيني ظهره دار بجسمه اجه يمشي وكف كدامي لزم وجهي بايديه ..

- لا تبقين تعزلين بنفسج انه يمج

- نصلي

- مادافنينه خابرت رجل سوزان يكول بعدهم

اختنكت اكثر بهل لليله احتضني لحضنه بس عيني ماغفت وهَوُ من يشوفني كاعدة يضل كاعد ماتغمض عينه الثاني يوم بقيت بفراشي مالي خلك الشي حتى ابني بس من يجوع اقربه الي دوام ماداومت

اتاكدنه من دفنه صليناله الوحشه البيت كله صلاله كعدت وحدي اقراله قران وصارت عادتي هاي كل يوم افتح القران واقرا حمدت ربي الف مره من بريته الذمه وسامحته عذاب القبر ماينحمل

خابرت سوزان روحي مفرفحه عليها فتحت خط اجاني صوتها منتهي من الصياح كوه تحجي ..

-سوزان: شلونج غرام

شهكت بدموعي مهضومه ..

-غرام: مقهوره ومهضومه.

- سوده عليه عساها بحضهم وبختهم

- ردت اجي بس ماكدرت لان الفاتحة عند عمامي

- ردتها ببيتي بس محد قبل هسه طلعت محنتهم ولا جنهم نفسهم الي ذبو يمي

- سوزان تعبانه محتاجه لحضنج

- محتاجتج اكثر

- مليكة كالت ناخذج الهم

- انتظري للاربعين تعاي وزلمه الي يفك حلكه وياج اله اكطع النعال عليهم

- انه حتى امي مارايحتلها قبل كلت اروح بس الحياة مصايبها مامنطيتنه مجال

- بالاربعين نروح سوا

ضلينه نحجي هيه تبجي وتصبر بيه وانه نفس الحالة كلش انتهينا سديته منها وصارت الايام تمشي يوم بعد يوم وانه نفس وضعي حتى ابتسامتي استفقدتها ارسلان اجانه مره وحده علمودي وتعذر نيابة عن غياهب لان ماكدرت تجي كُميل ماعايفني يحاول بكل الطرق يخفف عني بس ماكو شي يخفف وانتَ جرحك جديد