ريماس دخلت اوضتها و كانت طايره من الفرحه و اتصلت ب لين
لين :عامل ايه يا جميل
ريماس بتضحك:انا عايزه اقولك علي حاجه
لين :قولي يا اختاه و كل اذان صاغيه
ريماس بفرحه :زين بيه لسه ماشي من عندنا
لين بتعجب :زين بيه اشمعنا
ريماس :كان جاي يطلبني للجواز
لين قامت وقفت بصدمه :انننننتي بتتكلمي بجد بجد يا ريماس طلبك للجواز
ريماس بفرحه :اه والله
لين اتنطتت بفرحه .....اخيرااااااا و بعدين ايه اللي حصل احكيلي كل حاجه حصلت معاكي بالظبط من اول ما دخل لحد ما خرج من البيت
ريماس حكت ليها كل اللي حصل و لين بتسمعها و تضحك بفرحه و كانت فرحانه جدا لريماس
زين رجع بيته و كان حاسس ان قلبه بيرقص من الفرحه عمره ما حس بالسعاده دي قبل كدا كان حاسس انه طاير من الفرحه و داخل بيضحك
زياد :لا والله ولا علي بالك انت
زين :في ايه
زياد:في ان ساعتك خرجت من شركه و كنت متعصب جدا و بكلمك من وقتها موبايل مقفول و انا دماغي عماله تودي و تجيب و انت راجع بعد كدا مبسوط ولا علي بالك
زين ضحك و قعد.....معلش
زياد:معلش ايه اللي انت بتقولها دي اصرفها منين دي كنت فين
زين ابتسم ...كنت بخطب ريماس
زياد بصله بزهول .....نعم بتخطبها اذاي يعني و كدا علي طول من غير اي مقدمات
زين :لا في مقدمات فؤاد راح امبارح يتقدم ليها
زياد تنح :اااايه فؤاد
زين :ريماس قالتلي كدا و انا معرفتش اتصرف خوفت تضيع مني لقيت نفسي بروح لبيتها و بطلب ايديها ..
زياد :بس فؤاد اذاي يعمل كدا و ليه اصلا دا ما شفش ريماس غير مرتين تقريبا
زين :عند فاكر انه بالطريقه دي بيلوي دراعي و هو مايعرفش ان دراعي مش بيتلوي
زياد ضحك:ناوي تعمل معاه ايه
زين :حاليا انا مش فاضي ليه انا برتب لفرحي اخلصه و ارجعله
زياد : انت حددت معاد فرحك
زين ابتسم :اها هنعمل خطوبه كمان يومين بالظبط و الفرح بعد ما تخلص امتحانات
زياد راح وقف قصاده و ابتسم و حضنه .....مبروك يا زين ربنا يسعدك
زين بفرحه : الله يبارك فيك عقبالك انت كمان ..
زياد ضحك:بعد الشر انا كدا تمام اووي
زين ضحك :اكيد هيجي بنت تحتل قلبك و وقتها هترفع الرايه البيضا
BINABASA MO ANG
حطمتي حصوني
Romanceحطمتي حصوني يا صغيرتي خطفتي قلبي من اول رؤيه تلك العيون البريئه سلبت قلبي مني و حطمتي حصون قلبي و اصبح ملك ليكي يا اجمل ما رايت عيني