شفتك وروحي اطشرت،،،
شيلمني وانه بهالعمر،،،،
،
،
مرت الأيام بلش راوي شغلة بمنزل موفق يقوم بالأعمال المنزلية مقابل اجر،
كان مشغول بالمطبخ يحضر وجبة العشاء بعناية يسمع صوت رنة المفتاح راكض بسرعة بالممر المقابيل الباب
"هلو شلونك الله يساعدك"
اردف مبتسم بسعادة يتقدم من موفق اللي شرد قليلاً فيه متعجب كان ضوء الممر خافت تلمع عيون راوي بالمكان دخل موفق البيت يعبر بجانب الاصغر متكلم بأعتيادية
"أهلاً راوي، جبت مستمسكاتك حتى تقدم"
"لا بعدني ما رحت للبيت"
تكلم راوي بضجر كون موفق اخبره سابقا ان يجلب مستمسكاته حتى يقدم الة على الامتحان الخارجي، نزع موفق سترتة ووضعهة على الكنبه يجلس هناك متكلم بشكل حازم "شوكت تروح لعد "
"بعدين هسة تعال اكل"
تكلم راوي يحاول يغير الحديث يمشي وراء موفق يجلس بجانبة على الكنبة اصر موفق على الامر وتكلم بصوتة الرجولي الخشن بنبرة امر "ماكو بعدين باجر مستمسكاتك يمي" هز راسة راوي يوافق يشرد بعدها بالفراغ يفرك اصابع ايديه مع بعض بتوتر يلاحظة موفق يضع بأيدة على كفوفة ويتسائل بين ما يمسك ذقن الاصغر يتفحص وجهة يناظر بعيونة يسرح بملامحة الفاتنة يحصل بينهم تواصل بصري يتسائل موفق بصوتة الغليض "شنو بيك شي"
"ما اريد اروح هناك "
تكلم راوي وكأن يتوسل بموفق ان لا يجبره على الذهاب ناسي الاكبر وضعه وحالته يتسائل "ليش! "
"اخاف،،،، ما اريد يشوفوني لازم اجيب المستمسكات!؟ " تكلم راوي متسائل بتردد لا يريد لأحد ان يراه يعرف انه لا يتركوه بحالة
" روح البس وخلي نروح هسة نجيبهن "
استقام موفق من مكانه يلبس سترته وياخذ مفتاح السيارة يوقفه راوي متكلم " لا انت ما اكلت وهستوك جاي اني باجر اروح والله ماكو داعي الصبح ما اخاف شيوديك انت لذيك الجلهيمة بليل"
" ما احب اكرر كلامي" تكلم موفق بشكل صارم يخزر راوي بعيونة السود الحادة مخلي راوي يفز قلبة ويردف بمزح "يمة والله نظرتك هاي تخوف متأكد انت مو عصابجي "
" يلة بسرعة يولد " ما اهتم موفق بكلامه حتى انه ما ابتسم يستعجله تاركة ومتوجه للخارج متوقف يلتفت حول راوي اللي خلفة متعجب انه يريد ان يخرج بتيشيرت صيفي متهالك مع شورت لا يعير برودة الجو اي اهتمام "شنو هاي راح تطلع هيج بهذا البرد"
"زين اني ما ابرد" اردف راوي بعدم اهتمام يلبس احد نعليه استعاره من موفق متنهد بعدها الاكبر تاركه وصاعد للأعلى ثواني ويجلي الة سويتر بني مع كبوس مقدمهة الة اخذة الاصغر منه ولبسه وتكلم بهمس " ماكو داعي " تقرب منه الاكبر غلق السحاب الة ورفع الكبوس على رأسه رادف " لازم تروح تشتريلك ملابس هم " همهم الة راوي وخرجوا مع بعض.
______
