اسطوره النسل
الجزء الثالث من سلسه الوحوش والشياطين
عزيزي القاري اذا لم تقرأ عشق الوحوش والشياطين وجنون تخطي الحدود فلن تفهم هذا الجزء
فاتت سنوات وسنوات وتلك الصغيره قلبها يقسوا أكثر فأكثر لتصبح أنثى بقلب حجر لكن داخل أعماق ذالك الحجر طفوله محرومه م...
صلي على من بكي شوقا لرؤيتنا 🧡 في شقه سكنيه في إحدى المناطق الراقيه وبالتحديد في المطبخ كان فيه واحد بيغني بصوته اللي شبه الغراب من وجه نظر اللي قاعدين في الصاله وده ما كان الا رعد 🎶 وفيها ايه لو.... مش عايزه تحلو... الدنيا دي لو محلوتش احنا نحليها.... وفيها ايه لو.... لو يخلالنا الجو... ونسيب الدنيا تضرب تقلب طز فيها دخل واحد وهي وهو بيحرك كتافه وده ما الا ريان 🎶ما هي كده كده بايظة بايظة بايظة 🎶 رعد 🎶كده كده بايظة بايظة بايظة🎶 رعد وريان في نفس الصوت 🎶كده كده بايظة بايظة بايظة كده خربانه 🎶 احمد بصراخ: بس يا معزه منك ليه ايه النشاذ ده الجيران اشتكوا رعد حط ايديه في وسطه: والله لو هما اشتكوا هيبقى من صوتك العالي ده يا جحش احمد بذهول: انا جحش طب استنا عليا احمد طلع يجري وراء رعد في الشقه كلها وهو بيصرخ حد يلحقه في اللي قاعدين بس هل حد مهتم لأ طبعا... فغيث وفارس كانوا بيتفرجوا على ماتش ما بين الاهلي والزمالك ومازن غير مهتم باي حاجه وبياكلوا بيتزا وايهم كان ماسك تليفونه وبيتكلم مع حياه علي الشات وأنس مكانش في الزيطه دي كان في الحمام بياخد شاور بعد ما الشربه اتقلبت عليه غيث مره واحده صوت بصوت عالي: جوووووول جول جول 3:1 خسرتوا يا زملكاويه يا بوابين فارس رفع حاجبه: ولاه انت بتشتم فريقي ياض غيث: يخربيت البجاحة مش كفايه فريقك خسران لا كمان بجح وبتقاوح فارس شمر ايديه: وربنا لتضّرب النهارده فارس نط عليه وبدأ الاتنين يضربوا في بعض وريان جري يشعلل ما بينهم بس وقع على أيهم وتليفونه اتكسر أيهم بصدمه: نهارك اسود وزي وشك ريان: آسفين يا فوزيه يا اختي أيهم مسكه من قفاها: خد هنا انت فاكر هسكتلك تبقى حمار ريان: طب ليه الشتيمه بقى هتزعل أيهم: وريني هزعل ازاي ريان: كدهون واتحولت الصاله لساحه حرب الكل بيضرب في بعضه ماعدا مازن اللي كان منسجم في البيتزا ومسامعش اي حاجة من الحرب دي بسبب السماعات اللي في ودانه وكان بيسمع اغنيه بيبي شارك (وبيبي شارك دودو دوردورو ) الباب كان بيخبط ومحدش سامع اي حاجه خرج انس وهو لابس البنطلون بس '' يا كلاب ما حد يفتح الباب '' انس فتح الباب ولقي جارهم اللي في الدور اللي فوق '' أعوذ بالله من غضب الله هو انتوا منهم '' أنس قلب عيونه بملل لاني الشخص ده بيعمل معاهم مشاكل دايما '' خير يا عم سعيد قلقنا منامك '' سعيد: كويس انك عارف وطوا صوتكم شويه مينفعش كده العماره كلها بتشتكي من صوتكم انس: والله ما فيه حد بيشتكي هنا غيرك مره صوتكم عالي مره مينفعش تطلعوا كلكم مره واحده وتنزلوا كلكم مره واحده اصل ايه بناتي بيخافوا منكم وانت بناتك بيعاكسونا اصلا سعيد رفع صباعه: أخرس انا بناتي أشرف منك أنس حط