مرت الايام ويه اهل الحسن و الحسن كُلش حلوه و هادئة مر اسبوع على عرسي مااحبيت اسوي حفله و مااعرف شنو بس اجو اهلي و هاي و خلص يوم السبعه احلى بهوواي من انُ حفله و ناس و هوسه
مر كم يوم لحد ما اجه يوم 10/10
حفلة توديع العزوبيه مال نُهى كعدت الصبح سبحت و نشفت شعري و بدلت كملت كُلشي صار الظهر و الحسن وصلني نُهى طلبت مني اجي قبل الكُل حتى اساعدها بكم شغله
اتقربت حضنتها و حجيت
تقوى: والله و صارت صدك و صديقه روحي راح تتزوج
نُهى: عمرري والله هوَ اني هم ممصدكه راح اتزوج
تقوى: حقج حقج
نُهى حبت تسوي مكياجها بنفسها و يعني من صدك صار يجنن مكياجها تمنيت لو مسويه مكياج عُرسي و اني هم خليتها تمكيجلي استغليتها
بعدها اجو البنات و نُهى اختارت كُلشي بتدرجات اللون الازرق حيل نازك و كُلنا جبنه بجايم لون ازرق غامق بقينه نركص و ما بقينه شي بنفسنه اخر شي صارت بـ10يلا كُل وحده راحت البيتهم بس نُهى اصرت ابات يمها و ما حبيت ابقيها بخاطرها اتصلت على الحسن
الحسن: عيني
تقوى: سالمه عيوونك بس احمم عندي سالفه وياك
الحسن: احجي حبيبي
تقوى: نُهى تريدني ابات يمها
الحسن: و انـه شلون بيه؟
تقوى: بس ليله
الحسن: هوَ هيج و مشتاقلج چا شلون لو منا الباجر
تقوى: خطيه تبقى بنفسها و بنفسي
الحسن: يلا عيني ابقي
من سمعنى اني و نُهى صرنه نطافر من الفرحة
تقوى: شكررراً هوووايه هوايه حبيبي
الحسن: تدللين بس مو تنسيني
تقوى: اااببد
ضحك و شويه و غلقته دخلت نُهى تسبح من طلعت دخلت وراها و صعدنه لغرفتها و طبعا باجر عرسها فـ لهل سبب طلبت مني ابقى يمها
اول ما دخلت للغرفه راحت على سريرها و حجت
نُهى: مداصدك هاي اخر ليله هنا باجر راح اكون ويه صديق طفولتي و فوكاها زوجي!
تقوى: اي عينيي افررحي اتزوجتي مُـنقـذج
ضحكت بعدها اجه صوت مسج على موبايلها بسرعه ابتسمت
غمزتلها و حجيت
تقوى: والله انتِ واكعه و محد مسمي عليج
نُهى: يبوو لا تخجليني
ضحكت عليها بقت تحجي ويا شويه و اجاني مسج على جهازي
YOU ARE READING
الحَسن
Adventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
