ــــــــــــــــــــــــــــ
علي: وووين مكان الحادث؟ و محمد ووووين
من سمعت اسم ابويه مااعرف شنو صار بيه و الكُل اتجمع حول عمي و يسألون و هو بعده يحجي ويه المتصل بقيت متجمده بمكاني ممستوعبه صرت حتى مااسمع شنو ديحجون اخر شي سمعته
علي: محمد مسوي حادث و هسه لازم اروح للمستشفى
بعدها صرت بوسط الظلام...
ندى:-
علي: محمد مسوي حادث و هسه لازم اروح للمستشفى
شهكنا بصدمه من استوعبنا الموضوع كُلنا التفتنا التقوى اول ما التفتت اغمى عليها بعدنا ممستوعبين
ركض الحسن عليها رحنا يمها بقه الحسن يطبطب على خدها
الحسن: تقوى بابا اكعدي حبيبتي تقووى
صار مثل المخبل ميعرف شنو يسوي
اجه حسين ركض عليه
حسين: ولك كوم اخذها للمستشفى شبييك
بسرعه ادرك الموضوع و شالها طلع كدامه حسين يفتح السياره و وراح ورا الحسن
ندى: ريام جيبي عباتي و حجابي بسرعه
جابتهم لبست بسرعه و طلعت
حسين يسوق واني ليكدام و الحسن مخليها بحضنه ليوره و يحجي وياها بهمس
ندى: كول يالله حبيبي مابيها شي ان شاء الله اكيد صار عليها ضغط لا تخاف عيني الله موجود
الحسن: ونعم بالله
متت قهر عليها ادعي الها و الابوها ان شاء الله ميصير بيهم شي يارب
وصلنا للمستشفى القريبه علينا دخلوها الطوارئ بقينا ننتضر وره شويه طلعت الممرضه
الممرضه: عيني المريضه وضعها احسن بس هيَ متتحمل ضغط و بالاضافه عندها فقر دم فـ كلش متتحمل ولازم تاخذ علاجات و ڤيتامينات و إن شااء الله تصير افضل
حسين: تمام شكرا صحت لو بعدها؟
الممرضه: شويه وتصحى لا يضل بالكم
الحسن: نكدر نشوفها
الممرضه: هسه نحولها الغرفه و تكدرون تشوفوها
الحسن: تمام شكرا الج
الممرضه: ولو واجبي هذا
حولوها للغرفه دخلنا اني و الحسن حسين بقى بره
اسمعه يحجي وياها بصوت ناصي
الحسن: تـقُواتي انتِ تعرفين شكد احبج؟ يمكن تعرفين ويمكن لا بس انـه احبج اكثر من روحي تقوى ابقي دائما يمي انـه اريدج مااكدر بدونج روحي بيج لا تضعفين اريد تـقُواتي القويه يلا اكُعدي حبابه والله بعد ابد مااضوجج وانام بالكاع ماانام على الجربايه بس كومي و ها انـه مو واعدتج بس ارجع اجيبلج شغله؟ جبتها الج اول ما رجعت وانـه بالطريق على اساس اليوم انطيها الج بس انتِ هسه نايمه كومي اكُعدي حتى اشوفج اعرفج تحبيها حيل تقوى؟
YOU ARE READING
الحَسن
Adventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