ايده على كتفه وقال بابتسامه مصطنعه: بقولك ايه يا عم سعيد اتكل على الله احسنلك سعيد زق ايده: وان متكلتش أنس رفع حاجبه وقال بصوت عالي: يا رجاله الشباب جم كلهم على صوته وسعيد خاف من عددهم هو اه عارف انهم كتير كان فاكرهم 4 او 5 مش لدرجه 9 شباب وكلهم بدون استثناء جسمهم رياضي يعني بوكس بس من واحد فيهم يوديه رحله للمقابر ذهاب بلا عوده '' طب سلام عليكم انا '' سعيد طلع يجري لفوق على شقته بخوف وقال انس بصوت عالي '' رايح فين يا عم سعيد ما تيجي تشرب شاي '' ملحوظه....... الشباب عندهم شقه خاصه بيهم بيتجمعوا فيها احيانا لما يحبوا تبقى قعده شباب بس من غير البنات والبنات كذالك ليهم شقه بس في مكان تاني أنس قفل الباب وبصلهم: البيتزا فين الكل بص على مازن اللي كان ماسك في ايده آخر حته بيتزا في آخر علبه فيهم الكل صرخ وهجموا على مازن: لااااا الــبــيـتــزا أما مازن كان بياكل البيتزا وهو منسجم مع الاغنيه وبيردد بخفوت 🎶 مامي شارك دودو دوردورو..... مامي شارك دودو دوردورو مامي شارك دودو دوردورو مامي شارك 🎶 مازن رفع وشه علشان يدور على مياه بس لقى هجوم تتار نطوا عليه مره واحده (يا عيني ملحقش حتى يصرخ ) مازن بألم: اااااااه ضهري يا جحش انت وهو قوموا من عليا رعد: يا معفن اكلت 5 علب بيتزا لوحدك طب احنا ناكل ايه مازن: مش فيه اكل في المطبخ روحوا اعملوا اكل أيهم: قوم اعمل انت مازن: اقوم يا اخويا انا اصلا جعان احمد بذهول: يخربيتك معدتك دي ايه مش بتتملي ابدا ده انا خايف على البت حور لياكلها ولا حاجة ~~~~~~~~~~~~~~~~ في كافيه على النيل كانوا البنات قاعدين وبيتنمروا على خلق الله كعاده البنات يعني وطيف جات وقعدت وكانت متعصبه حور: فيه ايه يا بت مالك قالبه وشك كده ليه طيف: البجح رجع تاني حياه ضربت كف على كف: لا حول ولا قوة الا بالله يا بنتي ده انتي بتشتمي جوزك طيف بسخريه: ده على اساس انك انتي وايهم سمنه على عسل طول الوقت حياه: احم مش علطول يعني حلا وهي بتشرب العصير: اه صحيح هو اللي حصل بينكم انتوا الاتنين علشان تتخانقوا طيف بضيق: متفتكرنيش بالموضوع لين بسخريه: ده على اساس انك بتنسيه احم اسمعي يا اختي كان فيه شغل في شركات الهلالي كان لازم يخلص في أمريكا في نفس الوقت كان فيه شغل تاني في فرنسا وعدي كان مسافر فرنسا فاضطرت طيف تسافر هي أمريكا دانه: خلصت الشغل مش ترجع بلدها لا ازاي راحت تعمل زياره مفاجأه لجواد وهو اصلا ميعرفش انها في أمريكا Flash back كانت طيف ماشيه في شركه الصياد وكانت حاطه نضارتها السوداء على عيونها بس اتخبطت في شخص '' Sorry '' الشخص بضيق: Sorry ما هو ده اللي انتوا فالحين فين طيف مسكت الشخص ده من هدومه: يعني معتذرتش وكمان بتبجح يا اريان اريان "ابن رحيم ونغم": ايش هادا طيف الهلالي عندنا دي الشركه هتتحرق يا جدعان طيف: وتتحرق ليه أن شاء الله اريان بمرح: من نورك يا مزه اريام شهقت بقوه من وراهم: اخويا بيشقط واحده في الشركه فين إيفان علشان يشوف اللي بيحصل في شركته