"မားကမအိပ်သေးဘူးလား ညဥ့်နက်ပြီလေဗျာ"
ရိပေါ်ကမေးတော့မားမားကခေါင်းအသာခါပြတယ်။
"တရေးနိုးလာတာ ဝမ်ပေါင်ပေ့ရဲ့
မီးရောင်မြင်နေရတာနဲ့ဝမ်ပေါင်ပေ့မအိပ်သေးဘူးထင်လို့ ပြီးတော့မားမားပြောစရာလေးရောရှိတာ ညနေတုန်းကမေ့သွားလို့သာ"
မားမားစကားကြောင့် ရိပေါ်လုပ်လက်စသင်ခန်းစာတွေကိုရပ်လိုက်တယ်။ မားမားဘာပြောမလဲဆိုတာသူမသိပေမယ့် မားမားပြောသမျှစကားတိုင်းကိုအလေးထားနားထောင်ပေးတတ်တာဟိုးအရင်တည်းက။
"မနက်ကျမှလာပြောလည်းရရဲ့သားနဲ့ မားရယ် အိပ်ရေးပျက်ခံလို့ဗျာ"
မျက်မှန်ကိုင်းလေးကိုတစ်ချက်ပင့်တင်လိုက်ရင်း ရိပေါ်ကဆူသလိုပြောတော့ မားမားကပြုံးတယ်။ စာကြည့်မီးအလင်းရောင်နဲ့မြင်နေရတဲ့မားမားရဲ့အပြုံးက ရိပေါ်ငယ်ငယ်ကလိုဘဲတောက်ပနေတုန်း။ သိပ်မြတ်နိုးတန်ဖိုးထားဖို့ကောင်းနေတုန်း။
"ခုပြောချင်လို့ပေါ့ မားမားအချစ်ကလေးရဲ့"
ရိပေါ်ခေါင်းလုံးလုံးကိုခပ်ဖွဖွပုတ်လိုက်ရင်း မားမားကအဲ့လိုပြောတယ်။
"ဟုတ်ကဲ့ မားမားသဘောပါဗျ"
မားမားသိပ်သဘောကျတဲ့အပြုံးမျိုး၊တစ်နည်းအားဖြင့် ပါးဖောင်းဖောင်းတွေမို့တက်အောင်ပြုံးပြရင်း ရိပေါ်ပြောလိုက်တယ်။ အတတ်နိုင်ဆုံးရိပေါ်လုပ်နိုင်သမျှလုပ်ပေးရင်း မားမားကိုစိတ်ချမ်းသာစေချင်တယ်။ မားမားမှမဟုတ်ဘူး။ စီနီယာအစ်ကိုကြီးကိုလည်း ရိပေါ်တတ်နိုင်သလောက်တော့ပျော်အောင်ထားပေးချင်တာဘဲ။ ချစ်ပုံချစ်နည်းချင်း၊ချစ်မိတဲ့အဓိပ္ပါယ်ချင်းကွဲလွဲတာကလွဲရင် နှစ်ယောက်လုံးကိုရိပေါ်ချစ်ပါတယ်။
"မနက်က ရှောင်ယင်းနဲ့တွေ့ခဲ့တယ်"
ခပ်တိုးတိုးမားမားစကားသံကြောင့်ရိပေါ်ရင်ထဲလှိုက်ခနဲခုန်သွားတယ်။ စာကြည့်မီးရောင်လေးလည်းအရင်ကထက်ပိုလင်းလာသလိုလို။ ပြီးတော့ခပ်ယဲ့ယဲ့မှိန်ပျပျမျှော်လင့်ချက်သေးသေးကလေးလည်း အရင်ကထက်အရောင်တောက်လာသလိုလို။
VOCÊ ESTÁ LENDO
Came From Deepest Somewhere
Fanficရှောင်းကျန့်ကအများပြောသလို ဂြိုဟ်ဆိုးကလေးဆိုရင်တောင် ဝမ်ရိပေါ်ကိုတော့ရှောင်ကွင်းသွားချင်တဲ့ဂြိုဟ်ကလေးပဲဖြစ်ခဲ့ပါတယ် Started date-17.6.2022(Fri) Completed date-23.9.2022
Chapter-17
Começar do início
