ريان بصدمه : دكتور لا يا دكتور سوي اي شي لا تخليها تدخل غيبوبههه
الدكتور: ما بيدي حيله مثل ما قلت لك الحين بنخليها تحت المراقبه ونشوف وضعها لكن نسبة 95٪ تدخل غيبوبه لان هي نزفت دم كثير
ريان مسك راسه بمجرد ما تخيل انه بيخسرها حس انه طفل ما يعرف يتصرف حط راسه على الجدار بتعب كان يحس انه مرهق
الدكتور: تقوم بالسلامه
ريان: الله يسلمك
دق جوال ريان وكان هتان
....
هتان : كيف ترف سوا لها شي
ريان بتعب: هتان تعال المستشفى
هتان بخوف: ليه وش صار ترف فيها شي
ريان: ترف أحتمال كبير تدخل غيبوبه
هتان بصوت عالي: غيبوبة ايشش وش تقول انت
ريان بنفس نبرة الصوت: ايه غيبوبه ضاري ضربها الى ان نزفت وضربها ضربه قويه على راسها والدكتور يقول انه نزفت دم كثير وغير كذا الضربه الي براسها عشان كذا ممكن تدخل غيبوبه
هتان بخوف على اخته: جاي جاي ماني مطول
........
«بيت الجد ابو مفلح»
ابو ضاري: طلع ولد عمها اجل
الجد : ايه
ابو ضاري: وش مهنته
الجد: محقق جنائي
ابو ضاري : ولدي الحين بينسجن ٣ شهور طالبك يا ابو مفلح تنازل عن البلاغ
الجد: ابشر بس ابي ريان يجي يشرح لي السالفه مستحيل انه يكون يكلم بنت عمه وهي متزوجه بعد
ابو ضاري: اهم شي لا ينسجن ولدي
الجد: يصير خير
(إنتشر الخبر بالديره انه ضاري بينسجن مره ثانيه لأنه ضرب زوجته) (و أكيد وصل ل ابو الوليد و ل خواته وابو متعب وعياله)
_اليوم الثاني بالمستشفى_
وصل هتان من الخبر و كانو كل أهله موجودين ينتظرون الدكتور يقول لهم إذا ترف دخلت غيبوبه ولا لا
اما ريان الي ما كان يقدر يكون معهم أولا عشان محد يعرف بحبه لها و ثانيا عشان دوامه لكن ب هذا الوقت كان بسيارته واقف قدام المستشفى يبي يحس انه معها وما تركها رغم ظروفه و شغله ومتجاهل اتصالات ابوه
سالم: ها يا دكتور بشر
متعب : شصار؟؟؟
هتان الي يناظر الدكتور وعارف وش بيقول من نظرات الدكتور الحزينه: لا تقولها يا دكتور تكفى
الدكتور: هذا قضاء وقدر ما نقدر نعترض على امر الله دخلت ترف الغيبوبه وان شاء الله تقوم منها سالمه
ام متعب صرخت صرخه هزت فيها المستشفى كانت صرخة قهر وحزن وعتاب على ابو متعب الي زوجها ضاري
اما هتان كان وقف ولما سمع كلام الدكتور جلس على الارض وكان ماسك راسه ب الم ما كان يتخيل انه بيجي يوم ويفقد صوت ترف و ضحكتها و مزحها حركاتها العفويه افتقدها وهي صاحيه كيف وهي بغيبوبه
اما متعب وسالم الي ما سيطروا على دموعهم تخيلو لو ترف ماتت وش بيصير كانو خايفين من أنهم يفقدون اختهم الوحيده
اما ابو متعب الي جاه اقوى تانيب ضمير حَس انه ظلمها كانت ردة فعله غريبه جدا مشاعره كانت متلخبطه اكتفى بالسكوت وهو بداخله عاصفة مشاعر
YOU ARE READING
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