الطاهره طيف: كمل الجنان جواد هنا اريان: ايوه في مكتبه ومعاه مزه ايه تقول لأنجلينا جولي انتي ولا حاجة طيف بغيره: نعم يا اخويا اريام: زي ما بيقولك كده انا كبنت أعجبت بيها دي بشرتها بتلمع معرفش ازاي طيف سابتهم وراحت بسرعه على مكتب جواد ووشها بنبأ بمقتل أحد اريام بصت لاخوها: فكرك جواد هيطلع عايش اريان: لا السؤال ميتقالش كده هل يا ترى سيلين هتطلع حيه من تحت ايد طيف اريام: انا بقول نطلب الإسعاف اريان: صح وانا بقول كده برضو (احم احم طبعا دول التوأم اريان واريام ولاد رحيم ونغم بس مش هيبقى ليهم دور هنا نظرا لكثره الأشخاص في الجزء التالت بس ان شاء الله هيبقى ليهم روايه خاصه بيهم ونخلي الاسم مفاجأه ) طيف دخلت من غير ما تخبط او بمعنى أصح هجمت على المكتب ولقيت جواد قاعد في المقدمه طاوله الاجتماعات وفيه ناس كتير قاعده وكانت لازقه فيه واحده شعرها احمر وباين انه صبغه ووشها مليان ميكاب '' الله الله ما انت حلو اهو وبتعرف ستات يا جواد وكمان بتعرفهم في أمريكا علشان انا مش باجي هنا كتير '' جواد قام بذهول من وجود طيف في أمريكا '' طيف بتعملي ايه هنا '' طيف قربت منه بغضب وقالت بصوت عالي: هو ده كل اللي يهمك مين الحربايه اللي قربت تلزق فيك بغرا دي جواد بحده: طيف وطي صوتك سيلين رغم عدم فهمها للموقف بس قالت بتكبر '' من هذه عزيزي جواد ولما صوتها عالي هكذا الا تعلم أين هي '' طيف اتعصبت اوي من كلامها والغيره هي اللي اتحكمت فيها فمسكت رأس سيلين وقال '' انا زوجته يا روح امك '' وهوب اديتها روسيه ايه عجب وسيلين داخت وكانت هتقع بس طيف مسكتها من شعرها ونزلت فيها ضرب وسيلين كانت بتصوت اما طيف مكانتش شايفه اي حاجة لأنها لما دخلت وقبل ما تتكلم اخدت بالها اني سيلين كانت بتقرب من جواد بطريقه غريبه وجواد كان مشغول في الاجتماع ومأخدش باله من حركاته جواد حاول يشد طيف من فوق سيلين وبعد محاولات قدر يبعدها بعد يا عيني ما شعر سيلين نصه طلع في ايد طيف ده طبعا غير الخرابيش والكدمات والعضات اللي اخذتها سيلين (قادره يا بت يا طيف زي امك ) طيف بعصبيه: اوعي اوعي سيبني والله لاموتها بت القرعه دي جواد زعق لطيف لما لاحظ نظرات الرجاله ليها '' بس يا طيف بس بقى '' طيف بصتله وقالت بغضب: انت بتزعقلي علشانها جواد: اخرسي يا طيف بقولك وبعدين انتي ايه اللي جابك هنا طيف خفت دموعها من كون انه زعقلها قدام الكل '' مش من حقي اجي واشوف جوزي يعني'' جواد اتعصبت اكتر من صوتها العالي وقال بدون وعي لكلامه '' لا مش من حقك '' طيف سكتت ورجعت خطوتين لوراء وعيونها دمعت بس مسحت دموعها بسرعه لما شافت ابتسامه الشماته من سيلين وقالت بكبرياء أنثى '' طالما مش من حقي يا ابن الصياد يبقى مش هفضل على ذمتك دقيقه كمان ابعتلي ورقه طلاقي ومش عايزه اشوفك قريب مني تاني '' طيف مشيت وجواد ندم انه اتعصب عليها (أخص عليك يا جواد كسرت بخاطر البونيه ) Back حلا: الجذمه ازاي يعمل كده ده انتي لازم تتطلقي احنا بنتنا ميتزعقش فيها حياه: يا