အခန်း (၄၇) - မင်းနာမည်ဘယ်လိုခေါ်လဲ ?
ကပ္ပတိန်ချန် သည် တစ်စက္ကန့်မျှ တိတ်ဆိတ်သွားပြီးနောက် ရုတ်တရက် ပြန်တုံ့ပြန်လာနိုင်လိုက်သည်။ ဟမ်းစတားလေး လူသဏ္ဍာန်ပြောင်းတဲ့အချိန်သည် အလွန်တိုတောင်းနိုင်ချေရှိသည်။ ကိစ္စပြီးအောင်လုပ်နိုင်ဖို့ဆိုရင် သူအချိန်လုပြီးလုပ်ရလိမ့်မည်။
သူစကားစပြောမလို့ပဲရှိသေး ရှုရှောင်ဟွေးဆီကနေ တုန်တုန်ယင်ယင်အသံလေးဖြင့် ပြောလာတာကို ကြားလိုက်ရတော့၏။ " ဆိုက်ကိုကောင်ကြီး ! "
" ...... "
စစ်တပ်ဗိုလ်ချုပ်ကြီးယူနီဖောင်းကို ၀တ်ဆင်ထားသည့် ကပ္ပတိန်ချန်သည် သူဖိနှိပ်မထားမိလိုက်သော သူ့ရဲ့ဝံပုလွေလို စရိုက်သဘာဝကြောင့် ရုတ်တရက် နောင်တရသွားတော့သည်။
ခုချိန်ထိဆို သူသည် လူသဏ္ဍာန်နဲ့ဟမ်းစတားလေးဆီမှ စုစုပေါင်းကိုမှ စကားလုံးခုနစ်လုံး နဲ့ စာကြောင်းနှစ်ကြောင်းပဲ ကြားဖူးသေးပြီး ဆိုက်ကိုကောင်ကြီးဆိုတဲ့ စကားကို နှစ်ကြိမ်တိုင်တိုင် ကြားခဲ့ရသည်...
ရှုရှောင်ဟွေးသည် အမှန်ပင် အိပ်ချင်ယောင်ဆောင်နေခဲ့တာဖြစ်သည်။ လူအဖြစ် စပြောင်းသွားတဲ့အချိန်တုန်းက သူ့ကိုယ်သူမသိသေးပေ။ သူရုတ်တရက်ကြီး အသွင်ပြောင်းသွားလိမ့်မယ်လို့ မမျှော်လင့်ထားမိဘဲ ခုထိ ကိုယ်ပေါ်မှာအဝတ်အစားကလည်း မရှိသေးဘူးလေ။ ချန်ချန်းသို သူ့ကိုခါးကနေ တိုက်ရိုက်လှမ်းဖက်လိုက်သောအခါ၊ ရှုရှောင်ဟွေးရဲ့ ပထမဆုံးတုံ့ပြန်မှုသည် အိပ်ချင်ယောင်ဆောင်လိုက်ခြင်းပင်ဖြစ်သည်။
ကိုယ်တုံးလုံးဖြစ်နေတာကြီးက အရမ်းရှက်ဖို့ကောင်းတယ်လေလို့ !
တစ်ချိန်တည်းမှာပင်၊ ရှုရှောင်ဟွေးသည် ထိုနေ့တုန်းက ရေစက်လေးများစီးကျနေသော ချန်ချန်းသိုရဲ့ သန်မာတောင့်တင်းသောခန္ဓာကိုယ်ကို သတိရမိသွားသော်လည်း အဲဒီ့တုန်းက ထိုလူသည် ဘောင်းဘီတိုတော့ဝတ်ထားသေးသည်။
ဒါပေမယ့် ဒီလိုတွေးမယ်ဆိုရင် အတိုင်းအတာတစ်ခုထိတော့ သူတို့နှစ်ယောက်က တစ်ယောက်နဲ့တစ်ယောက် ကိုယ်တုံးလုံးပုံစံတွေကို မြင်ဖူးပြီးကြပြီလို့ပဲ ယူဆနိုင်ပါတယ်လေ ...
YOU ARE READING
ပေါက်ကွဲတတ်သောအိမ်မွေးဟမ်းစတားလေး(ဘာသာပြန်)
FantasyBoth Unicode and Zawgyi ကမ္ဘာကြီးကို ဂြိုလ်သားတွေရဲ့ကျူးကျော်တာခံရပြီးနောက်အစွမ်းတွေနိုးထ လာခဲ့ကြတယ်။အစွမ်းရှိတဲ့လူတွေက အစွမ်းရှိတဲ့တိရိစ္ဆာန်တွေနဲ့ ပေါင်းစပ်တိုက်ခိုက်ရင် စွမ်းရည်နှစ်ဆတိုးတာပေါ့။ရှုရှောင်ဟွေးကတော့ စွမ်းအင်ပြောင်းလို့မရတဲ့ မီးခိုးရေ...