اسطوره النسل (أبناء الجارحي)

حـلـقـة خـاصـة 1

صلى على نبي الامه 💛
نعمل تذكير بسيط في البدايه
آسيا + مصطفى = يوسف ورضوي
اسيل +جاد = كيارا وبدر
ايملي +ليث = مليكه
جيسي +ارسلان = ريما وباسم
(دول أحفاد سيف وشمس)
(الشخصيات هتلخبط وانا حذرتكم استحملوا بقى 😂)
طبعا هتسألوا فين طيف وجواد احب اقولكم انهم مش هيظهروا خالص مالص لاني دورهم هيبقى في الجزء التاني من روايه رجال آل الصياد يلا هيصوا فيه جزء تاني اهو
بعد 8 سنوات على زواج ليث وايملي وارسلان وجيسي حدث بهم الكثير والكثير من الأحداث
نذهب إلى مدرسة كبيره كان يقف شاب وهو يتنهد بضيق فهذه هي المره الرابعه في الشهر التي يأتي بها حقا ان ابنته وابنه اخته يعشقون المشاكل الا يكفي انه عاني من عناد وعراك ايملي طوال تلك السنوات بل وابنته تشبهها تحب المشاكل
دخل المدرسه وهو ينزع نظارته لتظهر عيونه الزرقاء وملامحه التي يظهر عليها الضيق الشديد وبعض الاحراج أيضا ففي كل شهر موكل هو او ارسلان ليحلوا تلك المشاكل فإن قدمت جيسي او ايملي قد يقومون بقتل المديره
وصل إلى مكتب المديره وطرق الباب ودخل بعد سماع صوت المديره ليري ابنته وابنه اخته صاحبتي الثماني سنوات لكن مهلا لما بدر وباسم وبلال وايه واصاله و.... او يا الهي ان جميع الأطفال هنا
-اي اللي حصل هنا
المديره بغضب: انا عايزه افهم دول اطفال ولا شويه بلطجيه
ليث بحده: اتكلمي بأسلوب احسن من كده لو سمحتي
المديره: لو سمحت انت سيبني اكمل ولادكم عملوا حرب في المدرسه فيه اكتر من 50 طفل مصاب
كيارا: يعني هو مصاب بطلق ناري الله
نظر لهم ليث بضيق: مين سبب الحرب من الاول
أشار جميع الأطفال الي طفله بشعر أشقر وعيون زرقاء فقال ليث بغيظ
-مــلــيــكـة
نظرت مليكه له ببراءه: نعم يا بابا
ليث: انتي سبب ده كله
أشارت مليكه لنفسها بعدم تصديق: انا.. محصلش
ليث: لا انتي يا اختي ده انتي بت هتلر يعني نسخه منها.. وجهه كلامه للمديرة انا بجد بعتذر عن اللي حصل ده و.....
قاطعته المديره: اعتذارك مش ليا لأولياء الأمور اللي أطفالهم اتصابوا دول
ليث باستغراب: هو انا ينفع اشوف اللي حصل من الكاميرات
المديره: اكيد طبعا
نظر ليث الي التسجيلات والتي كان بها
Flash
في وقت الفسحه كان يجلس الجميع يتناولون الغداء في الوقت الذي كانت مليكه تغسل يديها في الحمام لتسمع صوت فتيات يقولون
-برغم انهم اطفال بس تصدقي مزز اوي
-اه معاكي حق كلهم عسلات جدا ومن عائلات كبيره زي عيله الجارحي والرفاعي والشناوي
خرجت مليكه بضيق: مين دول اللي عسلات ها
-وانتي مالك انتي بتتصنتي علينا
مليكه بغضب: ليه حد قالك اني بتقولي شعر هتصنت عليكي
دفعتها الفتاه بضيق: يلا بت من هنا مش طالباكي
مليكه بتوعد طيب انا هوريكي مبقاش انا هتلر
خرجت مليكه لتقوم بعض يدها بقوه لدرجه ان عيونها ادمعت من الألم وركضت نحو تجمعهم وهي تبكي ليقف بلال بسرعه واقترب منها
-مليكه مالك
رفعت مليكة يدها وهي تبكي: البنات اللي هناك دول واحده عضتني وقالوا ليا غوري من هنا
ريما نهار ابوهم اسود
محمد: لعبوا في عداد عمرهم مش احنا اللي يتلعب معانا
