အသက်အကြီးဆုံးလည်းဖြစ်ခေါင်းဆောင်လိုလည်းဖြစ်နေသူကသူတို့ရဲ့သစ္စာရှိမှုကိုရွတ်ပြခဲ့ပြီးသူ့ရဲ့အသက်နဲ့အလဲအထပ်ပြုလုပ်ကာကောင်းကင်ကိုတိုင်တည်ပြီးကျိန်ဆိုခဲ့သည်။
သတိုးကျော်စွာ,အိမ်ဆောင်နာရီကိုထုတ်ကာထိုလူကြီးရှေ့ဝေ့ယမ်းကာစိတ်ညို့လိုက်သည်။ထိုအရာလေးကအရှင့်သားဆီကရထားသောလက်ဆောင်ဖြစ်ပြီးအရှင့်သားသင်ထားပေးသောစိတ်ညို့နည်းပင်။သူတစ်ယောက်ထဲဒီလက်ဆောင်ရတယ်ထင်ပြီးကျန်လေးယောက်အားအပြေးအလွှားကြွားဖို့သွားသောအခါမှငါးယောက်လုံးနာရီလက်ဆောင်ရထားကြောင်းသိလိုက်ရသောဝမ်းနည်းစရာအခိုက်အတန့်ပင်။အရှင့်သားကမျက်နှာများလိုက်တာ....။
ထိုလူရဲ့ရိုးသားသောမျက်ဝန်းများနှင့်အဖြေများကြောင့်သတိုးကျော်စွာလက်ဖျောက်တီးကာစိတ်ညို့တာကိုပြန်ဖျက်လိုက်သည်။
"ကောင်းပြီစားဖိုးမှူးတွေသံသယကလွှတ်ကင်းတယ်အာ...နောက်ဆုံးတစ်ဖွဲ့ပဲကျန်တော့ဒါပဲ"
"ကျေးဇူးတင်ပါတယ်တရားသူကြီး!"
စားဖိုမှူးတွေဟာလဲစုံးစမ်းစစ်ဆေးခြင်းမှလွှတ်မြှောက်သွားတာကြောင့်စားဖိုမှူးများချက်ပြုတ်သမျှကိုပုဂံထဲအသီးသီးထည့်ကာသက်ဆိုင်ရာအပျိုတော်တွေဆီလက်လွှဲပေးရသောဟင်းပြင်ဆင်သူတစ်စုသာကျန်ရစ်ခဲ့တော့သည်။
ရဲမက်တွေကဓါးကိုယ်စီကိုဆွဲထုတ်လိုက်ပြီးအပြစ်သားဟုယူဆရသောလူတစ်စုကိုသုတ်သင်ရန်အသင့်ပြင်ထားလိုက်ကြသည်။
သတိုးကျော်စွာဘာမှမမေးရသေးခင်မိန်းကလေးတစ်ယောက်ကဒူးထောက်ချလာပြီး
"ကျွန်မ..ကျွန်မ..မဟုတ်ဘူး..မင်းသမီး..."
သို့သော်သူမစကားမဆုံးသေးခင်ချွန်ထက်သောမြှားတစ်စင်းကသူမလည်ပင်းကိုဖောက်ဝင်သွားခဲ့သည်။ထို့နောက်မျက်လုံးပြူးမျက်ဆန်ပြူးနှင့်ပါးစပ်ဖွင့်ဟလျှက်ပင်လဲကျသေဆုံးသွားတော့သည်။
"လုပ်ကြံသူရှိတယ်...ရှာကြစမ်း!"
ရွှေနန်းတော်ပေါက်ကွက်မတတ်ပွက်ပွက်ညံသွားခဲ့ပေမယ့်တရားခံကိုတော့ဖမ်းမမိလိုက်ပါချေ။
YOU ARE READING
ဘုရင်ကြီးရဲ့အနောက်ဆောင်ကအန္တာယ်များလွန်းတယ်!
Actionပန်ဒိုရာဟာနိုင်ငံအစိုးရကတောင်ဖူးဖူးမှုတ်ထားရတဲ့လက်နက်ရာဇာကြီးတစ်ယောက်ဖြစ်သည်။သူ့ဘဝမှာတစ်ဖက်သတ်ချစ်ရတဲ့အကိုကြီးကလွှဲရင်ဘယ်သူ့အပေါ်မှမချိုသာဖူး၊မနှိမ့်ချဖူးခဲ့။ကိုယ်ကိုယ့်ကိုယ်မသေမျိုးတစ်ပါးလိုမျိုးစိတ်ကြီးဝင်နေခဲ့တဲ့ပန်ဒိုရာဟာတစ်နေ့မှာတော့ရင်ဘတ်ကိုဖေ...