« على طريق الرياض' في المستشفى القريبه من الديره»
نزولو من السياره وهم خايفين على ترف ودخلوها الطوارئ
ريان: ذا الكلب أنا بوريه
هتان : وش سوا
ريان : تستهبل !!! تقول هددها ، وشكلها كانت صابره لكن لما سمعت كلامك انفجرت
هتان: آهخخ يا وخيتي انكسر ظهري فيك
ريان : اسم الله عليها ما فيها شي ان شاء الله
هتان: طيب أنا لازم ارجع للشرقيه بسلم عليها وبروح عندي مريض يحتاج الآن مقدر اتاخر اكثر تقدر تبقى معها
ريان: طيب معليك
الدكتور: اخوانها ؟
ريان ب استعجال: ايه وش فيها
الدكتور: عندها ضغوطات نفسيه ذي الفتره؟؟
هتان : ايه في شوية مشاكل
الدكتور بتنهيده: انتبهوا لها لأنه ممكن ب اي لحظه يتاذى القلب وغير انه هي عندها مشاكل بالتنفس ف أحتمال كبير انه يجيها نوبه او سكته قلبيه لأنه القلب عندها مره ضعيف
ريان: دكتور مستوعب وش تقول ؟ هي عندها مشاكل نفسيه وش دخل القلب
هتان: ريان كلامه صحيح اذا التنفس فيه مشاكل بيضر القلب و ترف عندها ضيق تنفس احنا نعرفه من وهي بزر
الدكتور: معليش بس اليوم خليها بالمستشفى عشان ترتاح وتكون تحت المراقبه و لازم اقولكم سبب اغماءها لأنه صار تسارع مفاجئ للنبضات القلب
ريان: نقدر نشوفها
الدكتور: بنوديها لغرفه عاديه و تشوفونها
«في غرفة البنات بيت الجد»
جنان: يا بنات وين ترف؟
خلود: مدري شوفيها تحت
لمار : شفتها تنزل تحت روحي شوفيها وتعالو خلونا نسهر بكره بنكرف
اسماء وهي تناظر جوالها: ورانا كرف يعني لازم ننام
افنان: اقول انتي انطمي وكلمي الحب حقك
جنان بصراخ: خلاص ياخي ، مبزره أنتم ؟؟؟ مب كل شي
مزح ترف تعبانه ونفسيتها تبن وانتم ما همكم الا نفسكم و وناستكم
ابتهال بتفهم: جنان ترا كلنا متضايقين و حاسيين ب ترف مب لحالك بس ما يصير تكلمينا كذا وتصارخين والحين امشي معي ندور ترف
«المجلس الكبير في بيت الجد»
(بعد ما شافو كل الغرف الي بالبيت وما كانت موجوده)
جنان: شفتوا ترف؟؟
ام متعب بخوف: لا مهي عندكم؟
ابتهال وهي ترقع الموضوع: الا بس راحت الحوش وجنان ما كانت تدري
ام متعب ب شك: طيب نادوها لي
ابتهال وهي متوهقه: ابشري
جنان : سلطان راكان تعالو معنا
"الحوش في بيت الجد"
راكان: كيف يعني مب موجوده
جنان: دورنا بكل الغرف مب موجوده ولما دقينا عليها جوالها كان بغرفتنا
سلطان: الله يستر وين طارت ذي
ابتهال: شنسوي امها تبيها وجدي و خالي لو عرفو يا ويلها صدق
راكان: يمكن بالحمام طيب
ابتهال: انت مهبول اقولك شفنا كل البيت مهي موجوده
سلطان: ابلش
جنان وهي تبكي: بدق على ريان يحقق
سلطان: مهبوله انتي بتفضحينا ريان لو عرف بيقول ل هتان وهتان بيقول ل خالي وخالي بيقول ل جد....
جنان وهي تقاطعه: خلاص طيب درينا انكتم
راكان: اسمعو قولو انها نايمه وأنا بروح ادور عليها مع سلطان
ابتهال: اوكيه
YOU ARE READING
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
