وتيرة الاعرج

الوتيرة الثلاثون

- نيتي بمكانها انتَ طريقة سؤالك مو راحه مثلك

- اي ماكتيلي ليش

- غير سويتلك كمادات

- اها وبعد

- واغتصبتك

ماشوفه غير غص بالضحك من كمية الضحك الي ضحكها كام يكح غميت نفسي وسحبت مخدتي من جوه راسه اركع بالكاع رحت نمت بغير جهه مطنكرة

-ارسلان: اخخخ راح شرفييي

-غياهب: تره اكوم اچفص ببطنك

- اسف حضرة المحامية

- اسكت خلي انام

- نامي يحيلي جعل محد ينام غيرج

صحت بصوت بضوجه ..

- اخخخ گلبيييي ورررم منك

- غياهب

- هاا

- اسئلج سؤال بس اريد اجابه صريحه

- شنو

- ليش تلعب نفسج مني من المسج

- من ايدك انتَ

- اممم ممكن تفهميني

عدلت نومتي نمت على ظهري وصفنت بالسكف ..

- انتَ ماخليت اي مجال بينه اخطائك محتلك
كل الفرص .. درت بوجهي اله .. تعبتني واذيتني انتَ ارسلان گلبي ماجاي يكدر يتقبلك ولا يتقبل اي شي منك كلشي من ايدك انتَ

- بس انتم كلكم ضدي مابيكم الي وكف وياي

- لان ماشي على الخطأ

- محد بيكم فهمني ولا فهم وجع گلبي

حجه هل الكلمات بنبرة انكسار واضح الحزن بيها ..

- حاولت افهمك بس انتَ ماتنطي مجال للمقابل يفهمك بكل مره تصدمني بشي أقوى وابشع من الي قبله

- بس انه

ماكمل كلامه سكت ..

- انتَ شنو

- افهمج من نضرت عيونج وافهمج من نبرة صوتج

ابتسمت مستهزئه بكلامه كل ضني يجاملني ..

- لا تبالغ

- من جنه بالعمارة ودخلتلج للغرفة كتلج خلي نطلع رغم حاولتي تخفين دموعج بس نبرة صوتج الي مايفهما من كان انه فهمتها عيونج الي جانت تلمع بدموعها كدرت اشوفهن

- واو شكد مركز بيه

- اممم حتى رسمة شفايفج من تغيريها الاحظها

- قوي التركيز والتدقيق بس ابقى اكرهك

- نامي

- نزلت حرارتك يعني بعدك مصخن

- صرت زين

- حرامات

وكف سحب قميصه يلبس بيه طابك حواجبه
من شفته وشافني طابك الحواجب ذكرت غراضي البقن بالعمارة ..