شعله اهدي وبعدين جواد قال اني الموظفين بيبصوا لطيف بطريقه وحشه فغار عليها وزي ما حضرتك غيرتي عليه واديتي البت علقه مأخدهاش حمار في زريبه هو كمان متحكمش في أعصابه طيف: ولو ولو ملهوش الحق انه يقولي الكلام ده حور: طب يا ستي هو غلطان واعترف بغلطه واعتذر وانت قولتي لا مش هقبل الاعتذار وعاتبتي المفروض شهر اتنين تلاته اربعه بالكتير بس انتي بقالك 6 شهور مش راضيه تعبري الواد طيف بعدم اقتناع: ده زعقلي قدامهم حلا: طب ما انتي برضو زعقتي وصوتك بقى عالي ولا هو حلال ليكي وحرام علي غيرك طيف: خلاص اقفلوا على الموضوع ده واطلبوا لينا حاجه ناكلها غرام: ده كافيه يا اختي مش مطعم طيف: طب حاجه نشربها طيب حياه وقفت: انا هاروح الحمام وانتوا اطلبوا حياه راحت الحمام وهي راجعه لاحظت نظرات الترابيزه اللي وراء البنات عليهم اما البنات مأخدوش بالهم حياه: لو سمحتي الجارسونه قربت منها: نعم يا فندم حياه: الترابيزه اللي وراء ترابيزتنا دي بيقلوا ادبهم لو سمحتي اطرديهم الجارسونه بصت على الترابيزه ورجعت بصت لحياه تاني '' مقدرش '' حياه: ليه الجارسونه: والله انتي مش اول واحده تشتكي منهم حياه: وطالما كده بتسمحوا بدخولهم ليه الكافيه الجارسونه: علشان دول يبقوا أصحاب ابن صاحب الكافيه وابنه اصلا معاهم محدش يقدر يقولهم حاجه حياه ابتسمت بغموض: اممم اتفضلي انتي حياه رجعت للترابيزه وقالت بخفوت: بنات هناك نظرات من الترابيزه اللي ورانا البنات كلهم وبكل غباء لفوا وحياه ضربت دماغها '' يا وأولاد الهبله '' الشباب دول لما شافوا البنات لفوا قام واحد فيهم وكان ابن صاحب الكافيه وقرب منهم '' شهير هادي ممكن اتعرف '' حلا بقرف: يع ايه الاسم ده مش راكب على بعضه أصله شهير: نعم؟!!! دانه: يمكن لو كان اسمه شهير منير الخطير كان ممكن يبقى احسن البنات ضحكوا وقال شهير بغضب: انتوا ازاي تتريقوا عليا انتوا مش عارفين انا مين غرام: بس يا بابا هش العب بعيد كلمه انتوا مش عارفين انا مين انتي مش عارفه انتي بتكلمي مين اتهرست في روايات كتير حور: بقولك ايه مش شهير في الفيلم كان تختوخ كده انت بقى شبه عصايه المقشه كده ليه شهير بعصبيه: لا بقى انتوا مش متربين لين بطبيعتها العصبيه مسكت دماغه وخبطتها في الترابيزه '' طب دي تحيه مني يا ننوس عين امك '' صحاب شهير قاموا ووقفوا وراء شهير اللي مسك مناخيره وكانت بتنزف '' يا بنت ال...... '' دانه قامت بغضب: لا بقى ده بيشتم غرام: شكله عايز يضّرب يا بنات طيف: طلبها وهينولها تعالالي يا حيله امك طيف مسكت دماغه وادته روسيه وبدأت المعركه لين وقفت على الترابيزه واي حد يقرب كانت بترمي عليه كوبايه حلا مسكت واحد من رقبته بطريقه معينه وهوب ادته تحت الحزام حور: يا ضنايا مستقبله راح حياه كانت بتضرب في واحد وبعدها رمته في النيل بس الكل ثبت لما واحد مسك غرام من وراء وحط السكينه على رقبتها وقال بتهديد '' لو قربتوا هفصل دماغها عم جسمها'' غرام بضحك: يا أمي يا أمي يا أمي خاف يا عيد البنات بضحك: يا