نجهل الوعد و نحقق الاماني

البارت 13

كانت عذاري تواسي نفسها ب السكوت ، رجعت عند الحضور و عطت اشاره ل ندى انها قابلت سلطان ، تنهدت و هي ترجع عند لينا ، و اول م جلست التفتت عليها لينا و نطقت : دريت انتس رحتي تشوفين سلطان
عذاري : اي شفته
لينا بخوف : عذاري انتي شفيتس ؟ ليه اذا احد جاب طاري سلطان تتغيرين و ليه يوم شفتيه تغيرتي صاير بينكم شيء ؟
عذاري بملل : لا
لينا : اعرفتس اذا كذبتي لكن مصيري بعرف
عذاري : لينا مو وقت كلامنا الحين
لينا : زين زين
-
-
كانت الاجواء حلوه بالزواج و الساعه 10 انزفت ريم و كانت طلتها حلوه و الكل صار يبارك لها ، اما عند الرجال الي كان مزدحم و اجواء حلوه و مزعجة للبعض ، كان سلطان جالس عند ابوه و اخوه عقب م سلموا على عمر و باركوا له ، زفر بيطلع برى للخارج يستنشق هواء ، و اول م طلع لحقه عدنان للخارج و التفت سلطان على صوت عدنان : سلطان صح
سلطان بحدة : ايه سلطان
عدنان : اخبارك
سلطان : بخير
عدنان : ها استعديت لزواجك
سلطان بسخرية : تبي عذاري
عدنان بغضب : تطقطق ي العميد
سلطان : كويس انك فهمت انه افعالك كلها ماخذها طقطقه
عدنان : بالله
سلطان : اي والله ، ف لا ترفع املك و تهايط علي اعرف من انا بعدين تعال تكلم هالكلام
عدنان : تصدق م دريت
سلطان : عاد الحين صرت تدري ، يلا سلام
رجع للداخل سلطان اما عدنان الي نزل شماغه من الغضب تنهد و تغيرت نفسيته من كلام سلطان الثقيل عدل شماغه و رجع للداخل عشان م يشكك بالاوضاع .
-
-
نرجع عند الحريم و اجوائهم ، كانت عذاري تستعد للرقص مع زوجة اخوها ريم ، و اول م اشتغلت الاغنيه قامت ترقص بين الحضور و قامت معاها ريم ، و صار الكل يصفق و يتهامسون لبعض ، " شوفي الدبلة بيدها ، ياحلوها عذاري ، ترقص مع بنت خاله ، شوفي هذول الحريم اهل زوجها "
-
-
كانت رقصه عذاري تحت انظار عايله سلطان و يصفقون لها و كانت بيان تناظر ردة فعل ام فهد و ندى و رهف عليها و تشوف ابتسامتهن و تشجيعهن لها ، ادركت انها م لها نصيب مع سلطان ، بس م انسحبت بالسهولة و صارت تبي تقابل سلطان ب اقرب وقت .
-
-
طلعت ندى من الحمامات راجعه للطاولة لكن تفاجأت ب تصادم كتفها مع عزيز الي كان واقف عند باب صالة الطعام .
زفرت بخوف و قالت : بسم الله الرحمن الرحيم
عزيز : فيتس شيء ، ندى !
ندى بربكة : يمه دكتور
عزيز : حنا الحين برى الشغل ناديني عزيز وشوله الرسمية
ندى بتوتر : من وين طلعت خرشتني
عزيز : جيت من صالة الطعام عشان اشرف على العشاء
ندى : زين زين انا برجع
عزيز : طيب اوك
رجعت ندى لكن انخطف قلب عزيز من شافها ب شكلها و اناقتها لكن رجع على ورا اول م شاف بيان واقفه مع ندى تكلمها انصدم من بيان و رقته لكن م اهتم لها و زفر من داخله و نطق بسم الله على قلبي منتس ي ندى !
-
-
انتهى الزواج على خير و الكل رجع لبيته و بالقصر جاء عمر ياخذ ريم تحت وداع امها و ابوها لها .
ابو ريم : الله يوفقتس و انا ابوتس
ريم : امين يبه
ام ريم : انتبهي لنفستس و لزوجتس و انا امتس
ريم : ابشري يمه
عمر : لا تخافون ريم معاي
ام ريم : اي والله صادق
ابو ريم : استودعتكم الله
طلعوا ريم و عمر من القصر متجهين للفندق ، اما بالقصر الي م بقى غير ام عدنان و ام عمر و عذاري، و فجأة دخل عدنان يسلم على ام عمر و عذاري و ياخذ امه و يطلع .
عدنان : السلام عليكم
ام عمر : هلا والله ب عدنان
عذاري : وعليكم السلام
عدنان : الف مبروك زواج عمر ي خاله ام عمر
ام عمر : الله يبارك فيك ياوليدي و عقبالك ان شاء الله
ام عدنان : ان شاء الله ترزقه ببنت الحلال الي تسره
عدنان : شلونتس عذاري
عذاري : بخير و انت
عدنان ، دوم يارب ، انا الحمدلله طيب
عذاري : الحمدالله، انا استاذن ب اطلع الاغراض عشان عزيز بيجي ياخذهم
ام عدنان : الله يستر عليتس اصلا حنا بنطلع
ام عمر : زين
اخذ عدنان امه و طلع ، و تنرفز من تعامل عذاري معاه و انقهر يوم شاف الدبله بيدها .
-
-
انتهت هالليلة على الكل بخيرها و شرها كانت عند البعض فرح و حب بالنسبه لريم و عمر و كانت ليلة حضن و عتاب بالنسبه لسلطان و عذاري و كانت غريبة بالنسبه لعزيز و ندى
-
-
~~~~~~~~~~~~~~~~~~~~~~~~~~~~~~~~~~
بعد يومين في بيت ابو عمر على الفطور الصباح كلهم موجودين م عدا عمر الي بشهر العسل مع ريم ب لندن .
ابو عمر : يلا عزيز تعال تأخرت
عزيز وهو يقبل راسم امه و ابوه : صباح الخير
ام عمر : صباح النور تعال اجلس
عزيز : ابشري
عذاري: انا شبعت الحمدلله ب اطلع الحين عندي كذا قضيه ف م ادري اتغدى معاكم او لا
عزيز : انا بعد عندي عملية اليوم الساعه 12
ابو عمر : م فيه الا انا و انتي ي نوره
ام عمر : اي بالله ، لكن خلاص الله يوفقكم
طلعت عذاري من البيت هي و عزيز و كل واحد ركب سيارته و انطلق لمكان عمله .
~~~~~~~~~~~~~~~~~~~~~~~~~~~~~~~~~~