توجهوا بسرعه نحو هؤلاء الفتيات وقبل ان تتكلم واحده منهم قامت كيارا بضربها على وجهها بقوه وتبارك عضت يدها بقوه لتشتعل الحرب بين الجميع في المدرسه لتنفض مليكه غبار وهمي من على كتفها
-محدش قالهم يلعبوا مع هتلر
Back
نظر ليث بغضب الي ابنته التي ابتسمت له ببلاهه
-انا هقدم اعتذار للكل واوعدك مفيش حاجة زي دي هتحصل تاني
المديرة: ماشي تقدر تتفضل انت وهما
ليث: معلش بس نستعير منك باص مدرسه لاني مستحيل عربيتي تكفى العدد ده كله
*************
في منزل سيف كانت تجلس شمس بضيق أمام حمام السباحه في الحديقه هي والفتيات ليأتي أدهم والشباب ويجلسوا معهم
-هو انتوا اتخانقتوا تاني
ملك بغضب: لا هو اللي انا مش فاهمه هيبطلوا تملك امتي
سمع الجميع صوت بوق اتوبيس بالخارج خرجوا باستغراب تحول لذهول وهم يرون أحفادهم يهبطون من الاتوبيس واحد تلو والآخر وآخر من نزل من الاتوبيس هو ليث وكان يرفع مليكه من ملابسها عاليا
-شكرا يا اسطا
ارسلان بعدم فهم: هو اللي بيحصل ده
مليكة بصوت عالي: يا ماما قولي لبابا ينزلني
اقتربت ايملي من ليث واخذت منه مليكه بضيق
-اي يا ليث رافع البت كده ليه
ليث بغيظ: بنتك دي شيطان دي ولعة حرب في المدرسه والأساتذة دول ضربوا العيال من غير ما يفهموا حاجة
طارق: ما هما برضو كانوا مستفزين
حور: طب خلاص اللي حصل حصل هي اول مره يعملوا مشاكل يعني
*************
كانت تقف مليكه بتذمر أمام حمام السباحه وهي تملس بألم على يدها ليأتي بلال من خلفها ويقبل مكان العضه
-الف سلامه عليكي يا مليكتي
ابتسمت مليكه لتظهر غمازتيها: شكرا يا بلبل
بلال: بقى أنا اقولك مليكتي وانتي تقوليلي بلبل اخص عليكي اخص
مليكه بضحك: خلاص يا عم متزعلش هقولك بلابل
على بعد منهم كان يقف يوسف وهو يكتف يديه بشرود لتقترب منه كيارا
-يوسف
نظر لها يوسف بطرف عينه ولم يهتم بها لتلف وجهه لها
-فيه اي ياض ما تبصلي الله
يوسف بغضب: عايزه
كيارا بدموع: فيه اي انا عملت ايه
يوسف بضيق: خلاص متعيطيش
كيارا: لا زعلانه
طبع يوسف قبله على وجنتها بهدوء: خلاص اسف كنت مضايق واتعصبت عليكي
كيارا: لسه زعلانه
اخرج يوسف مصاصه بطعم الفراوله من جيبه
-طب وكده
اخذتها كيارا منه وهي تقول بغرور: كده نص ونص
ضحك عليها يوسف ولعب في شعرها قليلا
-خلاص سماح بقى
كيارا: ماشي سماح
على بعد من كل هذا كان يقف باسم ورضوي وريما لتقول رضوي
-اي المحن ده وبعدين اشمعنا احنا ها اي الظلم ده
ريما: بت انتي عندك شيزوفرانيا شويه اي المحن ده وشويه اي الظلم ده أرسى على بر
على بعد آخر كانت تقف شمس وهي تنظر إلى أحفادها بحنان وهي تتذكر والدتها ليقترب منها سيف ويضمها من الخلف
-شمس
التفتت له شمس بعشق وهي تقول: أنا شمس حسن الألفي كنت شيطان بمعنى الكلمة لتأتي انت وتجعلني اعشقك بكل كياني سلبت مني قلبي لأصبح انا معشوقه سيف عمران الجارحي
سيف بمرحز اي الكلام الجامد ده
شمس بضحكد بنتعلم منك يا سيفي
(بس كده خلصنا مش هقدر انزل تاني يا جماعه حقيقي انا مش هقدر ارجع ليها تاني كل حماسي وشعفي مع الروايه الجديده وده أخرى بصراحه اتمنى تفهموني وهحاول انزل لو قدرت 🙂)
Sabreen 💛