وتيرة الاعرج

الوتيرة الواحد والاربعون

عضيت على اصبعي اكتم عصبيتي والاتصال يرن بس محد يجاوبني خلص الاتصال ومحد مجاوب رجعت كررت الاتصال انفتح الخط ..

-غياهب: ويننن انتَ

-ارسلان: غياهب

- شوفف كلشيي بسبببك دمرررت الناس بسبب افعالك وانتقامك

- شبيج ؟

- خالي عرف بكلشي بين نيروز وعمر
ومن قهره هسه اخذو للمستشفى

- على كيفج لا تصيرين عصبية لا تجيج النوبة انه احل كلشي بس على كيفج ويا نفسج

نزلت دموعي مختنكه ..

- شتحل وانتَ دمرت كلشي بايدك

سكت الثواني رد ..

- عمر مسافر انه راح اجي بنفسي واحجي وياه والي يريده يصير

- شتكله ؟ تكله انه الي لعبت بعقل اخوي وخليته يتقرب البنتك

- لاتزيدين قهري بكلامج هذه

- طبعاً تنقهر لان تعرفك بنفسك الي سويته غلط

- بس اهدئي بداعت ابوج لا تجيج النوبة ولج

- انه وين احجييي وانتَ بشنوو مهتم

- خايف عليج گلبج راح يدمر من هل النوبات

- اذا النوبات مادمرت گلبي انتِ دمرته وخلاص

سديته بوجهه .. ولكم والله تعبت تعبت شوكت ارتاح اذا الموت بيه راحه خلي رب العالمين ياخذ امانته طلعت غسلت وجهي ونزلت الهن شفتها نايمه على رجل حنين وعلى نفس الرنه دموعها تتسابق

-حنين: ما اتصلتي بيهم غياهب

-غياهب: شويه بعد واتصل

اثنينه عيونه تباوع الـ نيروز التنزل دموعها بهدوء رفعت بعيونها الي صارت دم من البجي ..

-نيروز: كلشي صار بسببي

- ماعليج انتِ غلطج من دخلتي علاقة وثقيتي من جديد

- ابويه وكع كدامي بسببي

- ان شاء لله مابيه شي

مرت ساعة واتصلت بابويه اشوف وضع خالي ..

-سلطان: هاا بابا

-غياهب: هاا حبيبي شنو وضع خالي

- ضغطه وهسه احسن الحمدلله يكمل العلاج ونرجع

- الحمدلله ..تجون البيتنه لو تروحون البيت خالي كبل

- لا نجي البيتنه خلي نتفاهم لا هم ام نيروز تنهبط

- تمام ننتظركم

سديته منه اجتني نيروز تسئل بلهفه وخوف ..

-نيروز: هاا غياهب شكال عمو بابا شلونه

- احسن حبيبتي شويه ويرجعون للبيت ضغطه السبب ان شاء لله ماكو شي

- تمام راح ارجع للبيت