أمي يا أمي يا أمي مسكت ايده وعوجتها وراء ضهره وقالت: بقى انت يا معفن يا سرسجي يا حقير عايز تمد ايدك على غرام مراد اكارسو ده انت عبيط بقى وهوب ادته روسيه واشتعلت الحرب مجددا الا ان سمع الجميع صوت يعرفونه جيدا انها صافره الشرطه حلا بلطم: احيه هنتشلوح ~~~~~~~~~~~~~~~~ عند الشباب كانوا بياكلوا وتليفون فارس رن فرد وهو بياكل '' عايزه ايه يا بلوه حياتي انتي ها '' حلا: انت بتاكل يا جذمه ومش عارف المصيبه اللي انا فيها فارس: انت مبقلكيش يوم واحد بس في مصر وبدأتي تعملي مصايب يا شبر الا ربع انت حتى محصلتيش شبر ونص حلا شهقت بقوه: هااااااا نهارك زي وشك قصدك اني قصيره فارس: سلام يا حلا نأجل الخناقه لحد بعد ما اخلص أكل فارس قفل وقال ريان بضيق: يا حيوان بقى بتقفل السكه في وشها فارس: دي فيروس متنقل عليها عمايل تخليك تشد في شعرك عمار: اااه عندي منها دي ريان: طب قفلت في وشها ليه اكيد عايزه حاجه فارس بلامباله: عامله مصيبه جديده ريان: تروح تقفل في وشها السكه انت حمار ياض فارس رفع عليه الشوكه: ولاه متشتمش ريان: علي اساس اني الشوكه دي هتخوفني مثلا اتصل بيها يا عم مش هتعرف تتصرف هي فارس: انت ليه محسسني اني هي ملاك ريان: هي كده فعلا فارس كان هيتعصب عليه بس تليفونه رن وكانت حلا '' طب اسمع بقى الملاك يا عم النحنوح '' حلا بعصبيه: بتقفل السكه في وشي يا معفن يا رمه يا فرده جذمه قديمه ريحتها انتن من ظربان بـ3 رجلين ريان: غيرت رأيي طلعت مش ملاك احمد: هو فيه اصلا ظربان بـ3 رجلين بس فارس: عايزه ايه يا بت حلا: انا في القسم انا والبنات تعالي طلعنا أصله مش مصدق اننا بنات من عائلات محترمه وكده فارس بص للشباب: مش قولتلكم مصيبه ~~~~~~~~~~~~~~~~~~ في القسم كانوا البنات واقفين قدام الظابط وكان بيتكلم بعصبيه '' انتوا عايزين تقنعوني انه انتوا بنات اصلا '' لين بغضب: لاحظ انك بتغلط وانا ماسكه اعصابي عليك بالعافيه الظابط: انتوا كمان ليكم عين تتكلموا بقى كسرتوا كافيه وضربتوا 5 رجاله غير الستات اللي شلفطوهم تحت دول حلا: هما اللي بدأو الأول يستحملوا بقى الظابط: ده انتوا معمول ليكم محضرين وانا ممكن اعملكم واحد تالت دلوقتي حياه رفعت حاجبها: وده ليه أن شاء الله الظابط: سب وقذف غرام: سب وقذف ايه هو احنا شتمناك يا عم انت الباب خبط ودخل عسكري: اخواتهم يا فندم برا. حلا: الحمد لله اخيرا هنروح بقى الظابط: لا انسوا المرواح والله ده لو اخر يوم ليا في الداخليه لاهحبسكم برضو لين جابت آخرها ومسكت الظابط من هدومه وقالت بغضب شديد '' وده لو اخر يوم في حياتي كلها هضربك برضو '' ~~~~~~~~~~~~~~~~ دخل الكل البيت والبنات قربوا بسرعه من بناتهم '' حد عملكم حاجة '' عمار بسخريه: عملهم حاجة دي بنتك ضربت ظابط ملك وعلى عكس اي مصريه المفروض في الموقف ده تهزا بنتها بس دي ملك مش اي حد راحت حضنتها وقالت '' جدعه يا لين انتي كده بنتي وتربيتي '' عمار بصلها بذهول وقال مروان بفقدان امل: ملك يعني هتوقع منها ايه رسيل لاحظت