خيِّال ومُهرة

part «5»

ــ بيره..... 

ضحكت و گتله

ــ ترى اني ما اشرب  ... اني من عائله متدينه و اهلي واثقين بيه ما اسوي شي غلط ومبقيني هنا..

ــ من گتيلي تعال ندور مكان نصور بيه

ــ اييي

ــ اخذتي گلاص مال البيره وشربتيه كله دفعه وحده..

بقيت صافنه عليه هذا شيحچي...

ــ شربت عصير ترى

ــ لا شربتي بيره اني واگف يمچ وشفتچ حتى بطنچ گامت توجعچ

ــ لا..... لا  انت تشاقه وياي شربت عصير يلعب النفس.

بقه ساكت واني الدموع تجمعن بعيني 

ــ والله اني ما اشرب.. شلون سويت هيچ حطيت ايدي على وچهي اغطيه من الفشله..

ــ روسلينا شنو شبيچ؟؟  مصدگ بيچ والله  ...

جابو القهوة وخرت اديه بس بقيت مدنگه راسي

ــ باعي راح انسه كولشي وحتى ما اذكر البارحه والحفله....  وعد..

باوعت عليه وگتله...

ــ شسويت؟؟  احچيلي شسويت و بعدين انسه..

ضحك وگالي

ــ يمكن ما احچي احسن الچ...

باوعت عليه وگتله

ــ اريد اعرف..

ـ شربي قهوتچ وبعدين اسولفلچ  . شربت القهوة بسرعه حتى يحچي.

ــ اول شي بطنچ كامت توجعچ واني اجيت يمچ اشوفچ شبيچ وگمتي تضحكين بصوت عااالي.. 

وكمل الحد  ما رگعت الباب بوچه واني يا گاع انشگي وبلعيني احتاريت شگول وشنو ااحچي.. 

وهو كل ما يسولف  يموت ضحك نوب يكمل...

ــ علي.... گلاده چنت لابستها بيها فراشه كولش احبها ما شفتها؟؟

ــ  شفتها من لابستها..

ــ اليوم ما لگيتها دورت عليها البيت كله

ــ ادورلچ السياره..

ــ شكراً..  تعبتك وياي البارحه كولش اعتذر..

ــ لا بالعكس تونست..  باوعت عليه صفح  كتله....

ــ گلتلي تنسا كولشي

ــ هاهيه اخير يوم نحچي بهذا الموضوع

ــ تمام..  گلتله واني ابتسم

كمنا رحت للشقه قبل لا اصعد اطاني الكاميرا و شكرته ورحت للشقه نظفتها و رتبت ملابسي البارحه من رحت للحفله لعبت بيهن لعب..

سويت غدا وگعدت اكل  و اتصل عليه علي جاوبته

ــ  الو هلو  علي