وتيرة الاعرج

الوتيرة الثانية والاربعون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂 hawraalsaidi

-غرام: كملت رضاعة سراج اباوع الجهال انسام كاعدين زينين هادئين الي اكتشفته همه من الاطفال الي بس من يشوفون اهلهم يتوكحون بس بدونهم لا يكعدون عاقلين كاعدين ياكلون حطيتلهم فواكه بصحن

بالي يم كُميل اتاخرو صاحت خالتي تريد علاجها حطيته بكاروكه الارضي ابوه جابه اله دخلت للمطبخ اخذت علاجهه من الثلاجة وطلعت دخلت الها انطيتهياه خطيه شربته وكالت ..

-مليكة: يمه غرام راح انامن من يجون كعديني راسي احسنه مطرور

-غرام: صار خاله

عفتها تنام ورجعت امشي مدنكه راسي كلت خلي اتصل بيهم اشوفهم وين وصلو دخلت للصالة شفت جهال انسام واكفين على راس سراج ويباوعوله بخوف نزلت عيوني على ابني

وتوسعت بكل قوتهن وانه اشوف ابني يرفرف مختنك ركضت عليه شلته واباوعله اربط الساني گلبي راح يوكف صارت عيوني عليهم بسرعة وهمه بدو يبجون ..

- شسويتو خاله شسويتو

حجه واحد منهم وهَوُ يبجي ..

- وكلته ويانه

- شوكلته

- انطيته حبة رمان

عفتهم وانه اشوف ابني جاي ينازع بروحه عقلي ما كدر يفكر ركضت بيه للشارع وروحي مفرفحه دموعي تنزل بغزاره وصلت للحديقة وانه اشوف انتهى بين ايديه صرخت بكل ماعندي صوت انفتح باب الشارع ودخل ارسلان يركض ورا كُميل ركضو عليه صارت ركضة كْميل اسرع من ارسلان سحب مني الطفل يباوعله بكل صدمه ..

-غرام: ابنييي ماتتت ابنيييي

بدون ماينطق حرف ركض بيه للشارع اريد اكوم ما اكدر طلعت مليكة تتسائل بخوف ارسلان كدامي والصدمه معتليه وجهه رجليه ماتت اريد اروح ورا ابني ما جاي اكدر اعين بروحي وهَوُ يريد يتقرب يكومني بس يتردد لان يدري بيه وبطبيعتي اجت مليكة كومتني لازمتني ..

-مليكة: يمه ياحبيبة ولججج شبيه ابنجج

غصيت بشهكتي ودموعي على خدودي ..

-غرام: الجهال منطينه حبة رمان

لطمت على وجهه وصارت تولول ..

-ارسلان: مليكة بس جيبي عبايتها خلي نلحكهم للمستشفى

راحت تجيب عبايتي وانه منظر ابني اتثبت كدامي جابت العباية لبستها سريع وراح هَوُ جاب مفاتيحه ركبنه سيارته وطلعنه بس ماندري بيا مستشفى اخذه كُميل وشلون اخذه وحدة وهَوُ يسوق بجيت بكل حركة گلب صوجي عفته صوجي خابر ارسلان خاله وانطاه عنوان المستشفى