မနက်စာ ထမင်းကြော်စားပြီးတော့ ပန်က နောက်ဖေးခြံက ကန်စွန်းရွက် ၊ချည်ပေါင်ရွက်၊ ဘူးရွက် ဖောက်သည်ပေးဖို့ခူးပြီးအနေတော်အစီးလေးတွေစည်းရသည်။ ပန်ပန် ဟင်းရွက်တွေစီးနေတုန်း မောင်က ကိုသန့်စင် တို့အိမ်ဖက်ကိုထွက်သွားလေသည်။
" အမေရေ အမေ '' ကျွန်တော် လှမ်းအော်တော့အမေက နောက်ဖေးကနေပြန်အော်လေသည်။
" အေး သားခန့်လား ထိုင်ဦးသားရေ အမေ ဟင်းအိုးလေး ခနချဦးမယ် ''
အာ့လို ပြောပြီးအမေက အိမ်ရှေ့ကိုလက်ဖက်ရည်ဗန်းလေး ကိုင်ပြီးထွက်လာသည်။
" သား ဒီမှာ လက်ဖက်ရည်လေးသောက် ထန်းလျက်လေးလဲစား ဘာပြောမလို့လဲသား အိမ်ကိုလာတာ ပန်လေးရော ''
အမေကမေးတော့ ကျွန်တော်လဲ
" ပန်က အိမ်မှာ ဟင်းရွက်တွေခူးပြီးစီးနေတယ် သားက သန့်စင် နဲ့တိုင်ပင်စရာရှိလို့''
ကျွန်တော် ပြောတော့အမေက
" သြော် သန့်စင်က လယ်ထဲ ခနသွားတယ်သားရဲ့မိုးစပါးတွေရိတ်ပြီးပြီလေ အာ့တာလယ်တွေကိုသူပဲ ပြန်ဦးစီးတော့မှာဆိုတော့ရှင်းစရာရှိတဲ့ပိုက်ဆံကိစ္စဘာညာသွားရှင်းတယ် ခနနေတော့ပြန်လာတော့မှာပါ''
" ဟုကဲ့ အမေ ဒါနဲ့ ပန်းနုရောမမြင်မိပါလား ''
" ရွာထဲလျှောက်သွားနေတာနေမှာပေါ့သားရယ်အာ့ကောင်မလေးကအိမ်မှာကိုမနေချင်တာ မအေကို ကူလုပ်မယ်မရှိဘူး ''
" သြော် အမေရယ်သူလဲ လူငယ်ပဲ ပြီတော့ကလေးသာသာရှိသေးတာကို ''
" အမလေး ၁၈ပြည့်လို့၁၉ထဲဝင်နေပြီ ဘယ်နှယ့် ကလေးတုန်း ပန်ပန်လေး ဆို အကုန်လုပ်တတ်နေပြီသူ့လိုမဟုဘူးး သူ့ကျမှသာအမေလဲ ထိန်း မနိုင်တော့ဘူး'' အမေနဲ့ကျွန်တော်စကားပြောနေရင်း သန့်စင်က ပြန်လာလေသည်။ ပန်းနုပါ တခါထဲ ဝင်လာသည်။
" ဟာ တည်ကြည် ပူပူ နွေးနွေး သတို့သားကြီးက မိန်းမ နားကပ်မနေပဲ ဘာလာလုပ်တာတုန်း'' သန့်စင်က အိမ်ထဲဝင်ဝင်ချင်းကျွန်တော့်ကိုတန်းစသည်။ပန်းနုကလဲ သူ့အကိုဘေးကိုဝင်ထိုင်သည်။
" လယ်ကိစ္စ လာတိုင်ပင်တာပါကွာ အမေပေးထားတဲ့ လယ်ကို စပါးလေးစိုက်မလားလို့ကွ သူများလဲ အငှားမပေးချင်ဘူး လေ ''
YOU ARE READING
🌹🌹ပန်တော်မူ🌹🌹(Completed)
Romanceသနားစရာကောင်းp ရွာရဲ့အပယ်ခံ ဒွိလိင် ကောင်လေး တစ်ယောက်နဲ့ မိဘတေမရှိတော့လို့သူငယ်ချင်းနေတဲ့ရွာကိုလိုက်လာတဲ့ ဆရာဝန်ကောင်လေး တို့ရဲ့အကြောင်း
