عدت شهور ولا عدا الشعور

13

~بالسياره~
ناصر: وينها غُند ليه ماركبت
سعد بنرفزه: بتقعد مرافق مع فارس
ناصر استغرب: بوضعها ذا
سعد: خلاص هي الا تبي كذا ومعنده ليه اتعب نفسي واحاول
ناصر: انا بنزل اجيبها
سعد: اقول اجلس واحفظ ماء وجهك ودام سند معاها معليها خوف
ناصر بفهاوه: هاه
سعد عصب: حرك اقول ولا تسوي لي فيها يعنني اخاف واغار عليها وبعدين سند لو مو رجال كان ماتركناها بامانته
ناصر صرخ: وش دخل طاري الرجوله بالموضوع
سعد: اوفففف حرك ناصر ماني ناقصك انت الثاني اعصابي تلفانه
الجده: ماعندكم احترام انتم على الاقل كان احترمتم امهاتكم اللي معاكم بالسياره ولا كان احترمتوني
ناصر وسعد: اسفين
الجده: حرك ياناصر

~سند~
راح يشيك على فارس شاف بدر يمشي بالسيب: بدر وش عندك هنا
بدر: مشعل تعب وبجلس معه مرافق الا محد مرافق عند فارس
سند: ايه مدري ليه سعد ماجلس معه وحتى عمتي راحت
بدر: اجل خلنا ندخل نشوفه ونتناوب عليه بعدين
دخلو وانصدمو بصرخت غُند اللي هزت المكان
سند: بسم لله عليك هذا انا سند ماله داعي الصراخ
غُند صرخت: طلع اللي وراك
سند: طيب طيب خلاص بدر روح لمشعل وانا شوي واجيك
بدر: طيب
دخل سند وسكر الباب: وراك تصارخين اعوذ بالله صميتي اذني
غُند: خفت من بدر لو شفتك ماصرخت هو كان مغطي عليك
سند: طيب واذ هو بدر مايخوف ترا كلنا سوا
غُند بقرف: لا انت غير تشبه نفسك بالنجاسه اللي برا
سند رفع حاجبه: وليه غير! وليه قلتي عنه نجاسه
غُند تنهدت: هذي يبي لها جلسه طويله و معها قهوه وشاهي ونقولها برواق
سند: بنزل اجيب لي قهوه وانتي وش تبين
غُند: شاهي نعناع طبعا تلقاه على يسارك وانت طالع من المستشفى
سند وهو طالع: مو اذ رجعت تصرخين كفايه اللي قبل شوي

~المزرعه~
الكل مجتمع حول سفرة الغدا
الجده: يلا يابنات جيبو الصحون الباقيه لو غُند هنا كان سنعتكم من اول
سعد: هاه يايمه اعترفي اشتقتي لها
الجده: ايه والله فاقدتها
جواهر: عاد يمه ماحاولتي تقنعينها تترك فارس وتجي
الجده: اسكتي ياجواهر لاقومك من الغدا واخليك تتغدين بعيد عنا تراي للحين غضبانه عليك
راشد: ماعليه ياعمه تحملي
جواهر خزته: رراشد
راشد: طيب طيب تحملي ياجواهر
إلهام: ابي تميم وبكت
فالح: لا إله إلا الله مافيه شي يبكي سوا حادث والحمدلله ربي كتب له عمر جديد
إلهام: ايه لانك جدار ماتحس
راشد: حلوه حتى وانتي تبكين تهاوشين
إلهام: ماتحسون انتم وش ذا تراه كان بين الحياه و الموت
سعد: الله يعوضك يا إلهام ربي بلاك بأخوان مايحسون
فالح: خير انت تكلم محارمنا
سعد: معليش تعديت الحدود
ناصر: اقول سعد تذكر سلطان ابو عصا
سعد: ايه وش ذكرك فيه
ناصر.: بعد يومين عندي مقابلة عمل بشركته
كشر سعد: مالقيت الا هو تراه بيمسكك الباب
ناصر: لاتحطموني مليت وانا بدون وظيفه
سعد: اتوقع ماراح يتذكرك
ناصر: بس اذ شاف اسمي بيعرفني
جواهر: معليك بيقبلك غيرانين منك اكيد
جود: يحصله اصلا ناصر يشتغل معه
الجده: لو رفضك جيبني ارفع عصاتي بوجهه تلقاه يمشي سيده
ناصر: خلاص كبر راسي بدخل عليه ببشت واخذ سعد يقهويني عنده
سعد: خيررر اجل يارب يارب يمسكك الباب ويقلعك
نط ناصر بوجهه: استغفر ياولد استغفر حرام عليك والله اني ادور الوظيفه من زمان ابي استقر
سعد: بستغفر بس لاني اشفقت عليك