အဲ့လိုအခါမျိုးတွေဆို ငုဝါတစ်ယောက် သူ့ကိုရှက်ပြုံးလေးနဲ့ကြည့်နေတတ်တာကိုလည်း သူသတိထားမိတယ် ။ ဒါပေမဲ့ ဝီရဦးခေါင် ဘယ်လိုမှခံစားလို့ မရ ။
ငုဝါမှ မဟုတ်ဘူး ဒီနှစ်တွေမှာ သူ တခြားဘယ်သူ့ကိုမှ ချစ်လို့ မရခဲ့တာလေ ။
သူ့အပေါ်ကို ငုဝါ တအားကပ်ပြီး မရိုးတာ သိပေမဲ့လည်း ဝီရဦးခေါင်က တော့ ညီမလေးတစ်ယောက်လိုသာ သဘောထားလို့ရသည် ။ ဒီထပ်တော့ သူ့ခံစားချက်တွေက ယမင်းငုဝါအပေါ် မပိုပါ ။
မာမီ့ပုံစံက ယမင်းငုဝါ ကို ခင်တွယ်ပုံရလို့နဲ့ ဝီရဦးခေါင်ကလည်း တခြားသူတွေထက်စာရင် ငုဝါက သာ သူနဲ့အဆင်ပြေဆုံးဖြစ်လောက်မယ်လို့ ထင်ပြီး ဒီလက်ထပ်ပွဲကို သဘောတူလိုက်တာ ။
" မာမီတို့ရဲ့အထူးဧည့်သည်တော်ပါ မင်းကိုယ်တိုင်ဖိတ်ရမယ်နော် ဝီရဦးခေါင် "
" သူ့ကို ကျွန်တော်သိမှ မသိဘဲ မာမီ "
" အို မင်းသိစရာမလိုပါဘူး သူ့ဘက်ကသိရင်ရပြီ "
" မာမီ အဲ့ဒီလူက ဘယ်သူမို့လို့လဲ "
" မနက်ဖြန် မင်း အစည်းအဝေးမှာ ဖိတ်စာပေးပြီး ငုဝါနဲ့ သူ့ကိုသေချာမိတ်ဆက်ပေးလိုက် "
မာမီပြောတဲ့စကားတွေဟာ ဘာကို ဆိုလိုချင်မှန်း မသိပေမဲ့ ဝီရဦးခေါင် စိတ်ထဲတော့ သဘောမကျ ။
ဒါဆို သူနဲ့ အဲ့ဒီ့နေဥတ္တရာဆိုတဲ့ အဲ့ဒီ့လူက သိကျွမ်းခဲ့ဖူးတာများလား ။
" ကိုကိုရယ် အများကြီး မတွေးပါနဲ့ နော် ခေါင်းတွေ ပိုကိုက်နေဦးမယ် "
" အခန်းထဲ ဝင်ရင် တံခါးခေါက် ငုဝါ "
" မကြာခင်တောင် လက်ထပ်ရတော့မှာပဲဟာကို ငုဝါကို မဆူပါနဲ့ ကိုကိုရာ "
သူ့ရင်ခွင်ထဲ ချွဲချွဲနွဲ့နွဲ့နဲ့ အတင်းတိုးဝင်လာသည့် ငုဝါကို ဝီရဦးခေါင် တွန်းလည်းမထုတ်မိသလိုပြန်လည်းမဖက်မိ။
ဘာလို့မှန်းမသိ ငုဝါ ရဲ့ ချွဲတာနွဲ့တာတွေကို သူ လုံးဝသဘောမကျ ။
" ကိုကို့ကို ငုဝါ ချစ်တယ် နော် ဘယ်သူနဲ့မှ ပြိုင်မလုချင်ဘူး "
Chapter 25
Start from the beginning
