"هو الله الذي لا إله الا هو عالم الغيب والشهاده هو الرحمن الرحيم ، هو الله الذي لا إله الا هو الملك القدوس السلام المؤمن المهيمن العزيز الجبار المتكبر سبحان الله عم يشركون ، هو الله الخالق البارئ المصور له الأسماء الحسنى يسبح له ما في السماوات والأرض وهو العزيز الحكيم"
ولك اجر القارئين …
..............
_السياره_
ركبت ترف ونزل هتان يسلم على سلطان واخذتهم السوالف
ترف فتحت الشباك وطلعت راسها : نسيتوني ولا وش اخلصو علي ما وراي غيركم
هتان : طيب جايك الحين اصبري
ترف : لو ما جيت خلال خمس دقايق رح اتهاوش معك
هتان بضحكه : ابلش صدق
سلطان : يلا لا تتاخرون على امكم مع السلامه
هتان : لا اوصيك سلم على عمتي
سلطان : يوصل وأنا اخوك
ترف : تودعون بعض ولا كانكم بتشوفون بعض العصر
هتان : شعليك انتي
سلطان : ترف لا اوصيك تهاوشي معه خلصت خمس دقايق ولا جاك
هتان : يلا بروح أنا
(حرك هتان وكان باقي سلطان عند الباب)
لمح شخص من بعيد وكانه كان يناظر لكن لما انتبه له سلطان راح ، ما اهتم سلطان ومشي متوجهه للبقاله
«بيت ابو الوليد»
دخلت وشافت ابوها جالس مع عمها وامها جالسه مع ام الوليد ، ما كان ودها تشوف ابوها ابدا لانها مب مستعده تواجهه ، ناظرها ابو متعب من فوق لتحت ورجع نظره ل ابو الوليد وكمل سوالف ولا كانها موجوده
ترف : سلام عليكم
الكل : وعليكم السلام
ابو الوليد : كيفك يا بنتي
ترف : بخير يا ابوي (قالت له ابوي متعنيه لانها تشوفه يستحق كلمة (بابا) وقف معها ولا همه احد عكس ابوها الحقيقي)
ابو الوليد : وشو ما بتسلمين علينا يعني
ترف وهي تبوس راسه : افا اكيد اني بسلم
(سلمت على الكل حتى ابوها وبعدها جلست جنب امها)
اخذتهم السوالف وضحك راكان وترف وجنان وهتان ما وقف
جا ريان وقال ب استغراب : جعله دوم الضحكه
ترف بحماس : تعال اجلس معنا
ريان : يلا بسلم اول (سلم على الكل وجلس)
_العصر_
بعد ما جهزو كل شي يحتاجونه عشان يروحون البر ركبو كلهم بسيارة ابو الوليد لانها كبيره وحقت بر (راكان يسوق_جنبه ريان_هتان ورا جنب الشباك_ ترف بالوسط_ جنان عند الشباك الثاني)
ترف : الله مره متحمسه
راكان : اول مره اتحمس اني بروح بر احس اننا بنفلها
هتان : كلمتو العيال يجون
ريان : حنا متفقين من امس ما يحتاج نكلمهم
(ترف قربت تاخذ سلك البلوتوث حق السياره)
مسكها ريان ورجعها ل ورا
راكان : اختي انتي تبين تموتين
ترف : ليه و سويت
ريان : تخيلي وقفت السياره فجاءه انتي بتطيرين على الطبلون
ترف : طيب اعطيني السلك عشان لا أطير على ذا الي مدري شسمه
راكان : شتبين فيه
ترف : وش تتوقع أكيد اني بعطيه ل جنان عشان تفتح اغاني
جنان كانت مركزه بجوالها وتكلم مشاري وما تدري وش يقولون
هتان : جنان ب عالم ثاني
ريان : جنان
ما ردت
ريان بصوت عالي شوي : جنان اكلمك
جنان : ها هلا معليش ما سمعت
راكان : ترا حنا طالعين نستانس ونسولف مع بعض مب طالعين عشان تجلسين على الجوال
جنان وهي تسكر جوالها : طيب ابشر
ترف : راكان وقف عند البقاله باخذ لنا اغراض
راكان : طيب
(وقف عند البقاله)
ترف : جنان تنزلين معي
جنان : لا مالي خلق
ترف : اجل يلا هتوني انزل مع
هتان : دزي والله مالي خلق
ريان : اخلصي أنا بنزل
راكان : اسمع جيب معك عصيرات
ريان : ان شاء الله
ترف : هتان ابعد بنزل
هتان : انزلي من عند جنان
جنان : ياا ليل صدق بلشه
YOU ARE READING
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
