#مراس_الدعجاء
للكاتـبة: هدهد
لاتنسون التصويت والمتابعة للحساب وتعليقاتكم الي احبهم 💛
أنوليت وكلها ترمي منين ماروح
سلف داير عليه ويرمي كتال
بيني وبين عزرائيل لحظات
وتمر يمي الرصاصة وأنت على البال
✤———————————————✤
احس گلبي وگع وتقيدت من لزم ايدي وحچه
- لا وين ترحين؟ راح يجي هسه استريحي
بسرعة بعدت عنه مسافة وگلت
- لا افضل أروح وممكن ماتلمسني؟
بس توسعت عيوني من تقدم يلزم أيدي وقبل لا أدفعه انفتح الباب وشفت 3 اشخاص يطلون بالمكان وعيوني تجمدت على شخص منهم جنت أعرفه حق المعرفة.. صديق بابا وشخص أعتبره مثل عمي وجان ابو أنور
الكل يباوعون مستغربين ومن ثبت عليه نظرة وشافني توسعت عيونه وتقرب يحجي
-أبو انور: عمي ليالي؟ شتسوين هنا؟
بعدت عن هذا الي گدامي وتقربت من أبو انور واني احجي
-ها عمي هلو .. عادي نحجي على انفراد؟
عيوني توجهت على الكل وهز ابو انور راسه وحجه بعد ما ارسل بعيونه نظرات تحذيريه لهذا الضابط الي گدامي
-ابو انور: الحگيني عمي
طلعت بسرعة وياه وتمشينا بالممرات الي مليانه عسكريين ودخل بغرفة مبينه مكتبه وغلق الباب وگال مستغرب
-أبو انور: عمي شتسوين هنا؟ ابوج يعرف؟
-لا عمي ميعرف واجيت اسأل عن شخص هنا
-أبو انور: شتسوين يم هذاك؟
-هو گال راح يجيب عثمان حتى اشوفه
-أبو انور: عثمان ؟؟؟ قصدج المتسابق؟
هزيت راسي
-اي عمي
فر راسه لأركان الغرفة وگال
-ابو انور: شيعودلج هو؟ حسب معرفتي ما يقربكم؟ بعدين المكان هنا خطر وابوج مايعرف شلون طلعتي هالوقت ؟
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