بنتها واللي شعرها على غير عادته منكوش '' بت مين اللي فعل فيكي كده '' حلا بغيظ: واحده من الحجز قد الجاموسه شدتني من شعري رسيل: نهار ابيض وانتي سكتيلها حلا: طبعا لا كسرتها دراعها عاشان تحرم تعملها فهد: ليه يا حلا هو انتي بلطجيه علشان تعملي كده رسيل بصتله: طب عارف لو مكانتش عملت كده كانت لا تبقى بنتي ولا اعرفها حلا: لا عيب عليكي ده انا حلا الرفاعي فارس: بت انتي شعرك طول كده امتا ده بقى طويل اوي حلا: ده فين ده الطويل يا عم الحج انت مشوفتش شعر العصابه ده قرب يوصل الأرض طيف: اه صح ليه مش بتقصوا ده انا شعري موصلش نص ضهري وبفكر اقصه علشان بيضايقني انتوا مستحملينه ازاي ده بغض النظر عن انكم دايما رابطينه البنات بصوا للشباب بضيق: حكم القوي حلا: أخص بقى حد يتحكم في العصابه شكلكم كبرتوا ومبقيش ليكم كلمه سليم: سكت بنتك يا فهد هتشعللهم علينا جين: لا هي معاها حق ده شعرنا اصلا واحنا حريين فيه ديانا: بت هاتي المقص عدي: مقص ايه مش هتقصي شعرك يا ديانا ديانا بعند: شعري وانا حره يا عدي عدي: لأ طبعا مش حره شغف: لا بقى ده لوي دراع والمركب مش هتمشي كده شمس بصوت عالي: بنات اضطراب لآخر اليوم ~~~~~~~~~~~~~~~~ في مكان بعيد وفي إحدى الملاهي الليليه كان فيه 4 بنات لابسين اسود وماشين بكل هدوء في المكان ده وقالت واحده فيهم "استعدوا يا فتيات" داليدا بابتسامه خبيثه: مستعدون دائما يا مارد دخل الاتنين الديسكو ده وقالت المارد ببرود '' فجر رحيل تعلمون ماذا سوف تفعلون'' رحيل: اكيد يا مارد فجر بابتسامه مجنونه معروفه عنها: اوه عزيزتي سوف نستمتع كثيرا بهذا فجر ورحيل قعدوا على البار اما المارد طلعت للدور التاني وداليدا قعدت ببرود شديد وحطت رجل على رجل وعيونها على الكل وتبتسم باستماع لما سيحدث وبعد ربع ساعة وقفت رحيل وراحت لمنظم الدي جي وحطت المسدس على بطنه وقالت '' ان كنت تريد حياتك ابتعد عن هنا الان'' الشاب ده بسرعه نزل وكان هيروح للحراس بس لقى ايد شدته وقبل ما يستوعب كانت صاحبه الايد دي كسرت رقبته وما كانت الا داليدا اللي نفضت ايدها وقالت ببرود '' غبي ان كان ذهب دون أن يتكلم كان ليكون حي'' رحيل شغلت اغنيه واول ما سمعتها المارد في الدور التاني ابتسمت بمكر وخرجت ووقفت قدام حاجه على شكل بلكونه بتطل على الديسكو كله وقالت '' حان وقت اللعب '' وخرجت مسدسين رشاش من جيبها وبدأت تطلق على كل الموجدين في نفس الوقت اللي طلعت فيه رحيل وفجر مسداسهم وبدأَو يقتلوا في اللي قدامهم دخلت داليدا وقالت بتذمر: ما هذا بدأت الحفله بدوني داليدا خرجت سكينتين ونزلت تقطيع في احد يقف قدامها وكانت بتصيب أماكن قاتله ومن غير ما يرف ليها جفن كانت بتقتلهم وبعد 10 دقائق كانت ساحه الديسكو مجزره بشريه فيه مات وفيه اللي هرب بس فضل واحد بس كانت فجر ماسكه من رقبته بطريقه معينه نزلت المارد من فوق وقربت من الشاب اللي ماسكه فجر وقالت ببرود '' مرحبا وليم '' وليم بقلق: ماذا تريدون مني المارد: شئ واحد فقد الفلاشه