فزيت اصرخ امي فزت
غسق: اسم الله الرحمن شبيج ماما
تقوى: ماما يردون ياخذون روحي مامااا
غسق: يمه اسم الله عليج منو مااكو احد
تقوى: ببكاء، الخطفونييي اجوني بالحلم يكولون نريد روحج
غسق: حبيبتي، مااكو همه هسه بالسجن ميكدرون يوصلولج
تقوى: لالا هسه يشردون و يجونييي
غسق: لا شلون يشردون اكو شرطه يراقبوهم ميكدرون
تقوى: يعني ميجوني؟
غسق: اي حبيبتي و باجر احجي ويه الحسن هوه مراقبهم ميخليهم يطلعون
تقوى: صدك
غسق: اي، والله
حاولت ارجع انام و من تعبي نمت بلا ما احس على روحي
كعدت ثاني يوم الصبح تريكنا وبقيت كاعده اصفن و ورة الصلاة اجن خواتي المتزوجات سيلين و تالين يمه روحي مفرفحه عليهن ماصدكت اشوفهن!
سيلين الجبيره و تالين اصغر من سيلين بسنتين متزوجات زواج تقليدي و من كرايبنه متزوجات اخوان يعني فـ عايشات بنفس البيت و جابهم زوج سيلين اسمه عبدالله اول شي دخلن هنه
حضنتهم و هم نفس الحاله انهارريت صارلي شكد مشايفتهم خواتي حنينات حيل حنينات و فقيرات مو مثلي يكولولي وكحه بس بنفس الوقت نفس الحنيه ورثناها من امي ابتعدت و لبست شال لان عبدالله راح يدخل سلمت عليَ و تحمدلي بالسلامه خواتي يجون كل 3اسابيع يباتون يمنه يومين او 3 راح عبدالله و بقن بس هنه كعدنه وحده وبلشت سيلين تسردلي الصار بغيابي لان بيومها همه جانو جايين النه كالعاده يباتون
سيلين: وصلنا البيت اهلي و سلمت سألت امي
سيلين: يمه تقوى بعدها بالدوام؟
غسق: اي مرات تتأخر لان اخر وحده بالخط و الخط الطالبات بي مو قليلات هيه كلمره تجي بـ2 و مرات و ربع
بقينه نسولف و نجهز بالغده بس الغريب؟
الساعه صارت 2ونص و تقوى ماكو كلنا يمكن تاخرت شويه ننتضر ابويه بالدوام يوميه يجي بـ3 صارت ونص و ثلث
غسق: ياربي وينها خلي اخابر ابوها يخابر ابو الخط مااعندي رقمه
المكالمه:-
غسق: الله يساعدك
-ويساعدج شنو خو ما صاير شي؟
-والله تقوى بعدها لحد هسه ما جايه مااكو خابر ابو الخط شوفها وين
-شنو معقوله لحد هسه
-اي والله مااكو
-يلا مع السلامه خل اخابره
-الله وياك
بقينا ننتضر اتصال ابويه على احر من الجمر دقايق مو قليله و اتصل ابويه
YOU ARE READING
الحَسن
Adventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
