يزن نازل علي سلم و باين علي ملامحه الضيق
ريماس :اي يا حبيبي جهزت
يزن : ايوه يا ماما انتي بعتي ليهم اللوكيشن
ريماس :لا احنا اللي هنروح نجيبهم و بعدين نروح المحل و بباك سبقنا عشان عنده جرد
يزن :طيب يالا
يزن اخد امه و ريما و اتحركو يزن بيفتح لامه باب تركب جنبه ف اعترضت ....لا يا حبيبي انا هركب هنا جنب ريما
يزن :اشمعنا
ريماس:عايزه ارغي معاها بدل ما رقبتي توجعني و فتحت الباب و ركبت هي و ريما و طول طريق بيتكلمو و قبل ما يوصلو كلمو ايلين تنزل هي و لين
ريماس :تعالي يا لين انتي جنبي يالا
ايلين :اي دا وانا هركب فين
ريماس ضحكت :هتقعدي علي رجلينا يعني الكرسي فاضي قصادك اهو
يزن بص لامه في المرايا و فهم خطتها و ايلين ركبت جنبه و يزن اتحرك بالعربيه
ريما :يزن شغل اغنيه
يزن :شغلي انتي انا هركز في سواقه و لا في موبايل
ريما :اوكاي
لين :شغلي حاجه مبهجه كدا
ريما :عنيا و شغلت اغنيه ل بوسي "ابيع الدنيا" و بقو يسقفو و ايلين باصه للشارع و مش مشتركه معاهم في الحوار نهائي و بعد مده كانو وصلو المحل و دخلو مكتب زين كان قاعد هو سامر بيبصو في الورق
زين ابتسم :اهلا اهلا نورتم اتفضلو اقعد
قعدو و ريما وقفت جنب امها و زين اتصل بشخص يجيب ليه الحاجه و جيه كذا شخص معاهم علب كتير اوي و حطوهم قصادهم
زين :اختاري كل اللي انتي عيزاه يا ايلين كله تحت امرك
ايلين ابتسمت بمجمله:ميرسي يا اونكل
زين :انا مش بتكلم بهزار عشان تقوليلي شكرا انا بقول اللي هيحصل اختاري اللي هيعجبك
ايلين بقت تبص للحاجه اللي قصادها و تبص ليزن كانت تتمني يكون مشاركها في الاختيار و يكونو مبسوطين سوا بس هي بغبائها بعدته عنها الف خطوه لورا و مش عارفه نتيجه دا هتبقي ايه ف اخدت نفس طويل بحزن
لين:اي رايك في توينز دا يا ايلين حلو اوي مش كدا
ايلين ابتسمت ليه:اااااه حلو
سامر وقف جنب زين و همس.... واحنا ماينفعش نختار شبكتنا بالمره
زين بصله و رفع حاجبه باستغراب : نعم
سامر :اي انا قولت حاجه انا بقول يعني بدل ما نجيب الحاجه دي تاني و نرص انا خايف عليك يعني
زين :اسكت يا ابن زياد اسكت
سامر ضحك :اي ابن زياد دي بس يا عمي
YOU ARE READING
حطمتي حصوني
Romanceحطمتي حصوني يا صغيرتي خطفتي قلبي من اول رؤيه تلك العيون البريئه سلبت قلبي مني و حطمتي حصون قلبي و اصبح ملك ليكي يا اجمل ما رايت عيني
