اسطوره النسل (أبناء الجارحي)

3- هـتـلـر

صلي على من بكي شوقا لرؤيتنا 🧡
طيف: اقلع
غيث ضم هدومه بطريقه مضحكه: نعم يا روح امك
ديانا: ولاه وربنا اقوم اضربك
غيث: وانتي مش سامعه بنتك بتقول ايه
طيف: هو انا بقولك اخلع البنطلون اقلع الجاكيت يا اخويا
غيث بغيظ: لا مش هخلع حاجة وشوف بنتك يا عدي
عدي: قلب ابوها تعمل اللي عايزاه
طيف بعتتله بوسه في الهوا: حبيبي والله يا بوب
ديانا رفعت حاجبها وبصت لعدي: لا والله
طيف: يا عم ما تخلع الجاكيت وتخلص
غيث خلع الجاكيت بتاعه وقعد بالقميص: اصبري بس وربنا لأوريكي
طيف: العب على قدك يلاه
ليث: خلي بالك يا غيث المره دي لو خسرت هتخلع البنطلون
بدأ شوط تاني بين الاتنين
مصطفى همس لآسيا جنبه: برضو لسه مصره على لأ
آسيا: ايوه يا درش لا
مصطفى بمكر: قد اعذر من أنذر
آسيا قلقت من نظرته شويه ويوسف قرب منها وقال
''ماما معلش ممكن تيجي معايا اغسل ايديا علشان وقعت ''
آسيا: تعالي غير هدومك كلها يا يوسف
طيف: لا لا لا خسرت لااااا
غيث بشر: وقعتي ولا حدش سمي عليكي
عدي بتحذير: ولاه عارف هتعملها حاجه هقوم اديك علقه وابوك ده هيكسل اصلا يحوش عنك
غيث: انس هيحوش عني صح يا انوس
أنس: ابغى اقولك مكسل ارد اصلا
غيث: واطي
طيف: احكم واخلص
غيث فكر شويه وقال :روحي هاتي طبله وغني
ايهم: ليه فاكر نفسك قاعد في غرزه
طيف: اممم بقولك يا شمس فيه طبله هنا
ليث قام: ايوه فيه واحده فوق في اوضتي دقيقه اجيبها
سيف: وليه ان شاء الله فيه طبله عند سعادتك
ليث بتسرع: مش بتاعتي دي جابتها ملك من شهر تقريبا
مروان بص لملك: وانتوا كنتوا بتعملوا ايه بيها
بصوا البنات بتحذير لليث بس هو قال بكل غباء
'' مش محتاجه ذكاء يعني كنا بنر...
آسيا جات من وراه وضربته على قفاه: اسكت يا حمار اسكت وادي الطبله اهي خدي يا بت يا طيف
سيف بص لشمس بشك: كنتوا بتعملوا ايه من ورايا
شمس: هنعمل ايه يعني ده حمار مش فاهم هو بيقول ايه
ليث: انا حمار ما بلاش ده ممكن افضحكم
شغف حطت ايدها على رأسها: انت لسه هتفضحنا ما انت خلاص فضحتنا منك لله يا ليث الكلب
طيف: خلاص كده يا بشر نبدأ الاغنيه وكلكم هتغنوا ماشي احم احم
طيف بدأت تطبل وبعدها قالت 🎶الدنيا طعمها سكري زي الملبن الطري..... الدنيا طعمها سكري زي الملبن الطري 🎶
غرام🎶 والعمر قلم رصاص بيخلص كل ما يتبري🎶
ريان🎶 حظك بو اتزغزغه تلقى المشاكل اتلغوا..... لو حظك بو اتزغزغه تلقى المشاكل اتلغوا 🎶
فارس🎶 ياما ناس بدأت من تحت الصفر ادلعه واتنغنغوا 🎶
الكل في صوت واحد 🎶ولو الظروف هتسقف سقف سقف اوعي توقف سقف سقف اوعي توقف سقف سقف اوعي توقف 🎶
ظهر صوت من وراهم🎶 ولو الظروف هتسقف سقف سقف اوعي توقف سقف سقف اوعي توقف سقف سقف اوعي توقف 🎶
فارس بضحك: انتي جيتي
حلا: ايه يا ابو الفوارس مش عايزني اجي أخص عليك يا ببلاوي
...............................
ستووووب نعرف بقى عن المزه دي
حلا فهد الرفاعي
20 تشبه فهد جدا فهي نسخه منه لكنها فتاه شعرها بني غامق وعيونها سوده وقصيره زي رسيل  وذات جسد ممتلأ قليلا كيرفي يعني تعتبر عمها يحيى هو مثلها الأعلى لذا فهي تدرس الطب النفسي في إنجلترا