#مراس_الدعجاء
للكاتبة هدهد
لا تنسون التصويت والمتابعة للحساب وتعليقاتكم الي احبهم 🎀💓
✤———————————————✤
ركضت أنزل وأستقبلوني النسوان زوجات خوالي وعمامي والكل ..
بعد سلام تهربت منهم وطلعت للباب ونظراتي حيل قلقه،
شلون هسه؟
شنو اسوي؟
وبوسط تفكيري أنفتح باب الديوان وطلع عماد
الي من شافني باوع بأستغراب وحجه
-عماد: بيج شي يا عروس؟
-تعاال عماد
تقدم من يمي وحجه بنبرة كلها تعجب
-عماد: شنو راح تشردين؟ أساعدج؟
ضحكت بوسط ضوجتي وحجيت
-لك لااا شوف..
قبل لا احجي مرة ثانية أنفتح الباب وطلع عثمان،
من شفته بسرعة طفرت لورة حتى مايشوفني بس هيهات شافني وتقرب
-ها؟ شصاير ليل؟ شعندك هنا عماد؟
-عماد: مرتك راح تشرد وراح اساعدها
عثمان فتح عيونه بكل وسعهم وصاح
-تحجون صدك أنتم ؟
تنهدت بملل وصحت
-هيوووو لا ولكم محمد خابرني مدري شبي!
تغيرت نظراتهم وباوعلي عماد متعجب
-عماد: محمد! شبي؟
-ما اعرف منهار ويگلي راح اموت مافهمت شيحجي خلونا نروح نشوفه!
تقرب مني عثمان وراد يضربني على راسي
بس شاف التسريحة والبروش وبطل وبقه مفهي بوجهي،
بعدها بشويه حجه
-مو مال ضربه اليوم انتِ عروسة
-دروح لك
سكتنا عماد من حجه
-عماد: ولو من يمي انتو وروحوا جوه لاتفشلونه واني اروح اشوف المصيبة محمد
-هيو لاتغلط عليّه
خزرني عثمان وحجه من بين سنونه
-ليل دخلي جوه لا ادفرج
گلبت عيوني ورجعت للبيت واول ما دخلت
شفت نرجس گاعدة هيّ ودعاء بالصالة، عدلت مشيتي
وتبخترت گدامهم بكل رزانة وما باوعتلهن حتى
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