الزرقاء الشاب: انسوا لن اعطيكم اياها حتى لو قتلتوني المارد بصت لفجر وفجر ضغطت على وتر في رقبه وليم وهو جسمه اتشنج المارد: داليدا داليدا خرجت سكينها وغرزتها في كتف وليم وحركتها ببطء شديد وتنظر الي عيونه بكل استمتاع المارد ببرود: كفايه داليدا خرجت السكينه بعنف وفجر سابته فوقع على الأرض وهو يتنفس بعنف وبألم من وجع كتفه بس صرخ بقوه لما داليدا ضغطت على جرح كتفه بقوه رحيل: اششش صوتك مزعج المارد نزلت لمستواه: حسنا هل ستعطينا الفلاشه ام... وليم: ابدا المارد بصت لرحيل وهي ابتسمت وراحت للبار وجابت ازارتين شامبانيا وكبتهم عليه والمارد خرجت ولاعه وشغلتها '' هل ستتكلم ام اجعلك عباره عن فرخه مشويه '' وليم برعب: لا لا لا سأتحدث هي في السلسله التي ارتديها رحيل قربت منها وخرجت الفلاشه وشغلتها على اللاب '' تمام انها الحقيقه '' البنات رجعوا لوراء ووليم استغرب وابتسمت المارد ابتسامه مخيفه '' وداعا '' ورمت الولاعة عليه وخرجوا البنات من الملهى ده وسط صراخ وليم داليدا بهدوء: متوقعتش تقتليه يا أسيل أسيل: يلا كلب وراح رحيل: يلا بقى نرجع البيت هموت وانام فجر: اه والله جسمي اتفشفش اااه يا عضمك يا رضا داليدا: يلا قبل ما يبدأو وصله الولوله ................................. ستووووب معلش كمان مره داليدا اجود الشيخ 24 سنه بنت تبارك الكبيره شعرها تلجي وعيونها زرقاء صافيه جدا لكنها بارده شخصيه بارده برود يضاهي القاره القطبيه الجنوبيه ولم تصبح هكذا من فراغ وذكيه جدا ولكن بخبث تخبأه وراء برودها واحذر من غضبها لانه لو حدث ستشعر ان الحرب العالمية الثالثة قد قامت تعمل في الجيش الإسرائيلي مع أسيل تعشق اختها الصغيره فجر فهي تعتبرها ابنتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فجر اجود الشيخ 23 سنه بنت تبارك الصغيره ودي نسخه تانيه من عيله الزيان شعرها بني وعيونها أخضر زيتوني عصبيه جدا جدا لكن تخفي عصبيتها خلف جنونها وضحكها المستمر تحب داليدا وتعتبرها امها وبرغم ان شخصيه الاتنين مختلفه بس بيفهموا بعض بسهوله تعمل في الجيش الإسرائيلي مع اسيل وداليدا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحيل سالم الشيخ 23 سنه ابنه عم داليدا وفجر شعرها اسود طويل وعيونها سوداء التوأم الروحي لفجر الاتنين نسخه من بعض في الجنان والمرح والتصرفات الهبله عصبيه برضو بس مش زي فجر تكون تعمل مع الفتيات في الجيش الإسرائيلي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
~~~~~~~~~~~~~~~~~ أسيل: استنوا.... جاد هيسافر النهارده بالليل وهيطول في المهمه اللي هيكون فيها البنات بصوا لبعض وقالت فجر: ناويه علي ايه يا اسيل أسيل ابتسمت بغموض شديد: بكره لازم نكون في مصر ~~~~~~~~~~~~~~~~ بصوا كده يا بشر هطلب طلب صغنن كده هسأل سؤال وعايزه اجابته في التعلقيات تتوقعوا مين الكابلز اللي هيكونوا في الروايه لو لقيت تفاعل وكده بكره هنزل بارت يلا بقى هلموا +هو فيه حد هنا فلسطيني يا جماعه Sabreen 🧡
