ــــــــــــــــــــــــــــ
أريُد محادَثتك طويلاً
حتى يملُ الكلام مـنا...
ـــــــــــــــــــــــــ
بقيت صافنه كُلشي بيه جامد عكس داخلي كُلشي بروحي يرجف ابويه! و وصيه! و وحده منهن خااصه بيه!
حجيت برجفه
- ش شنو وينها؟ شنو كاتب؟ اكو احد قراها غيري؟
الحسن: اهدي عيني محد قراها و هسه اهدي حتى انطيها الج
رحت كعدت على التخم خليت راسي بين ايدي احاول اتمالك نفسي
حجيت بهدوء
- انطيني اريد اقراها
- تمام بس خليج هادءه عيني
- تمااام بس انطيني
انطاني ضرف ابيض مكتوب عليه
الى ابنتي عَزيزتي تـقُوى ...
داخل الضرف ورقه مكتوب:-
بنتي حبيبتي لا تضوجين اذا الله اخذ امانته انه روحي تروح على دموعج يا بعد عيني اريدج
تبقين تقوى بنتي القويه اريدج تحققين كُلشي بنفسج اعرفج تحبين تطلعين و تشترين و تتونسين اني ضميت مبلغ خاص بيج فقط بس انتِ اصرفي و اتونسي بي حبيبتي مكان المبلغ بـ كنتوري بأخر رف راح تلكين صندوق بي مبلغ الج بس
انتِ الكبيره من بعد سيلين و تالين هنه هسه متزوجات فـ انتِ جبيره امج من بعدي لا تتقيدين بزواجج شوكت ميعجبج اتزوجي و عيشي حياتج و لا تنسين تخلين اسمج بكُل مكان مثل ما تحبين و امج حبيبة روحي هم لا تنسيها هي و اخوانج الصغار عينج عليهم انتِ اكثر وحده اثق بيها عزيزة روحي
حفظك الله ورعاك عَزيزتي
من محمد الى ابنتي تـقُوى...
حسيت على دموعي تنزل على خدي حاره تلهب لهب
يابه يا ونسه يا طلعه من بعدك؟
اخ ياعيني انتَ، حسيت على ايد تطبطب على متني رفعت راسي شفته الحسن
تقوى: اريد الوصيه الثانيه
انطانيها و قريت جان يوصي علينا كُلنا و بالنسبه للورث هم جان مقسمه علينا بالتساوي و هواي كلام حلو منه صار سنتين على وفاته درست الخامس بدونه و السادس و راح اخلص عُمري بدون شمعة عُمري
واكيد راح يبقى عُمري
مُظلم
وحشه
باهت
مابي روح مابي حياة.
انهاريت بالبجي اجه الحسن حضني و كال
الحسن: رمش عيني شنو حجينه احنا؟
بقه يمسح على ضهري صرت ابجي بصمت و راسي على كتفه
BINABASA MO ANG
الحَسن
Adventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
