#مراس_الدعجاء
للكاتبة هدهد 💛
بنص الليل ...
گاعد بس انه وروحي
بنص الليل چانن غافيات وگعدن
جروحي...
✤———————————————✤
احتمال لو اشرحلكم شگد عانيت بيومين بس ماتصدگوني
بس من بعد ما شفت الصور حالتي تغيرت وانطفيت.. المشكلة أعرف الشخص الميت حق المعرفة
وأصدمكم منو؟ مـجيـد .. اي اي مجيد نفسه هذاك الانسان الي ماشفت منه إلا كل شر واني نفسي تعقدت من مات رغم بغضي اله ولشخصيته واحسه حقود وما عنده شي زين
اعتكفت بنفسي يومين عن الناس وثالث يوم احتد نقاش بيني وبين أمي وچان نهايتة غصبًا عني اروح للجامعة لإن هذا مستقبلي
محد يعرف عن السالفة شي وأكتشفت بابا ما حاجب لأحد شي .. لبست بدون نفس وأول ما نزلت لگيت سويچ سيارتي على الطاولة الي بالاستقبال الجوة وعرفت بابا تراجع عن قرار سحبه لسيارتي
اخذته وطلعت بدون أكل وأذا اگللكم هاليومين عشت على العصاير بس ماتصدگون .. التفكير اكلني شلون مات وقابل ربه وهو حتى ما يذكره؟ شخص جان عاصي ربه بكل الانواع من شرب وسوالف موزينه وسمعت كومه عليه سوالف تشيب الراس شلون مات وما تاب؟
گلبي يوجعني كل ما أفكر بالسالفة وأحس حياتنا سهله اسهل من رمشة عين وبأي لحظه ممكن الله ياخذ روحنا ونموت .. ما اگللكم اني ملتزمه كاملًا بالعكس احس نفسي مقصرة بكومه اشياء من تأخير بالصلاة ومرات اگطعها ومرات أنسى أصلي
مو بس الصلاة احس متهاونه على هواي أمور بحياتي
صعدت سيارتي وحركت والبرد سبب لخشمي حرگه وحسيت راح اتمرض من استنشاقي لبرودته .. دفيت نفسي زين بالكوت مالتي وفجأه اجه على بالي الأنسان بالقبر بهالبرد يحس؟ مو سامعة يگولون يحس لحد ما الله يحاسبه؟
وصلت للجامعة ودخلت مباشرة المحاضرة وبقيت بالقاعة لحد نهاية الدوام ومن طلعت بحثت بعيوني عن محمد بس ما لگيته معقوله ما عرف؟ لو عرف عن موت مجيد؟
طلعت للبيت واني بالسيارة قررت اروح لبيت عثمان أريد احجي وياه عن السالفة مدا ارتاح مدري ليش .. وصلت ودخلت بيتهم كالعاده امهم ما موجودة بس البنات وأول شي تلگتني ميان
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
