#مراس_الدعجاء
للكاتبة هدهد
لا تنسون التصويت والمتابعة للحساب وتعليقاتكم الي احبهم 🌍💙
✤———————————————✤
اخذتنا السوالف بالليل لحد ما أتصل عليه عثمان يطلب مني نرجع ، شفت الساعة توها بـ9 ونص واستغربت بعد وكت؟
-بعد وقت عثمان
-ليل أطلعي بدون حجي زايد
استغربت نبرتة العجولة ورديت
-تمام..
وسد المكالمة، رفعت عيني لامي وخالتي والبنات الي منتبهات للمكالمة وگالت خالة
-فيروز: ها ماشية للبيت؟
-اي والله عثمان گال
-أمنية: مو بعد وقت
-كاعدة من وكت وعثمان هم ونعس ولازم نروح سوة
وگفت اسلم عليهن وودعنا بعض وطلعت ، شفت بابا واكف بالباب وعثمان كدامة برة بمسافة وعلى ما يبدو الجو مشحون شويه واستغربت وسألت
-ها شنو صاير
باوعلي بابا وهز راسه مبتسم بدون كلام وعثمان رد
-ما صاير شي، يالله نرجع مع السلامة
بوست بابا وطلعت وكل واحد صعد بسيارتة لان كل واحد من البداية بسيارته اجه
تحركنا للبيت واول ما وصلنا عثمان دخل قبلي واستغربت بس ما حجيت شي وسديت الباب ودخلت
اول ما دخلت الغرفة شفته كاعد على الجرباية وحواجبه معقودة
-شصاير؟ للان مزعوج من الصبح ؟
رفع راسه وحجه بسؤال صدمني
-ليش ما گلتيلي إنه ابوج هو الي حط شريحة التنصت بموبايلج؟؟
توسعت عيوني بكل صدمة لان عرف.. شلون؟؟؟؟
-شدا تحجي أنت منو كالك؟
وكف منفعل ولاول مره اشوفه معصب هيج ويصيح
-عود تغشمين روحج؟؟ خليتيني أحقد عليج وردت ارتكب افعال تجردني من انسانيتي تجاهج واحقر حياتج واخر شي يطلع ما الج ذنب بس تتسترين على ابوج؟؟؟؟
DU LÄSER
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
