شفت ماما بطريقي وگلتلها راح اشتم هوه وماحجت
وطلعت اكمل طريقي وشفته واگف بصف سيارتي وعيونه متغطيه بالنظارة بس
بارزه لمحة استمتاع منها.. وشعره نازل على عيونهتقدمت وصرت قريبه منه وضغطت على السويج وانفتحت السيارة
مد هو ايده وفهمت يريد السويج فأنطيته اله وصعدنا بصمتبعد مده بالطريق حجيت
-فهمني؟
بعد نظراته من الطريق وعلى مايبدو جان صافن بس قاطعت تفكيرة
وحجه بهدوء-خلي نوصل ونحجي براحتنا
ما حبيت اسوي مشاكل لذلك سكتت وانظاري بقت على الطريق من الجامة
اسمع بين فترة والثانيه تنفسه يصير تنهداتوأخيرًا وصلنا لمكان .. جان حديقة عامة
نزلنا وتحركت أمشي بصفه وعفنا السيارة بمكان قريب، حجيت انظف حلكي-عثمان الشغله مو لعب تفهم؟
صار مقابيلي ورفع حاجبه وحجه
-ما اريد العب وياج
-ما اريد اتزوجك
تنفس بعمق وزفر بصوت عالي، مشاعر غريبه تحاوطنا
-ليش؟
-شنو ليش؟ مستوعب كلامك؟ أحنه حتى مو اصدقاء هسه تريد نتزوج؟
اني احب شخص غيرك وانت كذلك ومصارحين نفسنا تره؟ تريد تجرب شي نهايته مصيبه؟؟؟ عثمان شغل عقلك تصرفاتك صارت زيادة عن اللزومضغطت على فكي حتى ما اجفص واغلط
احس يستنزف مشاعري ويسبب ببعثرة اعصابي لدرجة احس اريد
انفجر بوجههبعد صمت فترة حجه
-ليالي اني واثق بهاي الخطوة
-واثق؟ واثق شنو؟ مستحيل اتقبلك او تتقبلني وراح يفشل بكل الحالات هذا الزواج!
-ليش ما ينجح؟
-مستحيل ينجح، الزواج لازم يكون مبني على عدة اشياء و ولا وحذه بيناتنه
-شنو هاي الاشياء؟
-الاحترام، الحب، التفاهم الثقه وهواي اشياء مو بيناتنا
رجع شعره لوره وسحب نفس وحجه بهدوء
-كلام فارغ بس.. خلي ننطي روحنه فرصه
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
Part 18
Start from the beginning