عدت شهور ولا عدا الشعور

27

~في زمن قديم وعلى الطريق السريع~
راجع من الجنوب لام جلاجل ويدندن بروقان تام شاف على طريقه شايب وعجوز وبنتهم متعطلين على الطريق
وقف ونزل الشباك: عسى ماشر يعم تحتاج مساعده؟
الشايب: ايه ياولدي ابيك توصلني لديار قريبه منه سيارتي متعطله ولا فيه احد بالطريق وخايف على بنيتي من عيال الحرام
لف يطالعها بنت ببدايه عمرها تفاصيل جسدها الطاغي واضحه للناظر نعومه وجمال يدها تركه يتمنى يجرب يلمس يدها
الشايب ميل راسه: هاه وش قولك ياولدي
حمدان بانصياغ غريب: ابد ابشر قل لاهلك يركبون ويلا نحرك قبل يطلع الفجر ماباقي عليه الا كم ساعه وانا ابي اصل قبل الفجر
ركبو رفع الشايب يده يوصف له: انزل مع البر الديار اللي احنا قاصدينها مالها طريق الا البر
مرت ساعتين ونص وحمدان يحترق من تحركات كهرمان وراه ومن صوتها الهامس كل شوي تتطمن على امها وابوها واذ يحتاجون شي ولا لا
وتعطيهم وتعطي حمدان اكل
الشايب: بس تشوف الانوار هذي هي ديرتنا اول بيت على يمينك
حمدان: ديرتكم واضح كبيره
الشايب: اييه والكل فيها يشتغل بس المشكله انكم يالانس تخربون علينا بحلالكم
برد وجه حمدان يوم عرف انه طول الليل مع جن وماكانو انس توه ينتبه
لهيئة الشايب وشكل اصابع يده كيف هي مرعبه وان العجوز اللي معه ماغير تتمتم بكلام غير مفهوم
خبطه الشايب على يده: انت علامك تعديت بيتنا ارجع ارجع لا يشوفونك ولا ماعاد ترجع لبيتكم
لف السياره بسرعه صدم راس كهرمان الشباك وقف عند باب البيت وهو يتنفس بسرعه
الشايب: متى مافضيت انزل لنا نكرمك بس وقف سيارتك بعيد
هز راسه بخوف وشخط السيارة بسرعه واختفى عن نظرهم

~بعد ثلاث شهور~
تعذب فيها حمدان من طيف كهرمان ويحس انه يهلوس فيها ويتخيلها بكل مكان قرر انه يخطبها ويتزوجها لان اطيافها اهلكته وبالفعل خطبها وتزوجها بدون علم اهله
الشايب: وصيتي بس انك كل ماجيت تدخل عليها تنحنح عشان لا يصير لك شي
حمدان بفرحه: ابشر وتم واللي تبيه
الشايب: اجل يلا توكل ولا اشوفك تجي هنا
ركب السياره: اخيرا ياكهرمان صرتي لي عقب ما اهلكني حبك ووسوست كل الشهور اللي راحت ماني حمدان ولا اعرف مين حمدان توي عرفت نفسي
مسكت يده: كل الشهور اللي راحت وانا معك واشوفك

~بعد خمس سنوات~
اختفى حمدان وبعد فتره شافو جثته معلقه مع الشباك وكل من حاول ينزل الجثه اذته الجنيه ودمرت حياته لين هي بعد فتره اقتنعت من نفسها ونزلت الجثه وما احد يدري وين اندفن حمدان وكل يوم بالليل تسمع صوتها وهي تطق وترجع ذكرى زفتها مع حمدان واللي وضح لنا بعدين ان اللي ذبح حمدان جماعتها وبعدين لما حاولو اهل الديره يفتحون بيته وقدرو  يدخلونه واخذو جواله واتصلو على اهله والصدمه الاكبر ان اهله قالو انه توفى بالطريق يوم كان راجع من الجنوب لام جلاجل والى يومكم هذا محد يدري وش اللي صار وايش الحقيقه واللي صدمنا اكثر انه ماكان معلم بالحلقه وانا بنفسي حفظت منه نص القران معه والكثير من الناس حفظو منه وتعلمو
فز تميم جنب سند: يلعنك ياحمد كيف بنام الحين
ضحك: ليه كم عمرك عشان تخاف
راشد: انت لا تدري بس ان للحين كلنا ننام عند سند وخصوصا اذ كان مكان جديد
حمد: اكشخ مسوي لي فيها الام الحنونه
سند: شدعوه اخوهم الكبير ولازم اعطيهم حنان
فارس: ياخال بنام عندك اليوم محد قالك تخوفني
حمد: لا تكفى الا انت بتجنني وتطلع شيبي وانا صابغه الصبح
سند: اصدمكم؟ انا قد دخلت بيت حمدان يمكن ثلاث مرات او اكثر
ناصر: بسم الله وش يوديك لمكان الجن والبيوت المهجوره
حمد: دامك قد دخلته حافظ على اذكارك ولا تتركها واذ قدرت التزم بسورة البقرة عشان تضمن سلامتك
فالح: ايش رايكم نرجع للبيت
سعد ضحك: فيه واحد شكله خايف اكثر من فارس وتميم
حمد قام: اللي يبي يرجع معي للبيت يقوم ترا ماراح انتضر
قام الكل معه بسرعه وراحو يمشون رجع فارس يركض واخذ شاهي ورجع لهم بسرعه
فارس: يمه بغيت انسى الشاهي
حمد: انت ماضيعك الا الشاهي
فارس بانزعاج: لا تقلب وتصير لي امي

~بعد نص ساعه~
تميم: فالح بعد عن سند بنام عنده
فالح: لا انا سبقتك ماني قايم
راشد طلع من الحمام: ياليل ياتميم وفالح مايخلص هواشكم على سند وبالنهايه هو مستانس يشوف ان فيه ناس يتهاوشون عليه
سند: مبسوط عشان اخواني يحبوني
تميم تعال على يميني وفالح خلك مكانك وانتهت المشكله
فارس: خال نومني عندك مثلهم 
حمد لف عليه: فكني منك بس
فارس: احسن بنام عند نصور عشان اقهر غُند
حمد سحب لياقه ناصر: تعال يالكلب زين اني تذكرت وش اللي بينك وبين غُند انطق
ناصر بفجعه: ولا شي
حمد غمز: والفلم والدراما اللي الصبح اذكرك ولا متذكر
ناصر: احبها وابيها على سنة الله ورسوله
فزو من صوت صرخه وبكاء بنت
فارس بخوف: سمعتو اللي سمعته؟
تميم دخل تحت البطانيه: ايه
حمد حاول يخفي خوفه: اقول ياعيال ننام احسن وكل واحد يقول اذكار النوم
سند: لا يكون انك اذيتها يوم علمتنا سالفتها
بان عليه الخوف: لا ان شاء الله واحد منكم يشغل سوره البقره بسرعه
راشد عقد حواجبه: الصوت كانه عندنا بالغرفه
فالح: لا الصوت بعيد
قام سعد وسكر الباب وشغل القران: يلا خلاص الكل ينام وبدون حركات يافارس اذ خايف تعال عندي ولا تشغلني مابي اسمع نفس هجد الكل
حمد: وربي انك هيبه ياسعد
ناصر: بقوم اشرب ماء مين يبي

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)

لا تنسون النجمه والكومنت