" ရူးတော့မှာပဲ "
သိချင်တာတွေမသိရသေးခင်မှာ ထိုမျက်ဝန်းတွေရဲ့ဆွဲအားကြောင့် ခန္ဓာကိုယ်ရဲ့တုန့်ပြန်မှုတွေကို ကြိုးစားထိန်းချုပ်ရင်းနဲ့ ရူးတော့မလိုပင်။စိတ်နဲ့ကိုယ်ကို အတင်းဆွဲကပ်လိုက်ပြီး ဟိုတစ်စဒီတစ်စထွက်ပေါ်နေပြီဖြစ်တဲ့ အတိတ်အပိုင်းအစတွေကို ဆက်စပ်ကြည့်ဖို့ကြိုးစားလိုက်သည်။
မလွှဲမရှောင်သာပဲ မင်္ဂလာပွဲကိုလက်ခံခဲ့ရပေမယ့်
တော်ဝင်မိသားစုတွေကိုမုန်းပါတယ်ဆိုတဲ့ဆောင်ဟွန်းက ဆောနူးကိုတော့မသိစိတ်ထဲကနေ ရင်းနှီးနေသလိုခံစားခဲ့ရပြီး မုန်းတဲ့စိတ်လည်းရှိမနေခဲ့ပေ။စိတ်ထိခိုက်စေမယ့်စကားတွေပြောနေရင်းက တစ်ယောက်ယောက်ကြောင့်ထိခိုက်သွားမှာကိုတိတ်တခိုးစိတ်ပူနေခဲ့မိသေးသည်။
သူ့မျက်နှာကိုမြင်ရင် ဆောင်ဟွန်းတစ်ခုခုကံဆိုးမည်ဆိုတာကို စိတ်ဒဏ်ရာတစ်ခုလိုကြောက်ရွံနေတဲ့ဆောနူးရဲ့စကားအရ အတိတ်မှာ သူ့ကိုဆုံးရှုံးဖူးတယ်ဆိုတာ အနည်းငယ်ရိပ်မိလာသည်။
ထို့ပြင်
သူ့လည်ပင်းမှာ ၁၂နှစ်ကျော်ကြာအောင် ကိုယ်နဲ့မကွာ ဆွဲထားခဲ့တဲ့ ဆွဲပြားလေးက ဆောနူးဆွဲပြားဖြစ်နေခဲ့သည်။ယခုလည်း ဆောနူးနောက်ကျောမှာ ကန့်လန့်ဖြတ်ရှိနေတဲ့ ဓားဒဏ်ရာအမာရွတ်ကြီးကိုမြင်တော့ ဆောန်မီမိန်းကလေးပြောခဲ့ဖူးတဲ့ "ဟွန်းကိုကယ်ဖို့ကြိုးစားရင်းနောက်ကျောမှာ ဓားဒဏ်ရာရခဲ့ဖူးတယ်" ဆိုတဲ့စကားကိုပါကြားယောင်လာသည်။
နောက်ပြီး ဆောနူးက သူ့ကိုခေါ်တဲ့နာမည်က ဆောင်ဟွန်းမဟုတ်ဘဲ " ဟွန်း" တဲ့
ဆောန်မီမိန်းကလေးခေါ်တဲ့အတိုင်းအတူတူပင်ဖြစ်သည်။ဒါဆို ဒါဆို
ဆောင်ဟွန်းခေါင်းထဲမှာ အတွေးတွေ ခံစားချက်တွေ အရမ်းကိုရှုပ်ထွေးရောပြွန်းနေပြီး တစ်ဆစ်ဆစ်ထိုးကိုက်လာတော့သည်။.
ဆောင်ဟွန်းကိုအသက်အန္တရာယ်ပေးမည့်ဓားချက်ကနေ ကယ်ခဲ့ဖူးတဲ့သူက ဆောန်မီမိန်းကလေးမဟုတ်ဘဲ ဆောနူးများလား။
ဆောန်မီ နဲ့ ဆောနူး နာမည်အရှေ့စာလုံးတွေကလည်းတူနေတာမို့
သေချာစဥ်စားကြည့်တော့ ဆောန် လို့ ခေါ်ခဲ့ဖူးတဲ့နာမ်စားလေးကရော ဆောန်မီအတွက်မဟုတ်ဘဲ ဆောနူးအတွက်များလား။
အဲဒါကြောင့် ဆောန်မီမိန်းကလေးအပေါ်မှာ ခံစားချက်တွေနည်းနည်းလေးမှရှိမနေခဲ့ဘဲ ဆောနူးအပေါ်မှာ..
![](https://img.wattpad.com/cover/356431554-288-k684384.jpg)
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...
25. ဆောန်
Start from the beginning